Sélimɛ 5
5
Adama nɛ́ Awa pìile tùlugo
1 Adama siimɛ tùlugo siɛnrɛ sɛbɛ wī ŋàa wè:
Cɛngɛ gíì Kulocɛliɛ 'siɛn faan wè, a wi 'wi faan bɛ̀ wìi tíɛlɛ, 2a wi 'pe faan nàguɔ nɛ́ cɛliwɛ. Cɛngɛ gíì wi yé pe faan bèle, a wi 'diba taʔa wè pe nɛ̄ nɛ́ pe míɛyɛ le yè nɛ pe yeri siɛnnɛ.
3Bà Adama wi 'yiʔɛlɛ tekɔlini nɛ́ kpɔrigɔ (130) taa wè, a wi 'nàgabile sii bɛ̀ wìi tíɛlɛ nɛ̀ yɛli nɛ́ wi líɛrɛ ní dè. A wi 'wi míʔɛ le gè nɛ wi yeri Sɛti. 4Sɛti siile kàduʔumɛ gè, a Adama wi ń'nɛ yiʔɛlɛ sirasicɛri (800) taa, nɛ́ nɛ́ nàgabigele nɛ́ pìcapigele sii. 5Adama yiʔɛlɛ ke mìɛni bìnɛ wi 'puu yiʔɛlɛ sirasicɛri tekɔlini nɛ́ kpɔrigɔ (930), nɛ́ kùu. 6A Sɛti ga yiʔɛlɛ dabataan nɛ́ kogunɔ (105) taa gèle, a wi 'Enɔsi sii. 7Enɔsi siile kàduʔumɛ gè, a Sɛti wi ń'nɛ yiʔɛlɛ sirasicɛri nɛ́ kɔlisiin (807) taa, nɛ́ nɛ́ nàgabigele nɛ́ pìcapigele sii. 8Sɛti yiʔɛlɛ ke mìɛni bìnɛ wi 'puu yiʔɛlɛ sirasicɛri dabataan nɛ́ kpɔrigɔ nɛ́ siin (912), nɛ́ kùu.
9A Enɔsi ga yiʔɛlɛ togosicɛri nɛ́ kpɔrigɔ taa wè, a wi 'Kenan sii. 10Kenan siile kàduʔumɛ gè, a Enɔsi wi ń'nɛ yiʔɛlɛ sirasicɛri nɛ́ kpɔrigɔ nɛ́ kogunɔ (815) taa, nɛ́ nɛ́ nàgabigele nɛ́ pìcapigele sii. 11Enɔsi yiʔɛlɛ ke mìɛni bìnɛ wi 'puu yiʔɛlɛ sirasicɛri dabataan nɛ́ kogunɔ (905), nɛ́ kùu.
12A Kenan ga yiʔɛlɛ togotaanri nɛ́ kpɔrigɔ taa wè, a wi 'Maʔalalɛli sii. 13Maʔalalɛli siile kàduʔumɛ gè, a Kenan wi ń'nɛ yiʔɛlɛ sirasicɛri nɛ́ togosiin (840) taa, nɛ́ nɛ́ nàgabigele nɛ́ pìcapigele sii. 14Kenan yiʔɛlɛ ke mìɛni bìnɛ wi 'puu yiʔɛlɛ sirasicɛri dabataan nɛ́ kpɔrigɔ (910), nɛ́ kùu.
15A Maʔalalɛli ga yiʔɛlɛ togotaanri nɛ́ kogunɔ taa gèle, a wi 'Yɛrɛdi sii. 16Yɛrɛdi siile kàduʔumɛ gè, a Maʔalalɛli wi ń'nɛ yiʔɛlɛ sirasicɛri togo nɛ́ kpɔrigɔ (830) taa, nɛ́ nɛ́ nàgabigele nɛ́ pìcapigele sii. 17Maʔalalɛli yiʔɛlɛ ke mìɛni bìnɛ wi 'puu yiʔɛlɛ sirasicɛri togosicɛri nɛ́ kpɔrigɔ nɛ́ kogunɔ (895), nɛ́ kùu.
