Salamo 143
143
SALAMO Tompo ô, aza antsoina hotsaraina aho
1 Salamo nataon’i Davida.
TOMPO ô, mba henoy vavaka aho,
anongilano sofina ny fifònako.
Araka ny toetranao mahatoky
sy araka ny fiantrànao no amalio ahy.
2Mpanomponao aho ka aza antsoina hotsaraina,
fa tsy misy olombelona ho marina eo anatrehanao#143.2 Jereo Rm 3.20; Gal 2.16..
3Nenjehim-pahavalo tokoa aho;
nohoseny an-tany ny aiko.
Nampitoeriny tamin’ny haizina aho
mova tsy ny maty fahagola.
4Koa reraka ato anatiko aho;
fadiranovana ny foko ato amiko.
5Tsaroako izany andro fahiny;
sainiko avokoa ny nataonao,
eritreretiko ny asa vitanao.
6Mivavaka manandra-tanana aminao aho#143.6 Ampit Sal 28.2 sy nta.;
ny fanahiko eo anatrehanao
dia tahaka ny tany mangentana.
Fiatoana
7Valio faingana aho, TOMPO ô,
fa efa ambivitra ny aiko.
Aza manafin-tava amiko Ianao,
ndrao ho tahaka izay midina any am-pasana aho.
8Ataovy tsapako isa-maraina ny fitiavanao,
satria Ianao no itokiako;
ampahafantaro ahy ny lalan-kizorako,
satria Ianao no ifantohako.
9TOMPO ô, afaho amin’ny fahavalo aho
fa ao aminao no iereko.
10Ampianaro aho hanao ny sitrakao,
satria Andriamanitro Ianao.
Enga anie ny Fanahinao tsara
hitarika ahy amin’ny tany marina!
11Araka ny maha TOMPO Anao,
dia velomy indray aho;
noho ny fahamarinanao,
dia esory amin’ny fahoriana aho.
12Noho ny fitiavanao ahy,
dia fongory ny fahavaloko
ka aringano avokoa ny mpandrafy ahy,
satria mpanomponao aho.
Voafantina amin'izao fotoana izao:
Salamo 143: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.