Luka 10
10
Yesu akpɛ yɛ badɔkpasi avi tegloele ni tiaʋa ní yɛ ɔtɔ nɔ
1Eboa la klɔ kede e, Ɔkaɛ ebu, badɔkpasi avi tegloele ni tiaʋa dzedze, lɛ atsisi ba tiaʋa tiaʋa kpɛ ɔtɔ ní ɔma kakaa ni ikɔɛ lɛ klɔ gi apɛ si yitrɛ ɛ mɛ. 2Lɛ asi ba si, “Amu na lipapoe le lina pɔ̀ la bapapa ba básrɛ ɛ. Lɛ loso mleʋi tɔ ɔnyrɔɔ nɔ onetee ɔtsisi baxwɛwa ba ní yɛ kayaa mɛ tɔ bapa la. 3Mlatrɛ! Mɛɛkpɛ mlɔ ŋwisi kuʋesibi kinɛ ní kuŋwafudroʋi yo kusi i. 4Xe mlɛɛtrɛ ɛ, mlakívu kepimi loo ɔdɔʋi gudo loo afɔkpa lide ʋla, Mlakílɛɛ apani ɔnɔnɔ ní kudeo aʋa a.
5“Xe mleti iku kepe katɔ mɛ ní ɔtɔpu kɔ ɛ, mlapani si, “Kusuyɔ kuze ní kepea lia aʋa a!” 6Xegi kusuyɔ onete ɔlɛ ní kepea mɛ ɛ, mlɔ kusuyɔɔ kwiaze ní yɛ aʋa. Xe aní te pɔ̀ ɛ, mlɔ kusuyɔɔ kwiadzi kuba mlɔ klɔ. 7Mlatí ní kepea lia klɔ mɛ. Mlaŋa bidɔ tɔ mlaŋwɛ kidɔ kakaa gi bɛki mlɔ ɛ; lɛ ese linu si ɔxwɛwa yɛ yɛ bizɛɛtsa liʋɛ ɛkɔ ɔ. Mlakítsrɛ kupeo o. 8Xegi mleti iku ɔma ɔtɔ mɛ ɛ, xe bɛkpɛ mlɔ wolaa ɛ, mlaŋa kidiliɛ gi bɛki mlɔ ɛ.
9“Mlayɔ ni banyanya ba ní ɔmaa lɔ klɔ mɛ, tɔ mlasi banima ní klɔ si, ‘Aya yɛ Kaʋaŋaa ketipɔni mlɔ.’ 10Pɔ niklɔ gi mlɛtrɛ ɛ, xe bázɛ mlɔ ɛ, mledo ní lɔ ablɔ ʋa aʋa tɔ mlapani si, 11‘Mlɔ ɔma nɔ mɛ ovugbo ɔlɔ klɔ gi evu blɔ kuklikpɔ kyɛ ɛ, kwisugu lo ɛplɛ ki mlɔ ŋwisi kiseʋi dúdu ní mlɔ su kinɛ ɛ, Pɔ̀ mlaplɛ aŋu si, Aya yɛ Kaʋaŋaa, ketipɔni mlɔ ɔ.’ 12Matrɔ likla lɛ aʋa aki mlɔ si, Aya aadi Sodom asigaga sani ɔma lɔ klɔ ní Litsixwawe le aʋa.
Kutuhehe ki Imaɛ lɛ klɔ gi íziŋa ɛ
13“Litraze gagla ɛki mlɔ Korazinanɛ ma; litraze gagla ɛki mlɔ Bɛtsaidanɛ ma kyɛ ní Litsixwawe le aʋa. Atɛsi enugutseboe ala gi bɛbitɛ ní mlɔ kusi i, xe Tiro ni Sidon ima nɛ mɛ bɛbitɛ la ɛ, nya niklɔ banɛ ma benyime akpanya, xe bɛdzà kusuʋɔtɔ tɔ libasɛ si bekyi ba ina nɛ mɛ ní ba eboe zimizi na su u. 14Ni Litsixwawe le aʋa ɛ, Aya aadi Tiro ni Sidon asigaga sani mlɔ. 15Lɛ wɔ Kapernaum ɔma nɔ pɔ̀ ɛ, kitɛ wɔpɛ si wumuni isu ya lifune e? Lizokpo gluglui lɛ gi odukɔ ɔma kilɛ ɛ, lɛ mɛ bɛtráŋwia wɔ ɛkpɛ ɛ.
