Andinin-tSoratra Masina malaza indrindra nalaina tao amin'ny Juan 15

Hizara

Yë'ë cato i̱ti ñëre pa'ë. Mësaru cato i̱ti capë̱a'ë. Yë'ë ja̱'re tsioni pa'ina, cui'ne yë'ëpi i̱ ja̱'re tsioni pa'iquëpi jaiye i̱ti ca̱ quë̱iñe pa'iji. Pa'ina, mësaruse'e yo'o ti̱'añe ti peoyë, yë'ë peoquëna.

Yë'ëna tsiosicohua'irepa si'anë pa'ijë̱'ë, mësaru cato, yë'ë mësaruna tsiose'eje̱ pa'ye. I̱ti capëse'e pani quë̱ni ti̱'añe peoji, i̱ti ñëre pana tsiosicopi pa'iye pa̱ni. Ja̱je cui'ne mësaruje̱ yë'ë ja̱'re tsiosicohua'ipi pa'ima'pë pani quë̱ni ti̱'añe peoyë.

Mësarupi yë'ë ja̱'re tsiosicohua'ipi pa'ijë cui'ne yë'ë ye'yase'eje̱ hua̱nëyema'cohua'ipi, mësaru yëyere se̱cohua'i pa'ito, si'aye mësaru se̱ñe i̱sija̱'quë a'ë.

Mësarupi yë'ëre sahuani soima'pë paë'ë. Yë'ëpi mësarute sahuani soihuë. Soini cui'ne cua̱ñehuë, sani jaiye quë̱ijë'ë caquë, ja̱ quë̱iñepi ti pa'ija̱'quë caquë. Ja̱je jaiye quë̱icohua'ipi yë'ë do'ipi se̱jëna, ja'quëpi mësaru se̱se'ere si'aye i̱sija̱'quë api.

Cajeohua'ire oi do'ire te'i ju̱cacaiye a'ë, ai oiye. Yequë peoji, ja̱ jerepa pa'ye pa̱ire oiye.

Yë'ë capë̱a i̱pi të'ca tëte je̱aquëpi quë̱ima' capë̱a. Ja̱je yo'oquë quë̱i capë̱are pase'e nëoquë api, ai quë̱ija'quë caquë.

Yë'ë cua̱ñeñe cato iye a'ë: Oijë̱'ë, yecohua'ire, yë'ë mësarute oise'eje̱ pa'ye.

Mësarupi jaiye de'o co'amaña quë̱iñeje pa'ye yo'ojëna, yë'ë ja'quëpi pa̱ini sihua cua̱ñoji. Ja̱je de'oye yo'ocaijë yureta'a mësarupi yë'ë ye'yacohua'irepa pa'iye ti̱'añë.

Cuiya'i ñëje pa'i a'ë, yë'ë. Yë'ë ja'quë api, i̱ti ñacaiquëje̱ pa'i api.

Yë'ë ja̱'re co̱ni pa'ima'quë cato nejo cua̱ñoquë api. Nejo cua̱ñoni toa sua ja̱'ñe so̱quë capë̱a cue̱neñeje pa'yere tsi'soni ëoja̱'quë api.

Ja̱re quëahuë, mësarute. Yë'ë ja̱'re te'e sihuajë cui'ne sihuayepi ti̱mësicohua'i pa'ija̱jë caquë.

Yë'ë cua̱ñese'ere sehuocaijë cui'ne yo'oni yë'ë oiyere pa'iyë. Ja'quë cua̱ñese'ere yë'ë sehuocai yo'oquëpi yë'ë ja'quë oiyere pa'iyë, cui'neje.

Iye a'ë, mësarute yë'ë cua̱ñeñe: Sa̱'ñe oijë pa'ijë̱'ë.

Mësarupi iye yeja acohua'i pa'ito mësarute otira'huë, i̱ohua'i cajeohua'ire oiyepi. Ja̱je pa'iquëta'are yë'ëpi mësarute iye yeja acohua'ini sahuani soisi do'ire mësarute coeyë, iye yeja pa̱ipi, iye yeja acohua'i peo do'ire.