Luka 19
19
1Evasi rēzihi Jeriko gāḍata rētesi.
2sunkomi guttagattasiĕ hommugattasiĕ āti Zakkaja inni dōru gatti roosi
3Jesu imbaasi inzihi meh’nani mānditesi samma pottila āha mannakiĕ loku gotta āhi kūḍa mannakiĕ messalāḍaatesi.
4embatiĕ Jesu ē zījuti wānasi āha maẓẓesi lakka evasi nōkita hottiwaha evanaï messali ro mēḍi mrānu engitesi.
5Jesu ē tājutaki wātati kanka perhihi messiwaha:— Zakkaja tobbe rē’mu, nānu nīnzu nī izzo manzali walle inzihi evani tulle wessaliĕ
6evasi tobbe rēẓiwaha rāhati evanaï dūkhesi.
7bahētari ēdāni messiwaha:— īvasi pāpigatti mānēi tāna basa kījali haẓẓesi inzihi hāree hitwiteri.
8Zakkaja niẓẓiwaha:— idikō prabhutī! nā āstita sagomi ōntaagattaraki hīhi maï. nānu imbaani tāna ātiwa aniājomiti ēnaa ātiwa kodditi purre evanaki sāri bhāga wenḍe herpii inzihi prabhu tulle westesi.
9ēdānaki Jesu:— īvasi zakke Abrahamu mrīesi lakka nīnzu ī izzotaki rakshana wāte.
10mlengitani parrihi rakshinẓali mānēi‐mrīesi wātesi inzihi evani tulle westesi.
11evari ē hāḍanga wenzaliĕ, tānu Jerushalemutaki daggire mannanakiĕ, Paramushreeni rāziomi entee tōnzāne inzihi evari onpa koddinanakiĕ, evasi ōḍe ro pāḍa westesi.
12ōḍu mrīesi ōḍe ro rāzi mēḍi kīhiwaha wenḍe wājali inzihi heoti dēshomitaki hōẓi mannati
13tani gottinga doso zānaï ārhiwaha evaraki doso mīnanga (iẓẓihe ri kōdi doso dakkanga) hīhiwaha:— nānu wāni pateka blinzi kahadu inzihi evari tulle westesi.
14ātihe evani gāḍatari evanaï gēngrowi kīhiwaha:— īvasi mammaa ēlinai mange māndu hillee inzihi evani zēẓo kaburu panḍiteri.
15evasi ē rāzi mēḍi kīhiwaha wenḍe wātati, wālatasi blinzi bakkiti ēnaēnaa mēḍi kittesiā inzihi punzali tānu hommu hitti gottingani tani tāna ārh’mu inzihi hello hittesi.
16dakkitasi evani tāna wāhiwaha:— ābā! nī mīna bakkiti doso mīnanga pātee inzihi wessaliĕ
17evasi:— shabash, nehi gottitī! nīnu ī iẓeka nammakomiti maẓẓi lakka doso gāḍanga muhe nīnu adhikāriti āha mannamu inzihi evani tulle westesi.
18ēḍāju ōḍe roosi wāhiwaha:— ābā! nī mīna bakkiti pāsa mīnanga pātee inzaliĕ
19evasi:— nīnuwa pāsa gāḍa muhe mannamu inzihi evani tulle westesi.
20embatiĕ ōḍe roosi wāhiwaha:— ābā! īdikō nī mīna.
21nīnu ittaatani koddinatiĕ, mattaatani dā’nati āti kathinomigattatiĕ lakka ninnaa azziwaha ēdāni hakkata dossa maẓẓee inzihi westesi.
22ēdānaki ewasi:— laggeeti gottiti! nī gūti gījati lehee ninge tīrẓaï, nānu ittaatani koddinatee, mattaatani dā’natee āti kathinomi gattatee inzihi nīnu punza manzaha
23nīnu ēnaataki nā hommu sahukari tāna ittaati? ēle ātihe nānu wāhiwaha woddi tulle ēdāni kodditeema inzihi evani tulle wessiwaha
24īvani tānati ē mīnatiwa koddiwaha doso mīna gattanaki hīdu inzihi daggire niẓẓa mannari tulle westesi:
25evari:— ābā evanaki doso mīna mannu iẓẓeri.
26ēdānaki evasi:— kalgiti wālatanaki hīnai āne, hillaa gattani tānati mannaiwa rezza tuh’nai āne mī tulle wessi manzaï.
27ōḍee nānu tammaa ēlali māndu hillaa nā īrsa gattaraï imbaa taẓi wāhiwaha nā nōkita hāje paidu inzihi westesi.
28Jesu ē hāḍanga wessiwaha Jerushalemu tāna hazzali inzihi ōkhee nōkitesi.
29evasi Oliva hōru daggire manni Bethphage Bethania inni nāskaki daggire wātati, tani shishunga rīaraï hātiwaha:—
30mīmbu mī nōkita manni nājutaki hazzu; embaa mīmbu rēẓaliĕ dospiti ro gāḍide mīla minge tōnzane; ēdāni muhe imbini mānēi eẓẓelawa kugga hilluusi; ēdāni hukhiwaha perha ta’du.
31imbaasi ātiwa:— mīmbu ēnaataki ēdaa hukhi manzeri inzihi mimmaa wenzatihe — īdi prabhutaki kāveli inzihi evani tulle weh’du inzihi wessihi evaraï panḍitesi.
32panḍitari hazziwaha; evasi tami tulle westi lehe kanukoddihi,
33ē gāḍide mīlati hukhi manzaliĕ ēdāni gattari:— mīmbu gāḍedi mīlati ēnaataki hukhi manzeri inzihi weẓẓeri.
34ēdānaki evari:— īdi prabhutaki kāveli iẓẓeri.
35ḍāju evari Jesu tāna ēdaa perha taẓi wāhiwaha ē gāḍedi mīla muhe tami himborka methiwaha Jesuï ēdani muhe ekhiwaha
36evasi hazzi manzaliĕ tami himborka era zīju pāsteri.
37Olīva hōruti lōki tājutaki evasi daggire wātati, shishunga samūhomi bahee rāha āhihi:—
38prabhu dōruti wāni ōḍu pāẓitasi āpesiko.
lakkapuruta samadhānomiĕ,
wālati muheti tājungaña mahimee mannepeko. inzihi tambu mesti kazza iẓintromika kōsomi hāra hāliti Paramushreelaï pāẓali mātheri.
39ē samūhomita manni koẓẓetari parisājunga:— gūrūti! nī shishungani shikhmu inzihi evani tulle wessaliĕ,
40evasi evaraï messiwaha:— īvari tambitihe ī walka killeḍi kīnu inzihi mī tulle wessi manzaï iẓẓesi.
41evasi gāḍaki daggire ātati, ēdaa messiwaha ēdāni kōsomi līhiwaha,
42nīnuwa ī nī nēẓungaña samadhānomi kōsomiti sangatika punza kodditihe ninge eẓẓi mēlu! ātihe nīe īwi nī kankaki māduli kittaï āha mannu.
43(prabhu) ninnaa dūkh’ni. kālomi nīnu punnaati lakka nī īrsagattari nī suttu giẓẓu dossiwaha muẓẓiwaha bahē pādĕïti kāẓiwaha nī lōni manni nī pōdipōda tulle ninnaa zakke tozzo trokhiwaha,
44nī lōni walli muhe walli niẓẓa mannaa nēẓunga wānu inzihi westesi.
45,46ḍāju evasi gūdita rēẓiwaha ēdānita prānaraïĕ koddinaraïĕ messiwaha:—
nā illu prārdhana illu
inzihi rāẓitai āha manne
ātihe mīmbu ēdaa donganga pawu lehe kitteri,
inzihi wessiwaha evaraï hōphali māthesi.
47evasi wālati nēẓu gūdita bōdha kīnati mugulu pūzārangee, shātrungee lōkunagaña kazzariĕ evanaï mlekhali inzihi hēnḍi maẓẓeri
48samma lōku bahē evani zōkoḍi wenzali evanaï anditeri lakka ēnaa kēpaliā inzihi evaraki tōẓaate.
Voafantina amin'izao fotoana izao:
Luka 19: KUVI
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Published by the British and Foreign Bible Society in 1916.