Mikà 1
1
1Teny nampitain’ny TOMPO tamin’i Mikà izay avy any Môreseta, fony mpanjaka tao Joda ry i Jôtama sy i Ahaza ary i Hezekià. Fahitana no nampahafantaran’ny Tompo azy ny teniny momba ny tanàna Samaria sy Jerosalema#1.1 Môreseta: tanàna tokony ho 35 km ao atsimo andrefan’i Jerosalema, ao Joda faritr’i Sefelà*. –mpanjaka tao Joda ry i Jôtama sy i Ahaza ary i Hezekià: jereo Is 1.1 sy nta. –Samaria: renivohitry ny fanjakan’i Israely; azon’ny Asirianina io tanàna io tamin’ny taona 722 na 721 tal. J.K. –Jerosalema: renivohitry ny fanjakan’i Joda. Ireo renivohitra roa ireo eto no misolotena ny fanjakana roa tonta dia ny fanjakan’i Israely sy ny fanjakan’i Joda..
Miampanga ny vahoakany ny Tompo
2Mihainoa ianareo, ry firenena rehetra.
Mandrenesa tsara, ry tany sy izay rehetra ao aminy!
Ny Tompo ANDRIANANAHARY no ho tonga eo anivonareo
mba ho vavolombelona hiampanga,
dia ny Tompo avy ao amin’ny tempoliny masina.
3Fa indro ny TOMPO mivoaka ny toerany,
ary midina ka mandeha eny am-paratampon’ny tany;
4miempo eo ambany tongony ny tendrombohitra
tahaka ny savoka taninin’ny afo;
ary loadoaka ny lohasaha
tahaka ny rehefa misy riaka
mivarimbarina eny an-kilahila.
5Nikomy tamin’Andriamanitra ny taranak’i Jakôba,
eny, nanota ny vahoakan’i Israely#1.5 Ny taranak’i Jakôba, vahoakan’i Israely: eto dia ny Israelita rehetra na ny tao amin’ny fanjakana avaratra na ny tao amin’ny fanjakana atsimo.,
ka mahatonga izany rehetra izany.
Fa iza no nampikomy ny taranak’i Jakôba?
Moa tsy i Samaria renivohiny ve?
Ary iza no toeram-panasinana ao Joda?
Moa tsy i Jerosalema renivohiny ve?
6Noho izany, dia hoy ny Tompo hoe:
«Hataoko antontan-korontam-bato eny an-tsaha i Samaria,
hataoko tany fambolena voaloboka;
ary havariko any an-dohasaha ny vatony,
ka hampihanjahanjaiko ny fototra iorenany.
7Hotorotoroina ny sampiny voasokitra rehetra
hodorana amin’ny afo ny tamby rehetra azony
ary hopotehiko ny sarin-tsampiny rehetra;
satria tambin’ny vehivavy janga#1.7 tambin’ny vehivavy janga: fanomezana izay natao ho karaman’ireo vehivavy mpijangajanga tao amin’ny tempolin’i Bahala* (jereo Hôs 1.2 sy nta) ka nentina nandravaka ireny tempoly ireny, indrindra amin’ny fanaovana sarin-tsampy vaovao.
no nanangonany azy,
dia hanambazana vehivavy janga
any an-kafa indray ireny.»
Mahatratra an’i Jerosalema ny loza
8Hoy kosa i Mikà hoe:
Noho izany, dia hitomany sy hidradradradra aho,
ary handeha tsy mitafy sady tsy mikiraro.
Hikonainaina toy ny amboadia aho
ary hikiakiaka toy ny vorombe;
9satria tsy mety sitrana ny ratran’i Samaria
fa mitatra hatrany Joda aza,
ka tonga hatreo am-bavahadin’i Jerosalema
izay tanànan’ny mpiray firenena amiko.
10Aza ambara any Gata izany
fa tazony ny ranomasonareo#1.10 tazony ny ranomasonareo: tsy mazava ny RM eo amin’ny and 10 sy 11. Misy ny mihevitra fa ny RM dia tokony ho vakîna hoe ao Akô tazony ny ranomasonareo; misy kosa ny tsy mahita anaran-tanàna eto fa mamaky fotsiny hoe mitomania. –Ao amin’ny and 10-15 dia manao karazana tsilalaon-teny ny mpaminany amin’ireo anaran-tanàna lazainy. Ireo tanàna rehetra ireo dia any Joda avokoa, ary tandindomin’ny fandravana hataon’ny Asirianina.!
Ry mponina ao Bety-Hafrà,
mihosinkosena amin’ny vovoka ianareo.
11Ry mponina ao Safira,
mandehana hatao sesi-tany
ombàn-kenatra sady tsy mitafy.
Tsy mahavoaka ny tanàna ireo mponina eo Tsanàna.
Misaona ny ao Bety-Etsela,
ka tsy azo ampiasaina hierena intsony.
12Mangovitra ny amin’ireo tombon-tsoany
ny mponina ao Marôta,
satria efa nidina ho ao am-bavahadin’i Jerosalema
ny loza avy tamin’ny TOMPO.
13Ry mponina ao Lakisy,
rohizo amin’ny soavaly haingam-pandeha
ny kalesy handosiranareo;
satria naka tahaka ny fahadisoan’i Israely ianareo,
ka nahatonga ny mponina ao Tsiôna hanota.
14Noho izany, ry mponina ao Tsiôna,
afoizo i Môreseta-Gata;
ny tanàna Akziba dia toky manodoka
ho an’ny mpanjakan’i Israely.
15Mpanafika handresy anareo
no halefan’ny TOMPO aminareo,
ry mponina ao Maresà,
ka hisitrika hatrany an-johin’i Hadolama
ireo filoha tabihan’i Israely.
16Hetezo ny volonareo ary kakaso ny lohanareo,
ry mponina ao Tsiôna;
halehibiazo ho tahaka ny an’ny fanindry#1.16 kakaso ny lohanareo: jereo ny naoty tandrifin’ny Ezek 7.18. Mangadihady ny tenda sy ny lohan’ny fanindry ka mampahatsiahy ny loha nokakasana noho ny fisaonana. Ny fanindry dia karazana papango.
ny sola eo an-dohanareo,
noho ny amin’ireo zanaka malalanareo:
satria nentina ho babo lavitra anao izy.
Voafantina amin'izao fotoana izao:
Mikà 1: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.