Salamo 114
114
Fony nivoaka avy tany Ejipta ny Israely
1Fony nivoaka avy tany Ejipta ny Israely,
dia ny taranak’i Jakoba avy tany amin’ny firenena hafa fiteny,
2dia tonga fitoerany masina i Joda*
ary Israely no fanjakany.
3Nahita azy ny ranomasina ka nandositra
ary nihemotra i Jordana.
4Ny tendrombohitra dia nifalihavanja tahaka ny ondrilahy
ary ny havoana tahaka ny zanak’ondry.
5Inona izato mahazo anao, ry ranomasina, no mandositra ianao?
Ary ianao, ry Jordana, no mihemotra ianao?
6Ary ianareo tendrombohitra, no mifalihavanja tahaka ny ondrilahy?
Ary ianareo havoana, no tahaka ny zanak’ondry?
7Mihorohoroa eo anatrehan’ny Tompo, ry tany,
dia eo anatrehan’Andriamanitr’i Jakoba
8izay mampody ny vatolampy ho farihy
ary ny vatoafo ho loharano.
Voafantina amin'izao fotoana izao:
Salamo 114: MRV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© La Société Biblique Malgache 2011