MATTHAI 17
17
1Niruk hnu ah Jesuh nih Peter, Jeim le a nau Johan kha a kalpi hna i tlâng sângpi ah a kaipi hna; 2an hmaiah a muihmai kha â thleng. A hmai cu ni bangin a ceu i a hnipuan kha rang cercur in an um. 3Cun zohhmanh, Moses le Elijah an rung lang i Amah he bia an i ruah. 4Cuticun Peter nih, “Bawipa, hika i um hi kan caah a áąha; na duh ahcun thlâm pathum in ka sak lai; pakhat na ca, pakhat Moses ca, pakhat Elijiah ca,” tiah a ti. 5A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti. 6Lamkaltu nih cucu an theih tikah, an áąih tuk i an bawk. 7Asinain Jesuh nih a rak tongh hna i, “Tho u, áąih hlah u,” tiah a ti hna. 8An hun zoh tikah Jesuh dah ti lo cu ahohmanh an hmu ti hna lo. 9Cun tlâng cungin an áąum lioah Jesuh nih an sinah, “Mi Fapa hi thih nâkin thawhter a si áąhân hlan lo, hi langhnâk hi ahohmanh chim hna hlah u,” tiah nawl a pĂŞk hna. 10A Lamkaltu hna nih, “Zeiruangahdah nawlbiacawnpiaktu hna nih Elijah a ra hmasa lai, an ti tawn,” tiah an hal. 11Jesuh nih, “Asi, Elijah cu a rat hmasat awk a si taktak ko, zeizong vialte a remh áąhân lai,” tiah a leh hna. 12Asinain kan chimh hna, Elijah cu a ra diam cang, amah cu an rak hngal lo i a cungah an duh ning pauhin an rak tuah. Cubantukin Mi Fapa zong nih anmah kut in a tuar ve te lai,” tiah a ti. 13Cuticun Lamkaltu hna nih Baptisma petu Johan kong a chimmi a si ti kha an hun hngalh. 14Cun mizapi umnâk hmun an phâk tikah, mi pakhat a sinah a ra i a hmai ah kun in, 15“Bawipa, ka fapa hi zângfah hrâm ko, mi tlu a si i a temtuarning a fak tuk: voi tampi ti le mei ah a tlu tawn. 16Na lamkaltu sinah ka ratpi i an damter kho lo,” tiah a ti. 17Jesuh nih, “Maw, zumhnâk ngeilo le ningcang loin a nungmi hna, nan sinah zeicandah ka um ko rih lai? Zeicandah kan in ko rih hna lai? Amah cu ka sinah ratpi u,” tiah a ti. 18Jesuh nih khuachia cu a sik i a chungin a chuak; cu cân thawkin ngakchia cu a dam. 19Lamkaltu hna cu anmah te lawng Jesuh sinah an ra, “Zeiruangahdah kan áąhawl khawh lo? tiah an ti. 20Jesuh nih an sinah, “Nan zumh lo ruangah a si; biatak kan chimh hna an `amci tia zumhnâk nan ngeih ahcun, hi tlâng hi, khi ka ah vâ thawn, nan ti lai i â thawn ko lai, nan tuah khawh lomi zeihmanh a um lai lo,” tiah a ti hna. 21Asinain, “Hibantuk hi thlacamnâk le rawl ulhnâk dah ti lo cun a chuak kho lo,” tiah a ti. 22Galili ram i an um ko lio ah, Jesuh nih an sinah, “Mi Fapa hi minung hna kut ah tlaihter a si te lai, 23an thah lai i nithum ni ah thawh terin a um lai,” tiah a ti. Cun an ngaih a chia ngai ngai. 24Kapernaum khua an phâk tikah, áąempal ngunkhual khawltu kha Peter sinah an ra i, “Nan Cawnpiaktu nih áąempal ngunkhuai a pe bal maw? tiah an ti. 25Anih nih, “A pĂŞk tawn ko,” tiah a ti. Inn i a luh tikah Jesuh nih, “Simon, zeitindah na ruah? Vawlei bawi hna nih thilri ngunkhuai le pumpâk ngunkhuai hna hi ahosinindah an lâk tawn? An fale sin in maw, midang sin in? tiah a ti. 26Peter nih, “Midang sin in,” tiah a ti. Jesuh nih, cuti a si ahcun a fale cu an luat tinâk a si. 27Asinain lungsilo i kan umter suak nâkhnga lo tiva ah va kal law, sio va thla. A hmaisa bik a chuakmi nga kha tlai, a kâ na kau lai i fanghnih na hmuh lai, cucu la law, nang le kei caah va pe hna,” tiah a ti.
Voafantina amin'izao fotoana izao:
MATTHAI 17: HAKABSI
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.