Andinin-tSoratra Masina malaza indrindra nalaina tao amin'ny Zan 1

Hizara

Bìli sí pe 'fɔ̀li ti nɛ̄ dè, a ti 'ki fànʔa kɛn gè pe mɛ́ pe- kò Kulocɛliɛ pìile, peli bálì pe 'tɛ́ngɛ ti míʔɛ nɛ̄ gè.

Sélimɛ nɛ̄ bè, Siɛnrɛ ti 'puu baa nɛ̀ kúɔ. Nɛ̀ pínɛ Siɛnrɛ ti 'puu nɛ́ Kulocɛliɛ ní, Siɛnrɛ ti 'puu Kulocɛliɛ.

A kpìɛnmɛ pi 'yɛ̀ nɛ càanná wuɔmɔ nī bè; wuɔmɔ piì gbɛ̀nɛ jáa nɛ̀ kpìɛnmɛ tɔ́n bèʔ.

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Siɛnrɛ tire fànʔa nɛ̄ yɛrɛ ti mìɛni nyɛ́nì yiri. Yakaa fáala sì kpíʔile Siɛnrɛ ti fùnʔ. Siɛnrɛ tire nī sìi wi 'puu; sìi wire sí wi 'puu siɛnnɛ pe kpìɛnmɛ bè.

Ki kpìɛnduu gè, a Zan wi 'Zezi wéli wè nɛ̀ nyaa wi báan baa wi kúrugu. A wi 'jo: «Kulocɛliɛ Sìnbapile n'nɛ, lire ni bé duniya kapiile láʔa lè !

Siɛnrɛ ti 'puu bile duniya nī wè; tire fànʔa nɛ̄ duniya wi nyɛ́nì faan, nɛ̀ sí ki taa duniya siɛnnɛ piyè ti cɛ́nʔ. Siɛnrɛ ti 'pɛn ti wuulo tíimɛ mɛ́; ti wuulo piyè fɔ̀li ti nɛ̄ʔ.

Kire kpìɛnmɛ pire pi 'puu kányiʔɛ kpìɛnmɛ bè, pi 'pɛn náʔa duniya nī wè nɛ̀ pɛ́ni càanná siɛnnɛ pe mìɛni mɛ́ bèle.

'Fànʔa Siɛnrɛ dè, Misa wi 'tire tìɛ; gìi sí ki 'kpuʔɔrɔ kúɔ dè, nɛ́ kányiʔɛ ní gè, Zezi Kirisi wi 'pɛn nɛ́ tire ní.