Yoosuwa 16
16
EFRAYIM KEE MANASSE DEQSITTA KEDOH YECEEN BAAXO
1Yuusufuk rade marah yeceen baaxok gabbi-qaxal yan cuduud Yeriko deqsitta magaalay Ordon weeqaytut xayuk raqtahiyyak qimbisa. Yerikô magaalak buyyitte elle tene'kkeek bacarih tan baaxol gacca 'yeh qaleela mango aracak Beetal deqsitta magaalah amma 'yaanam fan gufak yen. 2Beetal deqsitta magaalaak bacakkuh Luud deqsitta magaala fanah gexaah; wokkek cuduud keenik bisoh tabba 'yaah Qataarot-Addar deqsitta magaalay Qarka deqsita mari elle yanihiyya fan maada. 3Tokkeek gabbi-qaxal yan cuduud keenik Yafleeti deqsita mari elle yan baaxok ayrô-culma le kabut raqta baaxok Guba-raqta-Beet-Coron deqsitta magaala fan gacca 'yaah Geser deqsitta magaala gufa. Wokkek bisoh tabba 'yaah Maditraaniyah Badat yaadee.
4Taham Yuusufuk radde namma kedoy Efrayim kee Manasse deqsittahiyyah yeceen baaxo.
EFRAYIM KEDOH YECEEN BAAXO
5Takkay immay a namma kedoh elle kuren inni ah kaana. Efrayim-kedoh yeceen baaxo ah teeti. Gabbi-qaxat raaqa cuduud keenik Qataarot-Addar deqsitta magaalak Daga-raqta-Beet-Coron deqsitta magaala fan gacca 'yaah; 6-9tokkeek Maditraaniyah Badat yaadee. Kilbat le kabuk cuduuduh keenit qimbisam, Taanat-Siilo deqsitta magaalak ten. Tokkeek ayrô-mawqa le kabu fan gexak, Mikmata deqsitta magaala fanah makka 'yaah Kaana deqsita daqar katayak Maditraaniyah Badat idiyya 'ya. Ayrô-mawqa le kabuk cuduuduh keenit qimbisam, Mikmata deqsitta magaalak ten. Tokkeek Taanat-Siilo deqsitta magaala fanah makka 'yaah Yanowac kee Qataarot kee Naqra deqsitta magaalooli fanah yamaate. Tohuk wadir Yerikô magaala fan guffa haah Ordon weeqaytut yaadee. Too kabuk cuduud tokket keenik yaade. Taham Efrayim deqsitta kedoh yeceen baaxo. Tonnah kaadu Efrayimih yooboke marah Manasseh baaxot raqta magaalooli kee gaandoodii, Yoosuwa keenih yecee. 10Efrayimih yooboke mari Kanqaan deqsita maray Geser deqsitta magaalal sugehiyya wokkek mayyaaqinnoonuy, yanoonay ken iyyen. Takkay immay isinni naqoosah ken haysitteeniih; ta saaku fanah too naqoosah yanin.
Voafantina amin'izao fotoana izao:
Yoosuwa 16: NKM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra