Andinin-tSoratra Masina malaza indrindra nalaina tao amin'ny Juan 16

Hizara

Iye cato cayë, mësarute yë'ë ja̱'re co̱ni pa'ijë ai yo'oye peoye de'oye pa'ijë̱'ë caquë. Iye yeja cato mësaru ai yo'oye pa'iji. Ja̱je pa'iquëta'are quëcocohua'i pa'ijë̱'ë. Yë'ë je̱'quë iye yejare ñese quëcoquë paë'ë.”

Nuñerepa ca joyopi dani mësarute ye'yaja̱'quë api, si'aye nuñere pare. Coa i̱se'e cuasayere cama'ë pasipi. Si'aye asase'ere casipi. Cui'ne mësarute quëasipi, yequë mu'se tëto sai ja̱'ñere.

Iye macaja̱'a mësaru yë'ë mamipi cajë se̱ñe pa̱huë, yureta'a se̱jë'ë. Se̱jëna, i̱sija̱'quë api. I̱siquëna, sihuaja̱'cohua'i a'ë.

Nuñerepa mësarute cayë. Yë'ëpi saquëna, jerepa de'oye pati'ñe pa'iohua'i a'ë, mësaru. Yë'ëpi saima'quë pa'ito, mësarute co̱cai cui'ne sihua ëaye joyona necaiquë daiye peoji. Yë'ëpi saisiquë pani jëjo daoye pa'iji, i̱te. I̱pi daisi maca quëaja̱'quë api, co'ayere pa̱i yo'oyë, caquë. Nuñerepa yo'oye pa'iji, quëasipi, cui'ne tayo yo'osicohua'ije̱ sa̱i de'huaye pa'iji quëasipi.

Ja̱je cui'ne mësaruje̱ ai yo'oja̱'cohua'i a'ë, yure cato. Ja̱je pa'iquëta'are yë'ëpi co'ini mësarute ña co̱ja'quë a'ë. Ja̱ maca mësaru sihua huajëja̱'cohua'i a'ë. Ja̱ mësaru sihuaye yecohua'ije̱ jioye ti peoji. Ja̱ mu'se cato yë'ëre se̱ni asaye ti peosipi. Nuñerepa mësarute cayë. Ja'quëpi mësarute i̱sija̱'quë api, si'aye mësaru se̱ñe yë'ë mamipi cajë se̱jëna.

Nuñerepa mësarute cayë. Mësaru airepa oija̱'cohua'i a'ë, cui'ne co'a ju̱'ijë pa'ija̱'cohua'i a'ë. Ja̱je pa'ijëta'are iye yeja pa̱i cato sihuaja̱'cohua'i a'ë. Ja̱je oijë pa'isicohua'ita'are mësaru oise'epi yequë mu'se sihuaye po̱nëja'coa.