16“Lɛ Yesu asi yɛ badɔkpasi ba si, “Ɔniliɛ gi azɛ mlɔ liboe le e, mɛ liboe le azɛ; nite ke ɔniliɛ gi ɔ́zɛ mlɔ ɛ, mɛ ɔ́zɛ ɛ. Lɛ ɔniliɛ gi ɔ́zɛ mɛ ɛ, Ɔkaɛ gi akpɛ mɛ ɛ, yɛ ɔ́zɛ ɛ.”
Badɔkpasi avi tegloele ni tiaʋa ba kudzidzio
17Badɔkpasi avi tegloele ni tiaʋa ba bedzi dɔni kudeo me ni isami glegle. Lɛ bɛki kunutsatsa si, “Ɔkaɛ, agi kwidzɛ ɛ, xegi kwikpɛ isã ɛki ifuɛfuɛ zimizi ne kura fɛ ní wɔ linyi ne me e, izenu kutu iiki blɔ.” 18Yesu asi ba si, “Mamɔ Satana gi awɔli adɔ nɔ lifunu ne ŋwisi dzeni kifububu kinɛ ɛ. 19Mlata kutu! Maki mlɔ kigagla si tɔ mlaatani kuga ní bagblaga ʋa ni kutapiadzɔɔ aʋa, lɛ mlaaŋa Ozimizi ye kigaglaɛ petee aʋa gi kididɔ kítrasa mlɔ ɔ. 20Pɔ̀ isami ikíku mlo tete si ifuɛfuɛ zimizi ne inu kutu iiki mlɔ ɔ; boŋu i, isami iku mlo si bɛŋwlimi mlɔ enyi na ní lifunu ne.”
Yesu amɔ isami koŋ
21Lipoe lɛ klɔ mɛ, Ɔfuɛfuɛ Dradra lɔ ɛki si isami iyi Yesu me. Lɛ apani si, “Mɔka, wɔ wonu lifunu ne ni kesea Ɔkaɛ! Medo wɔ ɖase si wɔkɔ eboa la okpo beboete ba ni beplekpate ba, pɔ̀ woble la ɔbasɛ krutu ba. Ee, Ɔka, nite wɔ pɛ si lize.
22“Mɔka akɔ bidɔ mɛ petee akpɛ mɛ awla. Ɔnɔnɔ óte ɔniliɛ gi Obi ye onu u sani Ɔkaɛ. Lɛ ɔnɔnɔ óte ɔniliɛ gi Ɔkaɛ onu u sani Obi ye ni banama gi beku Obi ye liŋu si yibu Ɔkaɛ basɛ ɛ.
23“Lɛ Yesu ekyi edi yɛ badɔkpasi ba xe asi ba tètè dzaa si, “Kunya kulɛ mlɔ su koŋ gi mlɛmɔ eboa la aŋu mɛ ɛ. 24Mɛɛsi mlɔ si, eboa la gi mlɛɛmɔ ɛ, beboedoplɛ glegle ni bekusi ba bɛpɛ la aŋu mɛ si bɛɛmɔ pɔ̀ líba lɛ mɛ ɛ. Lɛ bɛpɛ si beenu eboa la gi mleenu i, pɔ̀ bénu u.”
Abee ní Samaria ɔnɛ gbã yɛ su
25Liba lɛ mɛ si ɔsã nɔ ɔdɔbasɛ ɔtɔ aba Yesu klɔ gi apɛ si yipunu yɛ evu u. Lɛ eʋi ye si, “Ɔdɔbasɛ yɛ,” “ege maabitɛ xe maamɔ ligbã́ moblo le e?”
26Yesu eʋi ye si, “Kitɛ bɛŋwlimi kpɛ ní Mose ɔsã nɔ mɛ ɛ? Kitɛ wonu le ese e?”
27Lɛ onyimee ebu le onu si, “Dimɛni Ɔkaɛ gi yɛ onu wɔ Aya ɛ, nì wɔ ɔna nɔ petee, nì wɔ esobo la petee, nì wɔ kigaglaɛ petee ani wɔ kugyodi yo petee. Lɛ dimɛni wɔ ɔhanuglɔɛ ŋwisi wɔ isu ya kinɛ ɛ.”
