Deoterônômy 25
25
Fomba fitsarana ara-drariny
1Mety misy olona anankiroa manana ady ka mankeo amin’ny fitsarana; dia tsaraina izy roroa ka homen-drariny izay manan-drariny ary hohelohina kosa izay meloka. 2Raha tokony hokapohina ny meloka, dia hasain’ny mpitsara hivalandotra amin’ny tany izy ka hokapohina eo anatrehan’ilay mpitsara; ary arakaraka ny helony no isan’ny kapoka hatao aminy. 3Hatramin’ny efapolo no kapoka azo amelezana azy, fa tsy hatao mihoatra; fandrao raha mihoatra noho izany#25.3 Mba tsy hihoarana ny kapoka efapolo, dia eo amin’ny kapoka faha-39 no tokony hatsahatra, jereo 2 Kôr 11.24. –fandrao raha mihoatra noho izany, dia ho toy... : dkt hafa fandrao raha mihoatra noho izany, dia hiteraka ratra be ary ho toy... , dia ho toy ny tsinontsinona eo imasonareo ny mpiray firenena aminareo.
Ny omby
4Aza akombonareo ny vavan’ny omby mively vary#25.4 Akombona ny vavan’ny omby mively vary mba hisakanana azy tsy hirao-bilona mandritra ny iasany. Jereo 1Kôr 9.9; 1Tim 5.18..
Ny vehivavy entin-doloha
5Mety misy mpirahalahy miara-monina, ka maty momba ny anankiray. Amin’izay, dia aoka ny vadin’ny maty tsy hanambady vahiny any ivelam-pianakaviana; fa ny zaodahiny ihany no aoka handeha hanambady azy, ka hitondra loloha azy. 6Ary ny lahimatoa izay haterany no haka ny anaran’ilay rahalahy efa maty, mba tsy hahafaty anarana azy eo amin’i Israely#25.6 And 5-6: jereo Mt 22.24; Mk 12.19; Lk 20.28.. 7Raha tsy sitra-dralehilahy ny hitondra loloha ny vadin-drahalahiny, dia aoka hanatona ny loholona eo amin’ny fitsarana ravehivavy ka hanao hoe: «Tsy mety mamelona ny anaran’ny rahalahiny eo amin’i Israely ny zaodahiko, fa tsy te hitondra loloha ahy». 8Dia hantsoin’ireo loholon’ny tanàna ralehilahy ka hohadininy. Ary raha miteny izy ka manao hoe: «Tsy sitrako ny hanambady azy!», 9dia hanatona azy eo anatrehan’ireo loholona ity vadin-drahalahiny ka hanala ny kapa amin’ny tongo-dralehilahy#25.9 Tahaka ny hita ao amin’i Rot 4.7, izany fihetsika izany dia manambara fa tsy manan-jo hanambady ny vady navelan-drahalahiny ary tsy manan-jo handova ny fananana navelan-drahalahiny intsony ilay tokony hitondra loloha. Ankoatra izany, dia manala baràka olona ny fihetsika toy ireny eto amin’ity sehatra ity. ary handrora amin’ny tavany sady hiteny hoe: «Toy izany no hatao amin’ny lehilahy tsy mety manome taranaka ny rahalahiny!» 10Ary ny fianakavian’izany lehilahy izany eo amin’i Israely dia hampiana anarana hoe: «Fianakavian’ilay nalan-kapa.»
Fihetsika tsy azo atao amin’ny ady antsanga
11Mety misy olona roa lahy miady, ary ny vadin’ny anankiray kosa manatona hanafaka ny vadiny eo an-tanan’ilay mamely azy; raha maninji-tanana ravehivavy ka mandray ny ankasarotan’ilay lehilahy mifamely amin’ny vadiny, 12dia tsy hanananareo antra izany vehivavy izany fa hotapahinareo ny tanany.
Lanja sy refy ara-dalàna
13Aoka tsy hisy vatomizàna mahery lanja sy latsa-danja ao an-kitaponareo. 14Aoka tsy hisy famarana lehibebe sy kelikely. 15Vatomizana sy famarana tonga ohatra sy ara-dalàna no aoka hotananareo mba ho maro andro iainana ianareo, any amin’ny tany izay omen’ny TOMPO Andriamanitrareo anareo. 16Satria izay rehetra manao zavatra tsy an-drariny toy ireny dia maharikoriko eo imason’ny TOMPO Andriamanitrareo#25.16 And 13-16: jereo Lev 19.35-36..
Ny amin’ny handringanana ny Hamalekîta
17Tsarovy izay nataon’ny Hamalekita taminareo teny an-dalàna, taorian’ny nialanareo tany Ejipta. 18Tsy nanan-tahotra an’Andriamanitra ireo fa nanehatra anareo teny an-dalàna sy namely izay trotraka teo amin’ny vodilaharanareo fony ianareo reraka sy sasatra. 19Hataon’ny TOMPO Andriamanitrareo mahazo fitsaharana ianareo izao ka tsy ho voahelingelin’ny fahavalo rehetra manodidina anareo any amin’ny tany izay omen’ny TOMPO Andriamanitrareo ho anjara fanananareo; dia hovonoinareo ho faty ny Hamalekîta amin’izay mba tsy hisy olona hahatsiaro azy intsony eto amin’izao tontolo izao. Aza hadinoinareo izany#25.19 And 17-19: jereo Eks 17.8-14; 1 Sam 15.2-9.!
Voafantina amin'izao fotoana izao:
Deoterônômy 25: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.