18A Yɛrɛdi ga yiʔɛlɛ tekataanri nɛ́ siin (162) taa wè, a wi 'Enɔki sii. 19Enɔki siile kàduʔumɛ gè, a Yɛrɛdi wi ń'nɛ yiʔɛlɛ sirasicɛri (800) taa, nɛ́ nɛ́ nàgabigele nɛ́ pìcapigele sii. 20Yɛrɛdi yiʔɛlɛ ke mìɛni bìnɛ wi 'puu yiʔɛlɛ sirasicɛri tekataanri nɛ́ siin (962), nɛ́ kùu.
21A Enɔki ga yiʔɛlɛ togotaanri nɛ́ kogunɔ taa wè, a wi 'Mɛtusalɛmi sii. 22Mɛtusalɛmi siile kàduʔumɛ gè, a Enɔki 'tánʔa nɛ́ Kulocɛliɛ ní fúɔ nɛ̀ taa yiʔɛlɛ sirakeli dabataan (300), a wi ń'nɛ̀ nàgabigele nɛ́ pìcapigele sii. 23Enɔki yiʔɛlɛ ke mìɛni bìnɛ wi 'puu yiʔɛlɛ sirakeli tekataanri nɛ́ kogunɔ (365). 24Bɛ̀ Enɔki 'puu nɛ tári nɛ́ Kulocɛliɛ ní wè, kire kàduʔumɛ gè, a pe kɛ́nì laa wi nī, nɛ́ ki cɛ́n Kulocɛliɛ wi cé wi líɛ.
25A Mɛtusalɛmi ga yiʔɛlɛ tekacɛri nɛ́ kɔlisiin (187) taa gèle, a wi 'Lemɛki sii. 26Lemɛki siile kàduʔumɛ gè, a Mɛtusalɛmi wi ń'nɛ yiʔɛlɛ sirataanri tekacɛri nɛ́ siin (782) taa, nɛ́ nɛ́ nàgabigele nɛ́ pìcapigele sii. 27Mɛtusalɛmi yiʔɛlɛ ke mìɛni bìnɛ wi 'puu yiʔɛlɛ sirasicɛri tekataanri nɛ́ kacɛri (969), nɛ́ kùu.
28A Lemɛki ga yiʔɛlɛ tekacɛri nɛ́ siin (182) taa gèle, a wi 'nàgabile sii, 29nɛ́ ni míʔɛ le gè nɛ wi yeri Nɔwe#5.29 Eburu siɛnrɛ nī dè, Nɔwe míʔɛ ki nyɛ́nì siɛnrɛ táà líɛ dàa ti kɔri wi 'jo: ŋɔ́daala., ki kɔri wire wī: ŋàa wire wi bé we kɛn ŋɔ́daala ní weli baagbɛnrɛ nɛ̄ dè nɛ́ weli wuʔɔyɔ ní yè, nyàa yī weli nɛ̄ yè, nyàa weli 'taa yè, bɛ̀ Yewe cé dàala cúʔɔ lè. 30Nɔwe wi siile kàduʔumɛ gè, a Lemɛki wi ń'nɛ yiʔɛlɛ sirasiin tekacɛri nɛ́ kpɔrigɔ nɛ́ kogunɔ (595) taa, nɛ́ nɛ́ nàgabigele nɛ́ pìcapigele sii. 31Lemɛki yiʔɛlɛ ke mìɛni bìnɛ wi 'puu yiʔɛlɛ sirataanri tekataanri nɛ́ kpɔrigɔ nɛ́ kɔlisiin (777), nɛ́ kùu.
32A Nɔwe ga yiʔɛlɛ sirasiin dabataan (500) taa wè, a wi 'Sɛmi, nɛ́ Kami, nɛ́ Jafɛti sii.
Voafantina amin'izao fotoana izao:
Sélimɛ 5: sev
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© (Active), Wycliffe Bible Translators, Inc. All rights reserved.