Luka 11
11
Yesu abasi bidɔ ní Aya Kuxwaxwa su u
1Liwetɔ lɛ ɛ, Yesu azɛɛxwa Aya ní ɔkutɔ, gi abitɛ pɔ́ ɛ, yɛ badɔkpasi ba mɛ tole asi yɛ si, “Ɔka basɛ blɔ kiliɛ gi kwiaxwa Aya ɛ, ŋwisi kiliɛ gi Yohanes abasi yɛ baxwɛkpasi ba kinɛ ɛ.” 2Yesu asi ba si, xegi mlɛɛxwa Aya ɛ, mlapani si,
“ ‘Ɔka, Kukpɔ̀kpɔ̀ ki wɔ linyi ne;
Ki tɔ wɔ Kaʋaŋaa keple kú ní blɔ kusi,
3Ki blɔ liwe kakaa lɛ kiŋaŋaɛ.
4Kɔ blɔ eboe zimizi na kyɛ blɔ ɔ,
ŋwisi kiliɛ gi blɔ kyɛ ɛ, kuzɛɛkɔ ɛkyɛ ɔnɔ kakaa gi izɛta blɔ ese kinɛ ɛ.
Lɛ wukígbani blɔ ɛkpɛ kufekedi me e.’”
5Lɛ Yesu asi yɛ badɔkpasi ba si, “Xe liba lɛ mɛ si mlɔ mɛ tole atrɛ ní yɛ ɔʋia nɛ ɔtɔ kɔ elesi tetsu, lɛ asi yɛ si: ‘Ɔʋia dɔ àklã tatá ki mɛ. 6Mɛ ɔʋia nɛ ɔtɔ gi aga kude e, abaya mɛ, pɔ̀ kididɔ kíma ní mɛ awla gi makɔ odu yɛ ketu ya.’
7“Lɛ xegi liba lɛ mɛ si wɔ ɔʋiaɛ aabu le onu dɔni yɛ ligba lɛ mɛ si, ‘Wukíkpɛ mɛ kunugu u! Madà mɛ kevunu ya kooko, lɛ mɛ nì mɛ bebi ba kwiku ligba a. Mátratani kuyɔ xe maadi wɔ ɔza a.’ 8Mɛɛsi mlɔ si, xegi ɔ́yɔ ɔ ní kiliɛ mɛ gi wonu yɛ ɔʋia nɛ onu kyɛ ɛ, aayɔ ní wɔ su gi aaki wɔ ɔ kidiliɛ gi kizia wɔ ɔ, kɔkpɛ wɔ kunugu uliɔ gi wɔɛkpɛ yɛ loso o.”
9“Lɛ loso mɛɛsi mlɔ si i, mleʋi bidɔ tɔ baki mlɔ; mlapɛ bidɔ tɔ mlamɔ; mla sa opupo lo tɔ badra lɔ aki mlɔ. 10Lɛ ese linu si, ɔnɔ kakaa gi izeʋi bidɔ ɛ, bizɛki yɛ; lɛ ɔnɔ kakaa gi izɛpɛ bidɔ ɛ, izɛmɔ; lɛ ɔnɔ kakaa gi izɛsa opupo lo e, bizɛdra lɔ ɛki yɛ.
11“Nyaŋwɛ ɔlɛ ní ya gi onu obika xe Yebi ye aaʋi ye likpa a xe aakɔ̀ ɔgblaga ɔki yɛ ɛ? 12Loo xe eʋi ye likukɔdze e, xe aakɔ̀ katapiadze#11:12 Katapiadze banɔatɔ fɛ bizɛɛxwa bɛ si katapiadzɔ lɛ batɔ fɛ bizɛɛxwa bɛ si katapiadzo ɔki yɛ na a? 13Mlɔ ŋwisi baka kinɛ gi mlɛnyani kyɛ ɛ, mlete kiliɛ gi mlaaki mlɔ bebi ba bidɔ gbã ʋɛ ɛ. Lɛ kitɛ gbɛgbɛ liaze xe mlɔ Ɔka yɛ ní lifunu ne e, ɔ́trayurɔ yɛ Ɔfuɛfuɛ Dradra lɔ ɛki banama gi biaʋi ye na a!”
