Salamo 101
101
SALAMO Mianiana eo anatrehan’Andriamanitra ny mpanjaka fa hanaja ny rariny
1 Salamo nataon’i Davida.
TOMPO ô, firaiketam-po aminao
sy rariny ho an’ny vahoaka
no zavatra tiako hokaloina:
izany no hankalazako Anao an-kira.
2Hiezaka hiroso amin’ny fahitsiana aho,
ka rahoviana no hankatỳ amiko Ianao?
Amin-kitsim-po no hiainako
ao amin’ny lapam-panjakàko.
3Tsy hahatanty zava-dratsy aho;
halako ny mivadika finoana,
tsy mba hahazo ahy izany.
4Halaviriko ny haloto fo,
tsisy antony amiko ny olon-dratsy.
5Hofongorako ny mpanaratsy namana amin’ny takona
fa tsy zakako ny mpiandranandrana miavona am-po.
6Hojereko izay olo-mahatoky
eto amin’ny tany sy ny fanjakana
mba hametrahako azy eo anilako;
izay mizotra amin’ny fahitsiana
no ho tonga mpanampy ahy.
7Tsy hitoetra ao amin’ny lapam-panjakàko
ny olona mpametsifetsy;
ary tsy hijanona eo anilako
ny mpanao teny mandrobo.
8Hataoko fongotra isa-maraina ny olon-dratsy rehetra
eto amin’ny tany sy ny fanjakana
mba ho foana avokoa ny mpanao ratsy
ao amin’ny tanànan’ny TOMPO.
Voafantina amin'izao fotoana izao:
Salamo 101: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.