28Lɛ Yesu asi yɛ si, “Wobu le onu mumɔ, Trɛ tɔ zɛbitɛ kiliɛ gi wɔpani i, tɔ wɔaze ligbã́.”
29Pɔ̀ ɔsã nɔ ɔdɔbasɛ yɛ apɛ si yɛ linɛ ligyɔ ɔ; lɛ loso eʋi Yesu dzɛ si, “Nyaŋwɛ onu mɛ ɔhanuglɔɛ ɛ?”
30Yesu ebu le onu aki yɛ si, “Liba lɛ mɛ liwetɔ lɛ si, onyime ɔtɔ ádɔ Yerusalem gi azeeple atrɛ ní Yerixo e. Beze batɔ bɛdɔ yɛ aʋa, bɛzi yɛ bidɔ mɛ petee ní yɛ awla, bekusi ye lɛ bebu ye liya lɛ ɛ. Niteme si bɛyurɔ yɛ ɛplɛ gi etse okpokpo lo e. 31Liba lɛ mɛ si kusɔli yɔ ɔka ɔtɔ azɛɛga kudeo liɔ klɔ ke, pɔ̀ gi amɔ onyimee gi bekusi i, aga kedepɛ ʋla aza a. 32Nite ke Lewiɔnɛ ɔtɔ kyɛ gi aba na níklɔ ɔ xe edi onyime e, yɛ kyɛ aga kedepɛ ʋlaa aza yɛ aʋa. 33Pɔ̀ Samaria ɔnɛ ɔtɔ gi yɛ kyɛ azɛɛga kudeo liɔ klɔ ɛ, aklani onyime onu. Gi amɔ yɛ ɛ, yɛ ɔna ekyi vu onyimee. 34Eti apɔni yɛ su, lɛ abali wain ni kumu akpɛ ní yɛ ebi la mɛ ɛ, lɛ anya na ɛ. Lɛ efeke ye atrɔ ní yɛ tedzi ye aʋa a, xe akɔ yɛ atsinɔ ní bedega ba ɔyakɔ ɔtɔ ɔ, xe edi yɛ aʋa ɛ. 35Keletitia mɛ ɛ, ebu bibɔ pititi tuʋa akɔ aki kepea ɔʋadi ye. Lɛ asi yɛ si, ‘Di yɛ aʋa, tɔ kidɔ kakaa elu gi wɔazizi pɔnɔ ní yɛ litukpo e, maatsa kɛ ɔki wɔ xe medzi aba ɛ.’
36“Lɛ Yesu agu yɛ liboe le ni kuʋiʋi si, “Ni wɔ kugyodi yo onu i, ni banɔ tiata ba ya mɛ ɛ, owoli onu ɔhanuglɔ ɔki odega liɛ gi awɔli eku ní beze ba iwla mɛ ɛ?”
37Lɛ ɔsã nɔ ɔdɔbasɛ yɛ ebu le onu si, “ɔniliɛ gi edi yɛ asigaga ɛ.” Yesu asi yɛ si, “Wɔ kyɛ trɛ, tɔ zɛbitɛ nite ke e.”
Yesu adzɛ Marta ni Maria klɔ
38Gi Yesu ni yɛ badɔkpasi ba beze ní ba kudeo aʋa ɛ, beku kamamiatɔ mɛ gi ɔdzɛ ɔtɔ gi bizɛxwa si Marta eze e. Yɛ si azɛ Yesu akpɛ ní yɛ kepea mɛ. 39Yɛ onemidzɛ ɔtɔ gi bɛzɛxwa si Maria ɛ, eze ní Yesu yɛ ikli lɛ onu gi azeenu yɛ kudɔbasɛ yɔ ɛ. 40Pɔ̀ kaʋadi ya axwɛ na emi ní Marta tole aʋa a. Nite si Marta aba Yesu klɔ, lɛ asi yɛ si, “Ɔka wɔ́kɔ lɛ me si monemi ye ayurɔ axwɛ na petee atrɔ ni mɛ tole aʋa a? Si yɛ tɔ ɔbapɔni mɛ.”
41Yesu ebu le onu aki yɛ si, “Marta, Marta wɔepè lɛ wɔxixa ní eboe glegle su u. 42Pɔ̀ kidɔ tile ko kizia. Maria kɔ akya kidɔ gbã ɛ gi ɔnɔnɔ ɔ́trazi kɛ ní yɛ awla a.”
