MARK 16
16
Jisu Thawknawlhnâk
(Mat 28.1-8; Luk 24.1-12; Johan 20.1-10)
1Chun, Dinhni chu a hawng lanh rawh chun, Mari Magdala mi, Jem nu Mari leh Salomi tla nih chun Jisu taksa chulh ding hen an va kal khonâk ding hen zeilo rimthâw an châwk. 2Chun, ni sarih ni masa chem ah, zîngtê ah, nî suak nûnah thlân chu an va tleng. 3Chun, “Thlân kawtkâ ah mi lung chu âunih me a kan rilh piak ving lai aw?” 4anna ti liau chirah an va chuanh le, lung chu rilh chia hen an muh le, lung chu a lian thlo asi. 5Chun, thlân sungah an lût le, tlangvâl pakhat puan vâr aih mi, vawrhlei kângah to an muh le; an lawksawng rawh.
6Chun, anih nih chun, an sinah, “Lawksawng lah u; Jisu Nazaret mi, an khenhbêk mi kha nan hâwl asi; a thawknawlh rawh; hinah a um lo rawh, zauhnik u, an vûinâk hi! 7Sikhawmsele kal ule, a ṭhiruai tla leh Peter sinah chun, ‘Galili ram ah nanmah lânah a kal awt; nan sinah a sim hâwitê khan chunah chun nan muh lai,’ ti hen, simh na u,” a ti.
8Chun, an thir le, chê an ti ruangah an suak le, thlân thawk hen chun an tek chiam le; an ṭih ruangah âu sinah khawm zeikhawm an sim lo.
THÂWNGTHÂNG ṬHA AH DAWNGHNÂK LI CHU
Mari Magdala Mi Sinah Jisu A Langhnâk
(Mat 28.9-10; Johan 20.11-18)
9[Chun, ni masa chem Pathian ni zîng ah, zîngtê ah a thawknawlh rawh chun Mari Magdala mi, a sungah mi khuri pasarih a nar piak mi sinah khan â langh masa chem. 10Chun, anih chu Jisu umpitu tla sinah a va kal le, mithi ulh hen ṭap liau chu a simh rawh. 11Sikhawmsele, annih nih chun, a nung nawlh le, muh khawm a muh ti an theih ko na hen an lung lo.
Ṭhiruai Panih Sinah Jisu A Langhnâk
(Luk 24.13-35)
12Chun, chu mi nûnah chun an lakah mi panih ram lei fûk hen an kal liauah mêl dang put hen an sinah â langh. 13Chun, annih nih chun ṭhiruai dang tla an va simh le, annih khawm chu an lung lêm lo.
Leikhat Tla Sinah Jisu A Langhnâk
(Mat 28.16-20; Luk 24.36-49; Johan 20.19-23; Thil 1.6-8)
14Chun, chu nûn khawm ah chun, buh an dûm liauah leikhat tla sinah tak â langh le, a thawknawlh nûnah a muhtu tla thu chu an lung lo ruangah leh an thinlung chang leikâng thu ah a fâi na rawh. 15Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u. 16A lung hen baptis hen a um mi chu ruangsuak hen a um lai le, a lunglotu lam chu mawh hen a um lai. 17Chun, hi bang singsiahnâk tla nih hin lungtu chu a zûl vima lai: Ka min hen khuri tla an nâr lai le, hawlh thar hen an hawlh lai le; 18rûl tla kut hen an lâk lai le, thihnâk tûr zei tal din khawmsele zeikhawm a pawi lai lo. Damlo tla tlûnah an kut an thâng lai le, an dam vima lai,” a ti.
Jisu Vân ah A Kâinâk
(Luk 24.50-53; Thil 1.9-11)
19Chuvachun, Lalpa Jisu chu an sinah thu a sim thluh rawh chun vân leiah lâk hen a um le, Pathian vawrhlei ah a to rawh. 20Chun, annih chu an suak le, ram kip ah thu an sim rawh le, Lalpa nih anmah tla a ṭuanpi na le; a zûltu singsiahnâk tla hen thu chu a birhtir vima.]#16.20 Zeimaw mi lehnâk ah chun chân 9-20 nâk hi an telh lo. Chun, zeimaw mi lehnâk ah chun hi a tangah mi thu hi telhsih hen mawh telh lo hen mawh chân 9-20 nâk hi an rîn asi: “Nunau nih chun, tlangvâl nih a simh mi zawzawng chu Peter leh a hâwi tla sinah a tâwi kâng hen a simh na. Chu nûnah chun Jisu nih zungzâl ruangsuaknâk thu, râwk kho lo leh thenhlimh chu, sim ding hen a fial na. Amen.”
DAWNGHNÂK LI DANG
9 [Nunau tla chu Peter leh a hâwi tla sinah an kal le, thâwngthang an sinah simh hen a um mi zawzawng chu a tâwikâng hen an simh na. 10 Chu nehnûnah, Jisu ngelchel nih suahlei thawk hen tlâklei ah a ṭhiruai tla chu zungzâl ruangsuahnâk thu thenhlimh leh nung chu phuang ding hen a fial na.]#16.20 Zeimaw mi lehnâk lakah leh lehnâk li tla lakah hi ‘Dawnghnâk Li Dang’ thu hi chân 9-20 nâk sap singsuan ah telh asi.
Voafantina amin'izao fotoana izao:
MARK 16: BCLBV
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Bawm Common Language Bible © Bangladesh Bible Society, 2004. All rights reserved.