Kuyamba 2
2
1Nakutenepo dzulu napantsi bzidamala, nabzentse bzikhali m'mwemo. 2#Kub 20:11#Ahe 4:4,10Ntsiku yachinomwe Mulungu adamaliza basa laakhachita, adapuma ntsiku yachinomwe kuphata basa lentse laadachita. 3Nakutenepo Mulungu adadalisa ntsiku yachinomwe nkuyichita ntsiku yakuyela, nathangwe limwelo Mulungu adadalisa basa lentse laadachita lakulenga. 4Uwu ndiwo m'mbadwe wakudzulu nawapantsi waadalenga.
Munda wa Edheni
Ndiyo ntsiku Chawuta Mulungu yaadalenga kudzulu napantsi, 5miti yanthengo ikhanati yawapo padziko, miti yanthengo ikhanati yamela, pakuti Chawuta Mulungu akhanati wabvumbisa mvula padziko. Palibe munthu akhalima, 6koma madzi yadachoka pantsi ndiyo yadatotesa padziko.
7 #
1 Ako 15:45
Pamwepo Chawuta Mulungu adakonza munthu nadongo lapantsi, adamufemela mpuye wamoyo m'mphuno mwake, munthu adakhala wamoyo.
8Chawuta Mulungu adabzala munda chakumabveladzuwa kwa Edheni, ndimo mwaadayikha munthu waadakonzayo. 9#Bzi 2:7; 22:2,14Kuchoka mudongo Chawuta Mulungu adamelesa miti ikhawoneka bwino m'maso, pomwe ikhali chakudya chabwino, muti wawumoyo udabzaliwa pakati pamundawo, namuti wakudziwa chabwino nachakuyipa.
10Kamadzi kakhayelela kachichoka mu Edheni kachithiliza mundawo, kakhachoka m'mwemo kachipatukana kuchita tukamadzi tunayi. 11Dzina lakakuyamba likhali Pishoni, ndiko kakhayelela kachizungunuka dziko la Havila, uko kukhana golidhe, 12golidhe yamudziko m'mwemo niyabwino, muna minyala yabhidheliyamu naya onikisi. 13Dzina lakamadzi kachiwili likhali Gihoni, ndiko kakhayelela kachizungunuka dziko lentse la Kushi. 14Dzina lakamadzi kachitatu likhali Tigirisi, ndiko kakhayelela chakumabveladzuwa kwa Asiriya. Kamadzi kachinayi kakhali Ufuratesi.
15Chawuta Mulungu adatola munthu nkumuyikha m'munda wa Edheni kuti alime nakuwuchengeta. 16Chawuta Mulungu adawuza munthu kuti, “Michelo yentse yam'munda muno ungadye mwakutsudzuka, 17koma muti umpasa nzelu zakudziwa chabwino nachakuyipa leka kudya, pakuti ntsiku yawuniwudya un'zafa.”
18Pamwepo Chawuta Mulungu adati, “M'bzabwino lini kuti munthu akhale ali yekha. Ninimukonzela nthandizi aniyendelana nayiye.” 19Nakutenepo Chawuta Mulungu adatola dongo nkukonza nalo bzilombo bzakusiyana-siyana bzan'thengo nambalami zentse zan'dzulu. Adabzibwelesa kwa munthu kuti abzipase madzina. 20Munthuyo adapasa madzina bzifuwo bzentse, nambalami zentse zan'dzulu, nabzilombo bzentse bzan'thengo. Koma munthu akhanati wawona nthandizi akhayendelana nayiye.
21Nakutenepo Chawuta Mulungu adachita kuti munthuyo agone tulo twakufa, paakhadagona tenepo iye adatola mbabvu yake ibodzi nkubwezapo pomwe nyama yake, 22mbabvu imweyo yaadatola Chawuta Mulungu pamunthuyo ndiyo yaadakonza nayo nkazi, nkumpeleka kwamunthu. 23Pamwepo munthu adati,
“Uyu tsapano ndiye bondo lamabondo yangu,
nyama yanyama yangu.
Iye an'zachemelewa kuti ‘Nkazi’,
pakuti adachoka pamunthu.”
24 #
Mat 19:5; Mar 10:7,8; 1 Ako 6:16; Aef 5:31 Nakutenepo, mwamuna an'zasiya apayi wake naamayi wake, achimamatila kunkazi wake, achikhala nyama ibodzi.
25Pamwepo munthu nankazi wake wentse akhalibe kubvala, koma akhabva lini manyazi.
Voafantina amin'izao fotoana izao:
Kuyamba 2: KUNDA
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Bhaibheri reChikunda © Bible Society of Zimbabwe