Voafantina amin'izao fotoana izao:
Luka 10: avn
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Luka 10
10
Yesu akpɛ yɛ badɔkpasi avi tegloele ni tiaʋa ní yɛ ɔtɔ nɔ
1Eboa la klɔ kede e, Ɔkaɛ ebu, badɔkpasi avi tegloele ni tiaʋa dzedze, lɛ atsisi ba tiaʋa tiaʋa kpɛ ɔtɔ ní ɔma kakaa ni ikɔɛ lɛ klɔ gi apɛ si yitrɛ ɛ mɛ. 2Lɛ asi ba si, “Amu na lipapoe le lina pɔ̀ la bapapa ba básrɛ ɛ. Lɛ loso mleʋi tɔ ɔnyrɔɔ nɔ onetee ɔtsisi baxwɛwa ba ní yɛ kayaa mɛ tɔ bapa la. 3Mlatrɛ! Mɛɛkpɛ mlɔ ŋwisi kuʋesibi kinɛ ní kuŋwafudroʋi yo kusi i. 4Xe mlɛɛtrɛ ɛ, mlakívu kepimi loo ɔdɔʋi gudo loo afɔkpa lide ʋla, Mlakílɛɛ apani ɔnɔnɔ ní kudeo aʋa a.
5“Xe mleti iku kepe katɔ mɛ ní ɔtɔpu kɔ ɛ, mlapani si, “Kusuyɔ kuze ní kepea lia aʋa a!” 6Xegi kusuyɔ onete ɔlɛ ní kepea mɛ ɛ, mlɔ kusuyɔɔ kwiaze ní yɛ aʋa. Xe aní te pɔ̀ ɛ, mlɔ kusuyɔɔ kwiadzi kuba mlɔ klɔ. 7Mlatí ní kepea lia klɔ mɛ. Mlaŋa bidɔ tɔ mlaŋwɛ kidɔ kakaa gi bɛki mlɔ ɛ; lɛ ese linu si ɔxwɛwa yɛ yɛ bizɛɛtsa liʋɛ ɛkɔ ɔ. Mlakítsrɛ kupeo o. 8Xegi mleti iku ɔma ɔtɔ mɛ ɛ, xe bɛkpɛ mlɔ wolaa ɛ, mlaŋa kidiliɛ gi bɛki mlɔ ɛ.
9“Mlayɔ ni banyanya ba ní ɔmaa lɔ klɔ mɛ, tɔ mlasi banima ní klɔ si, ‘Aya yɛ Kaʋaŋaa ketipɔni mlɔ.’ 10Pɔ niklɔ gi mlɛtrɛ ɛ, xe bázɛ mlɔ ɛ, mledo ní lɔ ablɔ ʋa aʋa tɔ mlapani si, 11‘Mlɔ ɔma nɔ mɛ ovugbo ɔlɔ klɔ gi evu blɔ kuklikpɔ kyɛ ɛ, kwisugu lo ɛplɛ ki mlɔ ŋwisi kiseʋi dúdu ní mlɔ su kinɛ ɛ, Pɔ̀ mlaplɛ aŋu si, Aya yɛ Kaʋaŋaa, ketipɔni mlɔ ɔ.’ 12Matrɔ likla lɛ aʋa aki mlɔ si, Aya aadi Sodom asigaga sani ɔma lɔ klɔ ní Litsixwawe le aʋa.
Kutuhehe ki Imaɛ lɛ klɔ gi íziŋa ɛ
13“Litraze gagla ɛki mlɔ Korazinanɛ ma; litraze gagla ɛki mlɔ Bɛtsaidanɛ ma kyɛ ní Litsixwawe le aʋa. Atɛsi enugutseboe ala gi bɛbitɛ ní mlɔ kusi i, xe Tiro ni Sidon ima nɛ mɛ bɛbitɛ la ɛ, nya niklɔ banɛ ma benyime akpanya, xe bɛdzà kusuʋɔtɔ tɔ libasɛ si bekyi ba ina nɛ mɛ ní ba eboe zimizi na su u. 14Ni Litsixwawe le aʋa ɛ, Aya aadi Tiro ni Sidon asigaga sani mlɔ. 15Lɛ wɔ Kapernaum ɔma nɔ pɔ̀ ɛ, kitɛ wɔpɛ si wumuni isu ya lifune e? Lizokpo gluglui lɛ gi odukɔ ɔma kilɛ ɛ, lɛ mɛ bɛtráŋwia wɔ ɛkpɛ ɛ.
