Kôheleta 5
5
1Aza maika ny hiteny ary aza malaky manapa-kevitra hanao voady amin’Andriamanitra; fa any an-danitra Andriamanitra ary ianao kosa etỳ ambonin’ny tany. Koa lanjalanjao ny teninao. 2Fa izay be ahiahy, mpanonofy ratsy; ary izay be teny mpanao rediredin’adala#5.2 And 1 sy 2: jereo Oha 10.19; 13.3; Jak 3.1-12.. 3Raha manao voady amin’Andriamanitra ianao, dia tanteraho ara-potoana izany, satria tsy sitrak’Andriamanitra ny olona adala. Koa efao ny voady efa nataonao. 4Aleo tsy manome toky toy izay manome toky nefa tsy mahatanteraka. 5Halaviro ireo teny mety hamatotra anao. Aza miteny amin’ny mpisorona voairak’Andriamanitra hoe: «Tsy fanahy iniana iny». Fa ho tezitra Andriamanitra ary hopotehiny avokoa izay rehetra ataonao. 6Arakaraka ny mahabe ny teny no mahabe ny nofy sy ny zava-poana. Koa Andriamanitra no hajao.
Ireo fanamparam-pahefana
7Aza atao ho mahagaga ny fahitana ny mahantra ampijalîna na ny rariny sy ny fahamarinana voahitsakitsaka eto amin’ny tany. Fa ny olona anankiray ambony dia misy miaro azy ao amboniny ao, ary izy roa tonta ireo aza dia mbola misy ambony kokoa miaro azy. 8Tsara kokoa ho an’ny firenena ny manana mpanjaka izay mampandroso ny asa fambolena#5.8 Izany hoe izay miaro ireo ambanimbany fari-piainana, dia ireo tantsaha..
Zava-poana ny harena
9Izay tia vola dia tsy ho afa-po mihitsy; ary izay tia harena dia tsy ho vokin’izany mihitsy. Zava-poana koa izany. 10Fa arakaraka ny ananan’ny olona no mampitombo ny mpihampitra aminy. Inona no tombontsoan’ny tompom-pananana afa-tsy ny mijery ny hareny? 11Mahita tory tsara ny mpiasa na kely na be ny harapany. Fa tsy mba mahita tory kosa ny mpanankarena vokatry ny hamaroan’ny fananany. 12Nahita zava-dratsy mampahory aho teto ambonin’ny tany, dia ny vola izay notahirizin’ny tompony nefa nampidi-doza azy. 13Very harena tamin-javatra mamohehatra izy ary tsy nanana na inona intsony nony tera-dahy. 14Tsy maintsy handao ity tany ity toy izay niaviany izy, dia toy ny nitanjahany fony izy nivoaka avy tao an-kibon-dreniny. Ary tsy hahatondra na inona na inona ho valin-kasasarany izy. 15Fahoriana lehibe ho azy fa toy ny nahatongavany teto an-tany no handaozany azy. Inona no tombontsoa azony? Nisasa-poana fotsiny izy#5.15 And 14 sy 15: Jereo Jôb 1.21; Sal 49.17-18; 1Tim 6.7.. 16Ankoatra izany, maloka ny fiainany manontolo noho ny alahelo#5.16 maloka ny fiainany... noho ny alahelo be: araka ny dkt grika tranainy; hebreo mihinana ao amin’ny maizina izy. be sy ny fahasorenana ary ny fijaliana. 17Izao no tsapako fa tsara: mety ho an’ny olona ny mihinana sy ny misotro ary ny mifaly amin’ny vokatry ny asany mandritra ny androm-piainana omen’Andriamanitra azy; satria izany no anjarany. 18Rehefa misy olona omen’Andriamanitra vola aman-karena sady avelany hihinana sy haka ny anjarany amin’izany ary koa hifaly amin’ny vokatry ny asany, dia fanomezan’Andriamanitra izany. 19Hadinon’ny olona kosa amin’izay fa mandalo ny fiainany, satria fenoin’Andriamanitra fahasambarana ny fony.
Voafantina amin'izao fotoana izao:
Kôheleta 5: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.