Yesu nì Belzebul
14Yesu azɛ kpikpini ɔfuɛfuɛ zimizi gi ɔʋípani dono ní onyime ɔtɔ mɛ ɛ. Gi ɔfuɛfuɛ zimizi no edo pɔ́ ɛ, onyimee apani, gi litu linɔkpi le kugyɔ ɔ. 15Pɔ̀ banɔ batɔ ní ba mɛ bɛpani si, “Belzebul gi yɛ onu ifuɛfuɛ zimizi ne ɔkaɛ ɛ, yɛ aki Yesu kigaglaɛ xe ɛɛkpikpini ifuɛfuɛ ne edono o.” 16Banɔ batɔ kyɛ bɛpɛ si bɛɛpunu Yesu. Lɛ loso e, beʋi idɔnɔ ní yɛ awla si, ɔbitɛ linugutseboe litɔ gi liabasɛ si Aya anya kpɛ yɛ ɛ.
17Pɔ̀ gi Yesu etè ba begyodi ʋa onu i, asi ba si, “Kaʋaŋaa kakaa gi ka mɛ benete ba bɛyɔ kedu ní ba ahanuglɔ ba su i, kiayaʋi, lɛ kepe kakaa gi ka mɛ benete ba bɛyɔ kedu ní ba ahanuglɔ ba su i, kiayaʋi. 18Lɛ loso e, xe Satana kaʋaŋaa kɛlɛ ní paso ʋa mɛ ɛ, xe bɛɛgɔni i, kitɛ liaze xe kiali i? Mlɛɛpani si Belzebul yɛ aki mɛ kigaglaɛ xe mɛɛkpikpini ifuɛfuɛ zimizi ne edono o. 19Xegi Belzebul aʋa mɛɛkpikpini ifuɛfuɛ zimizi ne edono e, kɔ nyaŋwɛ yɛ kigagla mɛ mlɔ kude bezenozeno ba bizɛkpikpini lɛ edono e? Mlɔ tutɔ mlɔ kude bezenozeno ba ɛ, ba beebu mlɔ lipɔ si mlɔ linɛ lígyɔ ɔ! 20Pɔ̀ xe Aya yɛ kigaglaɛ aʋa mɛɛkpikpini ifuɛfuɛ zimizi ne edono e, libasɛ si Aya yɛ kaʋaŋaa kɛba mlɔ kusi kooko o.
21“Xegi onyimewa eepe yɛ kepea ni yɛ bigutadɔ mɛ ɛ, yɛ kepea kizeze ní kusuyɔ mɛ. 22Pɔ̀ xegi ɔniliɛ gi asani yɛ onu adɔ ní yɛ aʋa a, xe aŋa yɛ aʋa ɛ, ɔniliɛ klɔ aahali yɛ bigutadɔ mɛ gi bɛ aʋa ɛɛwa igyi le e, kɔ alɛ yɛ exo la ni yɛ baʋianɛ ba ɛ. 23Ɔnɔ kakaa gi ɔ́ma mɛ aʋa ɛ, ayɔ kedu ní mɛ su. Ɔniliɛ gi ɔ́kpɛ bidɔ likpɔ ɔpɔni mɛ ɛ, kihle eehle ʋe.
Ifuɛfuɛ zimizi ne ízedziiba
24“Xegi ɔfuɛfuɛ zimizi edo ní ɔnɔ mɛ ɛ, izɛpɛ ozekɔ ɛklanɔ ní ɔyaya kɔ. Xegi ɔ́mɔ ɔkɔ gbã ɔtɔtɔ kɔ ɛ, izɛsi isu ya si, ‘Maadzi trɛ ní mɛ kepe kokoa mɛ.’ 25Xe edzi atrɛ ɛ, aamɔ si bɛgba kepea mɛ ɛlulɔ, 26kɔ ɛzɛɛgbani ifuɛfuɛ zimizi tigloele dzedze gi inyani sani lɔ ɔtutɔ lɔ ɛmanɔ kɔ iiba kɔ iizɛ ní kepea mɛ, gɔgɔɛ ɔnɔɛ yɛ kizezee me kudegbaa kianyani sani kiliɛ gi eze tsã ɛ.”