16“Lɛ Yesu asi yɛ badɔkpasi ba si, “Ɔniliɛ gi azɛ mlɔ liboe le e, mɛ liboe le azɛ; nite ke ɔniliɛ gi ɔ́zɛ mlɔ ɛ, mɛ ɔ́zɛ ɛ. Lɛ ɔniliɛ gi ɔ́zɛ mɛ ɛ, Ɔkaɛ gi akpɛ mɛ ɛ, yɛ ɔ́zɛ ɛ.”
Badɔkpasi avi tegloele ni tiaʋa ba kudzidzio
17Badɔkpasi avi tegloele ni tiaʋa ba bedzi dɔni kudeo me ni isami glegle. Lɛ bɛki kunutsatsa si, “Ɔkaɛ, agi kwidzɛ ɛ, xegi kwikpɛ isã ɛki ifuɛfuɛ zimizi ne kura fɛ ní wɔ linyi ne me e, izenu kutu iiki blɔ.” 18Yesu asi ba si, “Mamɔ Satana gi awɔli adɔ nɔ lifunu ne ŋwisi dzeni kifububu kinɛ ɛ. 19Mlata kutu! Maki mlɔ kigagla si tɔ mlaatani kuga ní bagblaga ʋa ni kutapiadzɔɔ aʋa, lɛ mlaaŋa Ozimizi ye kigaglaɛ petee aʋa gi kididɔ kítrasa mlɔ ɔ. 20Pɔ̀ isami ikíku mlo tete si ifuɛfuɛ zimizi ne inu kutu iiki mlɔ ɔ; boŋu i, isami iku mlo si bɛŋwlimi mlɔ enyi na ní lifunu ne.”
Yesu amɔ isami koŋ
21Lipoe lɛ klɔ mɛ, Ɔfuɛfuɛ Dradra lɔ ɛki si isami iyi Yesu me. Lɛ apani si, “Mɔka, wɔ wonu lifunu ne ni kesea Ɔkaɛ! Medo wɔ ɖase si wɔkɔ eboa la okpo beboete ba ni beplekpate ba, pɔ̀ woble la ɔbasɛ krutu ba. Ee, Ɔka, nite wɔ pɛ si lize.
22“Mɔka akɔ bidɔ mɛ petee akpɛ mɛ awla. Ɔnɔnɔ óte ɔniliɛ gi Obi ye onu u sani Ɔkaɛ. Lɛ ɔnɔnɔ óte ɔniliɛ gi Ɔkaɛ onu u sani Obi ye ni banama gi beku Obi ye liŋu si yibu Ɔkaɛ basɛ ɛ.
23“Lɛ Yesu ekyi edi yɛ badɔkpasi ba xe asi ba tètè dzaa si, “Kunya kulɛ mlɔ su koŋ gi mlɛmɔ eboa la aŋu mɛ ɛ. 24Mɛɛsi mlɔ si, eboa la gi mlɛɛmɔ ɛ, beboedoplɛ glegle ni bekusi ba bɛpɛ la aŋu mɛ si bɛɛmɔ pɔ̀ líba lɛ mɛ ɛ. Lɛ bɛpɛ si beenu eboa la gi mleenu i, pɔ̀ bénu u.”
Abee ní Samaria ɔnɛ gbã yɛ su
25Liba lɛ mɛ si ɔsã nɔ ɔdɔbasɛ ɔtɔ aba Yesu klɔ gi apɛ si yipunu yɛ evu u. Lɛ eʋi ye si, “Ɔdɔbasɛ yɛ,” “ege maabitɛ xe maamɔ ligbã́ moblo le e?”
26Yesu eʋi ye si, “Kitɛ bɛŋwlimi kpɛ ní Mose ɔsã nɔ mɛ ɛ? Kitɛ wonu le ese e?”
27Lɛ onyimee ebu le onu si, “Dimɛni Ɔkaɛ gi yɛ onu wɔ Aya ɛ, nì wɔ ɔna nɔ petee, nì wɔ esobo la petee, nì wɔ kigaglaɛ petee ani wɔ kugyodi yo petee. Lɛ dimɛni wɔ ɔhanuglɔɛ ŋwisi wɔ isu ya kinɛ ɛ.”
28Lɛ Yesu asi yɛ si, “Wobu le onu mumɔ, Trɛ tɔ zɛbitɛ kiliɛ gi wɔpani i, tɔ wɔaze ligbã́.”
29Pɔ̀ ɔsã nɔ ɔdɔbasɛ yɛ apɛ si yɛ linɛ ligyɔ ɔ; lɛ loso eʋi Yesu dzɛ si, “Nyaŋwɛ onu mɛ ɔhanuglɔɛ ɛ?”
30Yesu ebu le onu aki yɛ si, “Liba lɛ mɛ liwetɔ lɛ si, onyime ɔtɔ ádɔ Yerusalem gi azeeple atrɛ ní Yerixo e. Beze batɔ bɛdɔ yɛ aʋa, bɛzi yɛ bidɔ mɛ petee ní yɛ awla, bekusi ye lɛ bebu ye liya lɛ ɛ. Niteme si bɛyurɔ yɛ ɛplɛ gi etse okpokpo lo e. 31Liba lɛ mɛ si kusɔli yɔ ɔka ɔtɔ azɛɛga kudeo liɔ klɔ ke, pɔ̀ gi amɔ onyimee gi bekusi i, aga kedepɛ ʋla aza a. 32Nite ke Lewiɔnɛ ɔtɔ kyɛ gi aba na níklɔ ɔ xe edi onyime e, yɛ kyɛ aga kedepɛ ʋlaa aza yɛ aʋa. 33Pɔ̀ Samaria ɔnɛ ɔtɔ gi yɛ kyɛ azɛɛga kudeo liɔ klɔ ɛ, aklani onyime onu. Gi amɔ yɛ ɛ, yɛ ɔna ekyi vu onyimee. 34Eti apɔni yɛ su, lɛ abali wain ni kumu akpɛ ní yɛ ebi la mɛ ɛ, lɛ anya na ɛ. Lɛ efeke ye atrɔ ní yɛ tedzi ye aʋa a, xe akɔ yɛ atsinɔ ní bedega ba ɔyakɔ ɔtɔ ɔ, xe edi yɛ aʋa ɛ. 35Keletitia mɛ ɛ, ebu bibɔ pititi tuʋa akɔ aki kepea ɔʋadi ye. Lɛ asi yɛ si, ‘Di yɛ aʋa, tɔ kidɔ kakaa elu gi wɔazizi pɔnɔ ní yɛ litukpo e, maatsa kɛ ɔki wɔ xe medzi aba ɛ.’
36“Lɛ Yesu agu yɛ liboe le ni kuʋiʋi si, “Ni wɔ kugyodi yo onu i, ni banɔ tiata ba ya mɛ ɛ, owoli onu ɔhanuglɔ ɔki odega liɛ gi awɔli eku ní beze ba iwla mɛ ɛ?”
37Lɛ ɔsã nɔ ɔdɔbasɛ yɛ ebu le onu si, “ɔniliɛ gi edi yɛ asigaga ɛ.” Yesu asi yɛ si, “Wɔ kyɛ trɛ, tɔ zɛbitɛ nite ke e.”
Yesu adzɛ Marta ni Maria klɔ
38Gi Yesu ni yɛ badɔkpasi ba beze ní ba kudeo aʋa ɛ, beku kamamiatɔ mɛ gi ɔdzɛ ɔtɔ gi bizɛxwa si Marta eze e. Yɛ si azɛ Yesu akpɛ ní yɛ kepea mɛ. 39Yɛ onemidzɛ ɔtɔ gi bɛzɛxwa si Maria ɛ, eze ní Yesu yɛ ikli lɛ onu gi azeenu yɛ kudɔbasɛ yɔ ɛ. 40Pɔ̀ kaʋadi ya axwɛ na emi ní Marta tole aʋa a. Nite si Marta aba Yesu klɔ, lɛ asi yɛ si, “Ɔka wɔ́kɔ lɛ me si monemi ye ayurɔ axwɛ na petee atrɔ ni mɛ tole aʋa a? Si yɛ tɔ ɔbapɔni mɛ.”
41Yesu ebu le onu aki yɛ si, “Marta, Marta wɔepè lɛ wɔxixa ní eboe glegle su u. 42Pɔ̀ kidɔ tile ko kizia. Maria kɔ akya kidɔ gbã ɛ gi ɔnɔnɔ ɔ́trazi kɛ ní yɛ awla a.”
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc