Nehemia INDRAY MIJERY
INDRAY MIJERY
Ny votoatin’ny Boky
Ny Boky dia tohin’ny Ezra ihany. I Nehemia dia tsy mpisorona toa an’i Ezra fa governora ambany fahefan’ny mpanjakan’i Persia. Nahazo lalana ho any Jerosalema izy hanangana indray ny manda sy ny fiainan’ny olona any. Rehefa tonga tany izy dia nisy mpiray tanindrazana maro nomba azy nanangana ny mandan’i Jerosalema na dia tao koa aza ny olona sasany izay niezaka hisakana ny asa, koa sady nitana fiasana no nitam-piadiana ny mpiasa.
Niara-niasa tamin’i Ezra mpisorona koa i Nehemia, niaraka tamin’ny levita maromaro, namaky ny Bokin’ny Lalàna tamin’ny vahoaka manontolo. Niainga avy tamin’izany famakiana ny Bokin’ny Lalàna izany dia nanavao ny fanekeny tamin’NY TOMPO ny olona. Notokanana ny manda rehefa vita, ary nisy fanavaozana tamin’ny fiainam-pivavahana.
Ny firafitry ny Boky
Ny dian’i Nehemia avy any Sosana: 1.1–2.10
Ny fananganana indray ny mandan’i Jerosalema: 2.11–7.72
Ny namakiana ny Bokin’ny Lalàna sy ny nanavaozan’ny olona ny fanekena: 8.1–10.40
Fandaminana ny fonenana sy fiarahamonina tao Jerosalema: 11.1–12.26
Ny nitokanana ny manda: 12.27-43
Fanavaozana samihafa: 12.44–13.31
Voafantina amin'izao fotoana izao:
Nehemia INDRAY MIJERY: MRV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011