Andinin-tSoratra Masina malaza indrindra nalaina tao amin'ny Ohabolana 4

Hizara

Tandremo mihoatra noho ny zavatra rehetra ny fonao; fa avy ao aminy no iavian’ny loharanon’aina.

Ataovy marina ny alehan’ny tongotrao, ary aoka ho mahitsy ny lalanao rehetra.

Ampanalaviro ny vavanao ny teny misafelika; ary ampanalaviro ny molotrao ny zavatra tsy marina.

Izao no fiandohan’ny fahendrena: mahazoa ny fahendrena; izay rehetra anananao amidio hahazoana ny fahalalana.

Toy ny fihiratry ny andro maraina ny lalan’ny marina, ka mitombo hazavana hatramin’ny fiposahan’ny andro. Fa toy ny haizina kosa ny lalan’ny ratsy fanahy, ka tsy tazany akory izay hanafintohina azy.

Aza mahafoy azy fa harovany ianao; tiavo izy fa hitahiry anao.

Tano ny fahalalana ka aza avela; raketo izy fa fiainanao.

Aza miditra ny sakeli-dalan’ny ratsy fanahy, ary aza mizotra amin’ny lalan’ny olon-dratsy.

Henoy, anaka, ny anatry ny ray, ary mitandrema mba hahazo fahalalana