Andinin-tSoratra Masina malaza indrindra nalaina tao amin'ny JUAN 15

Hizara

Axɨñɨ tyone axɨmanu nityakɨ uva, tapɨ axaño tyoneio axɨba niyupaka. Axti naki sɨsioti ichepeñɨ, axɨñɨntyo ichepeti, tyonenti takana nipia uva sɨrɨmana nɨtax. Axtɨ chiyakapɨ auchepe champɨ kokonobo aboi.

Abasikia ichepeñɨ takana axɨñɨ yasikia auchepe. Tɨtusiu aume axtɨ ane taman nipiama chɨtakɨbaɨropɨ kɨtɨpɨki nityakɨx tyone axɨna chɨtaupɨ. Saneityo axaño, champɨ nanenekiche año axtɨ chabasikiapɨ ichepeñɨ.

“Axtɨ abasikia ichepeñɨ axtɨtyo chɨtakɨrusupɨ napakionko iyo nixhanunekaka, apankisio axɨna nauxiantɨmo toxio aume.

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

Axɨna yarusɨrɨx nikuasɨrɨkɨxti osɨborisapa oemo, tyone axɨna axtɨ uityoximiata nosɨboriki tyakuma axɨbama uturapatiki.

Axtɨ ane taman uturuki axɨba nipiax chɨtaupɨ, tɨsɨro uiti Iyaɨ. Tapɨ axtɨ ɨtau, mokoñokono uiti nanaiña axɨba yupaka obɨtau.

Tyone axɨna nixhakɨpuku aume: Aukuasɨrɨ aumeampatoe, takana naukuasɨrɨkɨ iñemo.

Ui axɨna sane tusiankana niyarusɨrɨkɨxti Iyaɨ, axtɨ apisamute aruki nanaiña axɨba omixhia, ui axɨna sane ñemanaunkuxatoe ta amonkaño isiuñɨ.

“Axɨñɨ ñemanauntu tyone axɨmanu nityakɨ uva, tapɨti Iyaɨ tyonenti naki asaratitɨ tyaku.

Axti naki chɨsɨsiotipɨ ichepeñɨ, penekoti tyɨrɨpo takana axɨmanio niyupaka botɨsɨro nauki ameno oto pes.

“Sukanañɨ aume axɨna sane, nauki aupukɨnunka ichepeñɨ. Sane ñana champɨ nityakɨru naupukɨnunku.

Axtɨ apakokonaunka ñome nixhakɨpuku, chɨtakɨrusupɨ naukuasɨrɨkɨ iñemo, sane takanati Iyaɨ isuasɨrɨka ɨmoti, ityopiki xhakokonaunka ɨmoti.

Tyone axɨna nixhakɨpuku aume: Nauki aukuasɨrɨ aumeampatoe.

Axaño aukuasɨrɨkapɨ ɨmoma axtɨ isiupɨ nausɨboriki takana nisɨborikixhimia. Axaño chisiukipɨ nausɨboriki, ityopiki sobi samamekana año tapɨ iyebo aboi takana nisɨborikixhimia. Sane naukiche chuxiampɨ uimia aume.