Yesu abasi bidɔ ni Isami su
27Gi Yesu agù yɛ kupaniɔ ɛ, ɔdzɛ ɔtɔ ní ɔnɔha lɔ kusi apani si, “Aya aakrira one liɛ gi apɔ wɔ xe aki wɔ limwa nɛ ɛ.” 28Pɔ̀ Yesu ebu le onu si, “Aya aakrira banama gi beenu Aya Liboe le xe bɛɛbitɛ ní lɛ aʋa a boŋu!”
Yesu Ɔ́bitɛ Linugutseboe
29Agi anɔkpi la ɛkpɛ likpɔ ní Yesu i, atrɛ ní yɛ kunugu yo aʋa si, “Kelea lia mɛ bebi ba ɛ, bɛnyani koŋu! Bɛɛpɛ linugutseboe si bɛɛmɔ ɔ; pɔ̀ bátramɔ litɔtɔ ɛ sani Yona yɛ linugutseboe le e. 30Ŋwisi kiliɛ gi Yona oboedoplɛɛ eze liŋwitsɛ aki Ninive banɛ ma ɛ, nite ke Ɔnɔɛ Yebi ye kyɛ aaze liŋwitsɛ aki abla kelea mɛ benete ba. 31Ní Litsixwawe le aʋa ɛ, Sheba Okusidzɛɛ, aayɔ alɛɛ gi aabu kiwlaʋi kukpɛ mlɔ abla bebi ba aŋu mɛ. Lɛ ese linu si aga adɔ ní yɛ kepea ke, gi aba ata Okusi ye Salomo yɛ kuboeteo kutu u. Lɛ mɛɛsi mlɔ si, ɔnutɔ gi ekeme asani Salomo ɔlɛ ní ya a. 32Ní Litsixwawe le aʋa ɛ, Ninive banɛ ma kyɛ biayɔ ɔlɛɛ, gi bíabu mlɔ omono bebi ba lípɔ ɔ. Lɛ ese linu si bekyi ɔna mɛ gi benu Yona yɛ liboe le e. Lɛ mɛɛtrɔ likla ní lɛ aʋa ɛki mlɔ si ɔnutɔ ɔlɛ ní ya gi ekeme asani Yona ɛ.
Kimbi ye kinu kani ɔki ɔnɔse lo
33“Ɔnɔnɔ ɔʋísu kani xe izɛkɔ yɛ ɛkpɛ agba yɛ ese loo izekpo ye; boŋu i, izɛkɔ yɛ ɛtrɔ ní kani yɛ ose lo aʋa tɔ okle ɔki banama gi beetiku ní kepea mɛ ɛ. 34Mlɔ bimbi ʋe binu kani ɔki mlɔ inɔse le. Xegi mlɔ bimbi ʋe bipɛ ɛ, kɔ mlɔ inɔse le ina ɛ. Pɔ xegi mlɔ bimbi ʋe bípɛ ɛ, kɔ mlɔ inɔse le iwɔ ní litumu ne me e. 35Lɛ loso mledi le aʋa si kuklekleo kukídzi litumu ní mlɔ mɛ ɛ. 36Xegi kuklekleo kwiyi mlɔ mɛ gi mlɔ inɔse le kapɛa tɔtɔ káma litumu me e, mlɔ inɔse le petee iaze ŋwisi kiliɛ gi kaniɛ izeekle bali ní mlɔ aʋa kinɛ ɛ.”
Yesu ebu Ɔsã nɔ badɔbasɛ ba ni Farisianɛ ma lipɔ
37Gi Yesu agù yɛ kupaniɔ ɛ, Farisiɔnɛ ɔtɔ ekpe ye si ɔga aŋa bidɔ ni yɛ ní yɛ kepea mɛ. Lɛ loso Yesu atrɛ, eple eze lɛ ekpese bidɔ mɛ kuŋa ni yɛ ɛ. 38Pɔ̀ litu Farisiɔnɛ kugyɔ si Yesu óplo awla xe ekpese bidɔ mɛ kuŋa a.
39Lɛ Yesu asi kepea ɔkaɛ si, “Mlɔ Farisianɛ ma mlɛzeplo mlɔ kupliʋi yo ni kudɔŋazi yo kɔ kedea; pɔ̀ mlɔ mɛ eyi ni kuŋazi ni litukpo me gagla a. 40Baga! Aní Aya gi abitɛ kedea ɛ, yɛ ke abitɛ kimɛ mɛ kyɛ na a? 41Pɔ̀ kidiliɛ gi kikpasi ní mlɔ kupliʋi yo ni kuzi yo me e, mlakɔ kɛ aki bepiplinete ba tɔ kidɔ kakaa su kidra ɛki mlɔ ní mlɔ egoʋi la onu.
