Andinin-tSoratra Masina malaza indrindra nalaina tao amin'ny Josoa 7

Hizara

Efa nanota ny Isiraely ka nivadika ny fanekeko izay nandidiako azy; fa efa naka tamin’ny zavatra voaozona izy, sady nangalatra sy namitaka koa, ka nataony ao amin’ny entany.

Mitsangàna, manamasìna ny vahoaka, ka lazao hoe: Manamasìna ny tenanareo mandra-pahamaraina; fa izao no lazain’i Jehovah, Andriamanitry ny Isiraely: Eo aminao misy zavatra efa voaozona, ry Isiraely ô; koa tsy mahajanona eo anoloan’ny fahavalonao hianao mandra-panaisotrareo ny zavatra efa voaozona tsy ho eo aminareo intsony.

Koa tsy mahajanona eo anoloan’ny fahavalony ny Zanak’Isiraely; miamboho eo anoloan’ny fahavalony izy, satria tonga voaozona. Tsy homba anareo intsony Aho, raha tsy holevonina tsy ho eo aminareo ny zavatra efa voaozona.