MATHAIIN 10
10
Zolai Somleianni
(Mk 3.13-19; Lk 6.12-16)
1Hatuka a zolai somleianni ha a kom apai, ratha annim ngai chunga ningneina apeka hava ngai ei khaia hanuk rikhua le ana tin ei mandam thei u na rang. 2Ha somleianni ngai raming hiva ngai hi Simon Pitor hatuka a parual Andria, Jebedi a sapa Jakob le a parual Johon. 3Philip, le Bartholomai Thoma le lei ansuang Mathai Alphai a naipasal; 4Jakob le Thaddai; Kanan Simon hatuka Juda Iskariot ama han anmumak ngai kuta ei pek.
Somleianni ngai Thorang
(Mk 6.7-13; Lk 9.1-6)
5Hiva somleianni hi Isuan ei tira hangai ha chong ei pek. 6“Jentail ngai lampuia se u no ro hatuka Samari bung lut u no ro hanekten Israel khuka beran pei ngai kom se u ro. 7Hatuka nei se u na tina hiva chong hi ril u ro, ‘Vanram anai zei!’ atia. #Lk 10.4-12 8Ana ngai mandam u ro athi ngai mathui u ro aphar ngai manthiang u ro kachai ngai khai u ro. Man abui a nei man u man abui dena pe u ro. 9Na kong vong u rang. 10Rangkachak, sumru, dangka siakna rang marsa, zani anni, kekok, raimol, hava ngai dora mansuk u no ro. Asik chu sin atho ngai chu asak anang. #1 Kor 9.14; 1 Tim 5.18
11“Hatuka khopui, khuana, ina nei lut u na ansuk ual arok u ro mun ateia na se u man hava han om u ro. 12Hatuka a ina na lut u tik le raisan chong ril u ro. 13Hava han nei tung u na ha arua aniten nei ni u na ha ama chunga chul rase. Arua ani nok ten na phukdai u na ha na kom u den hong kir rase. 14Hatuka nangni ana pom u nok tak chu hanuk na chong u anngai nok tak chu ha in le ha khua ata na suak u tik na ke philvut u ngai athing u ro. #Kts 13.51 15Ataka kei na ti ni u zei ruiril nikhuana ha khua ei tong rang chu Sodom le Gomora ram ei tong azang ual! #Mt 11.24; Anp 19.24-28
Ansinsakna Hong rang
(Mk 13.9-13; Lk 21.12-17)
16“Enro! Ngelang laia bera anga, hantin han kei na tir ani u zei hasik han marul anga hiana vasu anga annuai u ro. #Lk 10.3 17Tenchu mi ngai ata anrenga om u ro asik chu ruiril muna na pe untia anchunna ina na zem unti. #Mk 13.9-11; Lk 12.11-12; 21.12-15 18Hava baka ka sika ram ulian le reng ngai makunga amani le Jentail ngai kom anriat ranga na ruai unti. 19Tenchu min ana sur u tik hatika nangnin hontinmo, imo aril rang atia andon u no ro. Asik chu nei ril u rang tak ha ahun taka anpe inti. 20Asik chu nangni ni mak aril rang na Pa u a Ratha, na sungril u na a chong aman ril inti.
21“Hatuka a parualin a parual, a pan a nai ha athat ranga pe inti hatuka nai ngaiin nupa dui intia manthat inti. #Mk 13.12; Lk 21.16 22Hatuka ka raming sika mi doran na mumak unti, tenchu ahekten peia angirtit tak chu zok inti. #Mt 24.9,13; Mk 13.13; Lk 21.17 23Hatuka khokhata ana not u le khua teia rot u ro. Ataka kei na ti ni u zei Israel khua dora na na sin u hek no ni Miring Sapa a hong nok maseng.
24“Anchu anchupu neka lian mak hatuka suak suak puma neka lian mak. #Lk 6.40; Jn 13.16; 15.20 25Anchu, anchupu dor suak a puma dor aniten ahun, in puma ha Beelzebul ati u ten a in komi ngai vang chu haneka imo ei ti u nok rang! #Mt 9.34; 12.24; Mk 3.22; Lk 11.15
Tumo Anchirua
(Lk 12.2-7)
26“Hasik han hangai ha achi u no ro asik chu anthup om mak anlang nok rang. Maruk ite om mak ariat nok rang. #Mk 4.22; Lk 8.17 27Azing kara keina ril u ha, hava ha avara ril u ro, hatuka na kuar kunga nei rangai u ha hava ha in chunga ril u ro. 28Hatuka taksa that theia ratha that thei lui ngai ha chu achi u no ro, tenchu taksa le ratha aninin anphenengna muna anan siat thei hava lam ha chu achi u ro. 29Asara va anni poisa khata anzuar no ni mo? Na pa u phalna nok aniten hangai ha angkhat ngal phila chul mak. 30Tenchu na lu u na sam um antel zit keng. 31Hasik han achi u no ro, asara va tampa neka na lian u.
Isua Heng le Pom
(Lk 12.8-9)
32“Miring makunga ana pom tak chu kom ka Pa vana mi makunga ama ha pom ka ti. 33Tenchu mi ngai makunga ana pom nok tak chu kom ka Pa vana mi makunga pom no ning. #2 Tim 2.12
Anngoina nimak Aduina
(Lk 12.51-53; 14.26-27)
34“Phil chunga koi hi phukdai a peka hong atia na malung masui u no ro. Phukdai a peka hong makung, tenchu khendai a pek ke kei hong. 35Asik chu a pa le a nai a nu le a nainupang, hatuka a tarpi le a muinu ansen ranga ahong ke kei ni. #Mik 7.6 36Hatuka a u, a nanai ngai hake miring ei anmumak rang.
37“A nu mo a pa mo ka neka andit tak chu ka mi ani rua ni mak. Hatuka a naipasal mo a nainupang mo koi ei na dit neka andit tak chu ka mi ani rua ni mak. 38Hanuk aninga a kros anputa ka nuk zi lui tak chu ka mi ani rua ni mak. #Mt 16.24; Mk 8.34; Lk 9.23 39A nuk arung tak chu machan inti, hatuka ka sika a nuk anchan tak chu ama chu zok inti. #Mt 16.25; Mk 8.35; Lk 9.24; 17.33; Jn 12.25
Phamman
(Mk 9.41)
40“Ana pom u tak chu koi ke ei na pom. Koi ana pom tak chu ana tirpu ke ei pom. #Mk 9.37; Lk 9.48; 10.16; Jn 13.20 41Deari ha deari tia a pom takin deari phamman man inti. Hatuka minzik ha minzik atia apom ten anzik phamman man inti. 42Hanuk hi asin ngai bila angkhat pei ruaisi atia ti dai khuri khat annek chu phamman man inti.Ataka kei na ti ni u zei, a phamman machan no ni.”
Voafantina amin'izao fotoana izao:
MATHAIIN 10: RANGBSI
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.