Andinin-tSoratra Masina malaza indrindra nalaina tao amin'ny Yohana 1

Hizara

Leelo vala vina valiposheelaga na kilihuviilila, lyavagahaga kiiva vaana va Nguluvi.

Pashiyanso sha kiwumbwa ifiinu fyona, likhandi likwali iLiswi. ILiswi ilyo likhandi lumo nu Nguluvi. Khanji iLiswi likhandi Nguluvi.

Uwuvalafu uwo wumulikha mu nshiisi, leelo inshiisi yapootwa kiwumena.

ILiswi ilyo lyayinsaga lyava muunu, umuunu uyo wáakhala lumo noose. Ose tawaagaga uwutupikho waakwe, uwutupikho wa Lusawo yuna ali mwene duguli, yuna iihuma kwa Daada uNguluvi, khanji amemile imota ni shiyooli.

Kishilila kwa Liswi ilyo, uNguluvi wáwumbile ifiinu fyona. Asikhawumbile shiinu shoshoona bila kishilila iLiswi ilyo. ILiswi lilyene shiyanso sha wuumi, nu wuumi uwo wuleeta uwuvalafu kwa vaanu woona.

Pamulaawu njine, uYohana wámwaga uYeesu iyinsa kunyaakwe. Wávajovela avaanu vina vakhandi vakwali pala wáaja, “Loleela, uyo yu Mwana Nkholo wa Nguluvi, yuna iwuusa uwunansi wa vaanu woona!

ILiswi ilyo, likhandi likwali mu nyi muno, inyi yawumbwagwa kishilila kwa lyene, leelo avaanu woona ava mu nyi, vasikhalimanyile. ILiswi lyayinsaga kwa vaanu vaakwe, leelo avaanu vaakwe vasikhaliposheelile.

Uwuvalafu uwo, wuvalafu wa shiyooli, wayinsaga mu nyi kiija, wuvamulishile avaanu woona.

Lulwene kiija, pawukuulu uNguluvi wátupeelaga indaji saakwe kwa kishilila uMusa, leelo uluhaavi ulu, atupeelile imota yaakwe ni shiyooli kwa kishilila uYeesu uMukulusaaji.