42“Litráze gagla ɛki mlɔ Farisianɛ ma, lɛ ese linu si mlɛzɛki Aya oni bitɔ́dɔ, ni siwa flafla, kapɛ liɔfɔa, pɔ̀ mlapɛ si mlɛxwa etsi gyɔgyɔ, lɛ mlálɔ Aya kyɛ ɛ. Mlegyeni la ya kubitɛ pɔ̀ mlatrayurɔ atɔpu na kyɛ ɛ.
43“Litráze gagla ɛki mlɔ Farisianɛ ma, mlɛzɛɛpɛ izekɔ gyɔgyɔ lɛ ní Yudanɛ ma itsaklɔ; lɛ mlɛzɛɛpɛ si bapani mlɔ ni kubùbù ní ablɔ ʋa aʋa.
44“Litráze gagla ɛki mlɔ! Mla lɛ ko ŋwisi idrɔ gi bákpɛ lɛ gyesi i, xe banima bize ga lɛ aʋa ɛza ní motemote me kinɛ ɛ.”
45Ɔsã nɔ badɔbasɛ ba mɛ tole asi yɛ si, “Ɔdɔbasɛ yɛ, xegi wɔɛɛpani eboa la ɛ, wɔekpini blɔ kyɛ.”
46Yesu ebu le onu si, “Litráze gagla ɛki mlɔ kyɛ, ɔsã nɔ badɔbasɛ ba! Mlɛtrɔ adɔtu zegbezegbe ní banima aʋa gi bátratani kutu i; pɔ̀ mlaʋíkpɛ awla si mlɛpɔni ba tɔ betu la a.
47“Litráze gagla ɛki mlɔ! Mlɛlulɔ Aya yɛ beboedoplɛ ba ya gi mlɔ bakatsitsi ba beye e, ba idrɔ lɛ ɛ. 48Mlɔ kibitɛɛ kibasɛ si mlɛtrɔ ní mlɔ bakatsitsi ba kiboebitɛɛ aʋa a; lɛ ese linu si beye Aya yɛ beboedoplɛ ba lɛ mlɔ pɔ̀ mlɛba ɛʋɔ ba idrɔ lɛ ɛ. 49Lɛ loso e Aya ní yɛ kuboeteo me e, edo aplɛ si, ‘Maatsisi ba beboedoplɛ ba ni baxwɛdzɛ ba; biaye ba mɛ batɔ, kɔ bɛyɔ kedu ní bedzedze ba su i.’ 50Nite si Aya yɛ beboedoplɛ ba klɔ petee gi beye e, dɔnɔ ní kelea likpese le gakɔna ni abla ɛ, mlɔ abla bebi ba ɛ, biaʋi ba kuwle dɔni mlɔ awla. 51Kuwleo ki banama gi beye e dɔnɔ ní Abel aʋa gakɔna ni Zakaria gi yɛ beye ní ɔdɔpɔʋisuʋɔ lɔ ni lisumugba lɛ kusi yo e. Sugba mɛɛsi mlɔ si, biahe kutu ki mlɔ abla kelea bebi ba ní kunɔyeo liɔ klɔ petee litukpo!
52“Litráze gagla ɛki mlɔ ɔsã nɔ badɔbasɛ ba! Mletso safi ye ebu ní kuboeteo ligba lɛ opupo lo onu. Mlɔ tutɔ mléʋiti ku lɛ mɛ ɛ, lɛ mletsi kudeo onu ɛki banama gi bɛɛpɛ si beetiku i.”
53Agi Yesu asɛ níklɔ ɛ, Farisianɛ ma nì Ɔsã nɔ badɔbasɛ ba bɛyɔ kedu ní yɛ su lɛ beʋi ye beʋiʋi ní eboe glegle su ní kusuyeʋi me 54lɛ ese linu si bɛpɛ si ɔpani liboe trama ɛtɔ tɔ bɛɛpunu ye evu.
Voafantina amin'izao fotoana izao:
Luka 11: avn
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Luka 11
11
Yesu abasi bidɔ ní Aya Kuxwaxwa su u
1Liwetɔ lɛ ɛ, Yesu azɛɛxwa Aya ní ɔkutɔ, gi abitɛ pɔ́ ɛ, yɛ badɔkpasi ba mɛ tole asi yɛ si, “Ɔka basɛ blɔ kiliɛ gi kwiaxwa Aya ɛ, ŋwisi kiliɛ gi Yohanes abasi yɛ baxwɛkpasi ba kinɛ ɛ.” 2Yesu asi ba si, xegi mlɛɛxwa Aya ɛ, mlapani si,
“ ‘Ɔka, Kukpɔ̀kpɔ̀ ki wɔ linyi ne;
Ki tɔ wɔ Kaʋaŋaa keple kú ní blɔ kusi,
3Ki blɔ liwe kakaa lɛ kiŋaŋaɛ.
4Kɔ blɔ eboe zimizi na kyɛ blɔ ɔ,
ŋwisi kiliɛ gi blɔ kyɛ ɛ, kuzɛɛkɔ ɛkyɛ ɔnɔ kakaa gi izɛta blɔ ese kinɛ ɛ.
Lɛ wukígbani blɔ ɛkpɛ kufekedi me e.’”
5Lɛ Yesu asi yɛ badɔkpasi ba si, “Xe liba lɛ mɛ si mlɔ mɛ tole atrɛ ní yɛ ɔʋia nɛ ɔtɔ kɔ elesi tetsu, lɛ asi yɛ si: ‘Ɔʋia dɔ àklã tatá ki mɛ. 6Mɛ ɔʋia nɛ ɔtɔ gi aga kude e, abaya mɛ, pɔ̀ kididɔ kíma ní mɛ awla gi makɔ odu yɛ ketu ya.’
7“Lɛ xegi liba lɛ mɛ si wɔ ɔʋiaɛ aabu le onu dɔni yɛ ligba lɛ mɛ si, ‘Wukíkpɛ mɛ kunugu u! Madà mɛ kevunu ya kooko, lɛ mɛ nì mɛ bebi ba kwiku ligba a. Mátratani kuyɔ xe maadi wɔ ɔza a.’ 8Mɛɛsi mlɔ si, xegi ɔ́yɔ ɔ ní kiliɛ mɛ gi wonu yɛ ɔʋia nɛ onu kyɛ ɛ, aayɔ ní wɔ su gi aaki wɔ ɔ kidiliɛ gi kizia wɔ ɔ, kɔkpɛ wɔ kunugu uliɔ gi wɔɛkpɛ yɛ loso o.”
9“Lɛ loso mɛɛsi mlɔ si i, mleʋi bidɔ tɔ baki mlɔ; mlapɛ bidɔ tɔ mlamɔ; mla sa opupo lo tɔ badra lɔ aki mlɔ. 10Lɛ ese linu si, ɔnɔ kakaa gi izeʋi bidɔ ɛ, bizɛki yɛ; lɛ ɔnɔ kakaa gi izɛpɛ bidɔ ɛ, izɛmɔ; lɛ ɔnɔ kakaa gi izɛsa opupo lo e, bizɛdra lɔ ɛki yɛ.
11“Nyaŋwɛ ɔlɛ ní ya gi onu obika xe Yebi ye aaʋi ye likpa a xe aakɔ̀ ɔgblaga ɔki yɛ ɛ? 12Loo xe eʋi ye likukɔdze e, xe aakɔ̀ katapiadze#11:12 Katapiadze banɔatɔ fɛ bizɛɛxwa bɛ si katapiadzɔ lɛ batɔ fɛ bizɛɛxwa bɛ si katapiadzo ɔki yɛ na a? 13Mlɔ ŋwisi baka kinɛ gi mlɛnyani kyɛ ɛ, mlete kiliɛ gi mlaaki mlɔ bebi ba bidɔ gbã ʋɛ ɛ. Lɛ kitɛ gbɛgbɛ liaze xe mlɔ Ɔka yɛ ní lifunu ne e, ɔ́trayurɔ yɛ Ɔfuɛfuɛ Dradra lɔ ɛki banama gi biaʋi ye na a!”
