Genesis 6
6
Nón꞉kwe Akoʼnikonrahetkénhseras
1Nonkweʼshón꞉ʼa ó꞉nen ohontsakwé꞉kon teiakorénion tánon kontiksaókónʼa wakonná꞉kerate, 2ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne. 3Eʼthó꞉ne ne Roiá꞉ner wahén꞉ron, “Iáh takheríhon nón꞉kwe tsi nénwe ahonnónhnheke; enhonniheiónhseke. Ken ienwatáhsawen iáh isi non ne énskat tewenʼniáwe tánon tewáhsen niiohserá꞉ke nenhonnonhnesonke.” 4Neʼthó sontakahá꞉wis tánon sénha nohnaʼkèn꞉ke, ratikkowá꞉nensʼkwe ratiʼterón꞉tahkwe nonhwentsá꞉ke, thó꞉non nithonathwatsirí꞉non né꞉ne ón꞉kwe kén꞉ne ne tsonathonwí꞉senʼs tánon ne rathironhiaʼkehró꞉nons. Né꞉ne kwáh rontatshináhstahkwe kén꞉ne ó꞉ni ratishennowanénʼne ne wahónnise tsi náhe tkén꞉ne.
5Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs. 6Ne Roiá꞉ner kwáh íken tsi satateriʼwáhsten tsi shakoiaʼtíson nonhkweshón꞉a ne tsi ionwenhtsá꞉te, tanon kwáh íken tsi raʼwe꞉rhiasanonhwátʼta. 7Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.” 8Ók kiʼ ne Roiá꞉ner kwáh né꞉e rawerienʼtí꞉iohskwe tsi nokwá ne Noah rotenó꞉ronstonkwe né raohénton né Roiá꞉ner. 9Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io. 10Tanon ne Noah áhsen nihonekenteronʼtsheraièn꞉tahkwe, ne꞉ne Shem, Ham, tanon ne Japheth. 11Ók ne ronatiaʼkéhshonʼs kwáh nén꞉ne rononkweʼtahétkenʼs raohén꞉ton ne Rawenni꞉io, tánon ne tsi ionhwentsá꞉te ne tít꞉kahé꞉re ne iáh othenen teskaianerenhseráien. 12Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.
13Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera. 14Satathoniónnien ne í꞉sats ne kwáh tkarontí꞉ioʼs, senaktonniánion ne kahón꞉wakon, tánon shnehtáhro ne kanónhskon nonkwáti tánon ne átste nonkwá꞉ti. 15Kaié꞉ri tewenʼniáwe tánon wísk niwáhsen niwahsí꞉take nikahonwesónhak, tsáta niwáhsen wísk niwahsí꞉take naʼtewatakahrónhák, tánon kaié꞉ri niwáhsen wísk niwahsí꞉take nitiótʼtek. 16Seronhkweʼnó꞉rok ne kahonwé꞉ia tánon shaʼté꞉kon iawén꞉re nikaweionhkará꞉ke teioronwén꞉tek ne taonkwatá꞉sehte tsi naʼtetiátere ne karonkweʼnà꞉ke tánon nahshontaʼkéhshonʼs. Áhsen naʼtesenaktané꞉ta. Tánon sehnhokahrón꞉ten ne kaiaʼtakta. 17Enkewehnó꞉tahste ne tsi ionhwentsá꞉te né꞉ne eniakóriohte kwáh tsi niá꞉kon ne iakónhnhe. Kwáh tsik nahó꞉ten akénhake nonhwentsá꞉ke tsi enkénheie. 18Ók entiaterihwahserón꞉ni. Kahón꞉wakon iaʼsheiaʼtíta ne tesení꞉teron, í꞉se tánon ne sanekenhteronʼtsheraʼshón꞉aʼs tánon skátne ne rotiniákhonʼs. 19Tánon kahón꞉wakon sheiaʼtíta ne ratí꞉tsiʼn ó꞉ni notiʼnhéhtien kwáh tsik niaʼtekón꞉ti ne kárioʼs ó꞉ni notsitén꞉aʼs, éh naontá꞉we nahonnónhnheke. 20Notsithenokónhas ne tioianénhaf tsi nihiotitiokothénsons, tanon ne kontitsénhnens ne tioianénhaf tsi nihiotitiokothensons, oni kwáh tsi niatekónti ne konhtéseres nonhwenhtsàke ne tioianénhaf tsi nihiotitiokothénsons, nene tekontihiatakehátie tsi enteshehiathénhawe niaisewatíta, ne nashehiatanónsthate nakonhnón꞉nheke. 21Káti ó꞉ni kwáh tsik niaʼtekakhó꞉tenʼs iasewatáthawíhten, tánon sehwaʼthónhnien; tanon ne ensewaniáhes nahisewake tanon ne ronhnónha.” 22Ne Noah kwáh akwé꞉kon tho naháiere tsi nahóhnhaʼne ne Rawenni꞉io.
Voafantina amin'izao fotoana izao:
Genesis 6: MHK
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.