Andinin-tSoratra Masina malaza indrindra nalaina tao amin'ny Isaia 30

Hizara

Fa na mivily ho amin’ny ankavanana hianao, na mivily ho amin’ny ankavia, Ny sofinao dia handre teny ao ivohonao manao hoe: Ity no làlana, ka andehano.

Koa Jehovah dia mbola hiandry mandra-pamindrany fo aminareo, Ary mbola hitoetra any amin’ny avo Izy mandra-piantrany anareo; Fa Andriamanitry ny fahamarinana Jehovah; Sambatra izay rehetra miandry Azy.

Fa izao no lazain’ny Tompo, dia Jehovah, ny Iray Masin’ny Isiraely: Amin’ny fiverenana sy ny fitsaharana no hamonjena anareo, Amin’ny fanginana sy ny fahatokiana no hisian’ny herinareo; Nefa tsy nety hianareo

Ary homen’ny Tompo mofo fahoriana sy ny rano fahalahelovana hianao; Ary tsy hiery intsony ny mpampianatra anao; Ny masonao hahita ny mpampianatra anao

Fa hianao, ry firenena mitoetra ao Ziona any Jerosalema, Dia tsy hitomany intsony; Fa hamindra fo aminao tokoa Izy, raha reny ny fitarainanao; Eny, raha vao reny izany, dia hamaly anao Izy.

LOZAN’ny zaza maditra, izay maka saina, nefa tsy avy amiko, hoy Jehovah, Ary manao fanekena, nefa tsy avy amin’ny Fanahiko, Mba hanampy ota amin’ny ota