Yesu nì Belzebul
14Yesu azɛ kpikpini ɔfuɛfuɛ zimizi gi ɔʋípani dono ní onyime ɔtɔ mɛ ɛ. Gi ɔfuɛfuɛ zimizi no edo pɔ́ ɛ, onyimee apani, gi litu linɔkpi le kugyɔ ɔ. 15Pɔ̀ banɔ batɔ ní ba mɛ bɛpani si, “Belzebul gi yɛ onu ifuɛfuɛ zimizi ne ɔkaɛ ɛ, yɛ aki Yesu kigaglaɛ xe ɛɛkpikpini ifuɛfuɛ ne edono o.” 16Banɔ batɔ kyɛ bɛpɛ si bɛɛpunu Yesu. Lɛ loso e, beʋi idɔnɔ ní yɛ awla si, ɔbitɛ linugutseboe litɔ gi liabasɛ si Aya anya kpɛ yɛ ɛ.
17Pɔ̀ gi Yesu etè ba begyodi ʋa onu i, asi ba si, “Kaʋaŋaa kakaa gi ka mɛ benete ba bɛyɔ kedu ní ba ahanuglɔ ba su i, kiayaʋi, lɛ kepe kakaa gi ka mɛ benete ba bɛyɔ kedu ní ba ahanuglɔ ba su i, kiayaʋi. 18Lɛ loso e, xe Satana kaʋaŋaa kɛlɛ ní paso ʋa mɛ ɛ, xe bɛɛgɔni i, kitɛ liaze xe kiali i? Mlɛɛpani si Belzebul yɛ aki mɛ kigaglaɛ xe mɛɛkpikpini ifuɛfuɛ zimizi ne edono o. 19Xegi Belzebul aʋa mɛɛkpikpini ifuɛfuɛ zimizi ne edono e, kɔ nyaŋwɛ yɛ kigagla mɛ mlɔ kude bezenozeno ba bizɛkpikpini lɛ edono e? Mlɔ tutɔ mlɔ kude bezenozeno ba ɛ, ba beebu mlɔ lipɔ si mlɔ linɛ lígyɔ ɔ! 20Pɔ̀ xe Aya yɛ kigaglaɛ aʋa mɛɛkpikpini ifuɛfuɛ zimizi ne edono e, libasɛ si Aya yɛ kaʋaŋaa kɛba mlɔ kusi kooko o.
21“Xegi onyimewa eepe yɛ kepea ni yɛ bigutadɔ mɛ ɛ, yɛ kepea kizeze ní kusuyɔ mɛ. 22Pɔ̀ xegi ɔniliɛ gi asani yɛ onu adɔ ní yɛ aʋa a, xe aŋa yɛ aʋa ɛ, ɔniliɛ klɔ aahali yɛ bigutadɔ mɛ gi bɛ aʋa ɛɛwa igyi le e, kɔ alɛ yɛ exo la ni yɛ baʋianɛ ba ɛ. 23Ɔnɔ kakaa gi ɔ́ma mɛ aʋa ɛ, ayɔ kedu ní mɛ su. Ɔniliɛ gi ɔ́kpɛ bidɔ likpɔ ɔpɔni mɛ ɛ, kihle eehle ʋe.
Ifuɛfuɛ zimizi ne ízedziiba
24“Xegi ɔfuɛfuɛ zimizi edo ní ɔnɔ mɛ ɛ, izɛpɛ ozekɔ ɛklanɔ ní ɔyaya kɔ. Xegi ɔ́mɔ ɔkɔ gbã ɔtɔtɔ kɔ ɛ, izɛsi isu ya si, ‘Maadzi trɛ ní mɛ kepe kokoa mɛ.’ 25Xe edzi atrɛ ɛ, aamɔ si bɛgba kepea mɛ ɛlulɔ, 26kɔ ɛzɛɛgbani ifuɛfuɛ zimizi tigloele dzedze gi inyani sani lɔ ɔtutɔ lɔ ɛmanɔ kɔ iiba kɔ iizɛ ní kepea mɛ, gɔgɔɛ ɔnɔɛ yɛ kizezee me kudegbaa kianyani sani kiliɛ gi eze tsã ɛ.”
Yesu abasi bidɔ ni Isami su
27Gi Yesu agù yɛ kupaniɔ ɛ, ɔdzɛ ɔtɔ ní ɔnɔha lɔ kusi apani si, “Aya aakrira one liɛ gi apɔ wɔ xe aki wɔ limwa nɛ ɛ.” 28Pɔ̀ Yesu ebu le onu si, “Aya aakrira banama gi beenu Aya Liboe le xe bɛɛbitɛ ní lɛ aʋa a boŋu!”
Yesu Ɔ́bitɛ Linugutseboe
29Agi anɔkpi la ɛkpɛ likpɔ ní Yesu i, atrɛ ní yɛ kunugu yo aʋa si, “Kelea lia mɛ bebi ba ɛ, bɛnyani koŋu! Bɛɛpɛ linugutseboe si bɛɛmɔ ɔ; pɔ̀ bátramɔ litɔtɔ ɛ sani Yona yɛ linugutseboe le e. 30Ŋwisi kiliɛ gi Yona oboedoplɛɛ eze liŋwitsɛ aki Ninive banɛ ma ɛ, nite ke Ɔnɔɛ Yebi ye kyɛ aaze liŋwitsɛ aki abla kelea mɛ benete ba. 31Ní Litsixwawe le aʋa ɛ, Sheba Okusidzɛɛ, aayɔ alɛɛ gi aabu kiwlaʋi kukpɛ mlɔ abla bebi ba aŋu mɛ. Lɛ ese linu si aga adɔ ní yɛ kepea ke, gi aba ata Okusi ye Salomo yɛ kuboeteo kutu u. Lɛ mɛɛsi mlɔ si, ɔnutɔ gi ekeme asani Salomo ɔlɛ ní ya a. 32Ní Litsixwawe le aʋa ɛ, Ninive banɛ ma kyɛ biayɔ ɔlɛɛ, gi bíabu mlɔ omono bebi ba lípɔ ɔ. Lɛ ese linu si bekyi ɔna mɛ gi benu Yona yɛ liboe le e. Lɛ mɛɛtrɔ likla ní lɛ aʋa ɛki mlɔ si ɔnutɔ ɔlɛ ní ya gi ekeme asani Yona ɛ.
Kimbi ye kinu kani ɔki ɔnɔse lo
33“Ɔnɔnɔ ɔʋísu kani xe izɛkɔ yɛ ɛkpɛ agba yɛ ese loo izekpo ye; boŋu i, izɛkɔ yɛ ɛtrɔ ní kani yɛ ose lo aʋa tɔ okle ɔki banama gi beetiku ní kepea mɛ ɛ. 34Mlɔ bimbi ʋe binu kani ɔki mlɔ inɔse le. Xegi mlɔ bimbi ʋe bipɛ ɛ, kɔ mlɔ inɔse le ina ɛ. Pɔ xegi mlɔ bimbi ʋe bípɛ ɛ, kɔ mlɔ inɔse le iwɔ ní litumu ne me e. 35Lɛ loso mledi le aʋa si kuklekleo kukídzi litumu ní mlɔ mɛ ɛ. 36Xegi kuklekleo kwiyi mlɔ mɛ gi mlɔ inɔse le kapɛa tɔtɔ káma litumu me e, mlɔ inɔse le petee iaze ŋwisi kiliɛ gi kaniɛ izeekle bali ní mlɔ aʋa kinɛ ɛ.”
Yesu ebu Ɔsã nɔ badɔbasɛ ba ni Farisianɛ ma lipɔ
37Gi Yesu agù yɛ kupaniɔ ɛ, Farisiɔnɛ ɔtɔ ekpe ye si ɔga aŋa bidɔ ni yɛ ní yɛ kepea mɛ. Lɛ loso Yesu atrɛ, eple eze lɛ ekpese bidɔ mɛ kuŋa ni yɛ ɛ. 38Pɔ̀ litu Farisiɔnɛ kugyɔ si Yesu óplo awla xe ekpese bidɔ mɛ kuŋa a.
39Lɛ Yesu asi kepea ɔkaɛ si, “Mlɔ Farisianɛ ma mlɛzeplo mlɔ kupliʋi yo ni kudɔŋazi yo kɔ kedea; pɔ̀ mlɔ mɛ eyi ni kuŋazi ni litukpo me gagla a. 40Baga! Aní Aya gi abitɛ kedea ɛ, yɛ ke abitɛ kimɛ mɛ kyɛ na a? 41Pɔ̀ kidiliɛ gi kikpasi ní mlɔ kupliʋi yo ni kuzi yo me e, mlakɔ kɛ aki bepiplinete ba tɔ kidɔ kakaa su kidra ɛki mlɔ ní mlɔ egoʋi la onu.
42“Litráze gagla ɛki mlɔ Farisianɛ ma, lɛ ese linu si mlɛzɛki Aya oni bitɔ́dɔ, ni siwa flafla, kapɛ liɔfɔa, pɔ̀ mlapɛ si mlɛxwa etsi gyɔgyɔ, lɛ mlálɔ Aya kyɛ ɛ. Mlegyeni la ya kubitɛ pɔ̀ mlatrayurɔ atɔpu na kyɛ ɛ.
43“Litráze gagla ɛki mlɔ Farisianɛ ma, mlɛzɛɛpɛ izekɔ gyɔgyɔ lɛ ní Yudanɛ ma itsaklɔ; lɛ mlɛzɛɛpɛ si bapani mlɔ ni kubùbù ní ablɔ ʋa aʋa.
44“Litráze gagla ɛki mlɔ! Mla lɛ ko ŋwisi idrɔ gi bákpɛ lɛ gyesi i, xe banima bize ga lɛ aʋa ɛza ní motemote me kinɛ ɛ.”
45Ɔsã nɔ badɔbasɛ ba mɛ tole asi yɛ si, “Ɔdɔbasɛ yɛ, xegi wɔɛɛpani eboa la ɛ, wɔekpini blɔ kyɛ.”
46Yesu ebu le onu si, “Litráze gagla ɛki mlɔ kyɛ, ɔsã nɔ badɔbasɛ ba! Mlɛtrɔ adɔtu zegbezegbe ní banima aʋa gi bátratani kutu i; pɔ̀ mlaʋíkpɛ awla si mlɛpɔni ba tɔ betu la a.
47“Litráze gagla ɛki mlɔ! Mlɛlulɔ Aya yɛ beboedoplɛ ba ya gi mlɔ bakatsitsi ba beye e, ba idrɔ lɛ ɛ. 48Mlɔ kibitɛɛ kibasɛ si mlɛtrɔ ní mlɔ bakatsitsi ba kiboebitɛɛ aʋa a; lɛ ese linu si beye Aya yɛ beboedoplɛ ba lɛ mlɔ pɔ̀ mlɛba ɛʋɔ ba idrɔ lɛ ɛ. 49Lɛ loso e Aya ní yɛ kuboeteo me e, edo aplɛ si, ‘Maatsisi ba beboedoplɛ ba ni baxwɛdzɛ ba; biaye ba mɛ batɔ, kɔ bɛyɔ kedu ní bedzedze ba su i.’ 50Nite si Aya yɛ beboedoplɛ ba klɔ petee gi beye e, dɔnɔ ní kelea likpese le gakɔna ni abla ɛ, mlɔ abla bebi ba ɛ, biaʋi ba kuwle dɔni mlɔ awla. 51Kuwleo ki banama gi beye e dɔnɔ ní Abel aʋa gakɔna ni Zakaria gi yɛ beye ní ɔdɔpɔʋisuʋɔ lɔ ni lisumugba lɛ kusi yo e. Sugba mɛɛsi mlɔ si, biahe kutu ki mlɔ abla kelea bebi ba ní kunɔyeo liɔ klɔ petee litukpo!
52“Litráze gagla ɛki mlɔ ɔsã nɔ badɔbasɛ ba! Mletso safi ye ebu ní kuboeteo ligba lɛ opupo lo onu. Mlɔ tutɔ mléʋiti ku lɛ mɛ ɛ, lɛ mletsi kudeo onu ɛki banama gi bɛɛpɛ si beetiku i.”
53Agi Yesu asɛ níklɔ ɛ, Farisianɛ ma nì Ɔsã nɔ badɔbasɛ ba bɛyɔ kedu ní yɛ su lɛ beʋi ye beʋiʋi ní eboe glegle su ní kusuyeʋi me 54lɛ ese linu si bɛpɛ si ɔpani liboe trama ɛtɔ tɔ bɛɛpunu ye evu.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc