Salamo 79
79
SALAMO Avoty izahay, Tompo ô, satria voa mafy tokoa
1 Salamo nataon’i Asafa.
Andriamanitra ô, nidiran’ireo hafa firenena ny taninao
ka nozimbazimbainy ny tempolinao masina
ary nataony korontam-bato i Jerosalema#79.1 Momba ny fandravana an’i Jerosalema: jereo 2 Mp 25.8-10; 2 Tan 36.17-19; Jer 52.12-14..
2Ny fatin’ny mpanomponao,
eny, ny nofon’ireo mpivavaka aminao,
dia nomeny ho sakafon’ny papango
ary natsipiny hohanin’ny bibidia.
3Ny ran’ireo mpanomponao
dia nataony mandriaka toy ny rano
manerana an’i Jerosalema,
ka tsy misy olona tavela handevina#79.3 Ny tsy milevina am-pasana dia noheverina ho loza lehibe: jereo Jer 14.16; Mpitor 6.3; ampit Jer 36.30..
4Tonga fandatsan’ny vahoaka hafa
izay mpifanila aminay izahay,
zary fihomehezana sy faneso
ho an’ireo firenena manodidina anay.
5TOMPO ô, mandra-pahoviana izahay
no hitananao ny fahatezeranao
sy ity fahasarotam-piaronao
izay mandoro tahaka ny afo?
6Aoka ireo firenen-kafa no hotezeranao,
dia ireo firenena tsy mahalala Anao,
ireo fanjakana tsy mivavaka aminao,
7fa norobainy ny taranak’i Jakôba
ary nosimbàny ny tany fonenany.
8Aza tsaroana hamelezana anay
ny heloka vitan’ireo talohanay;
fa aoka ny famindramponao
no ho tonga haingana hitsena anay,
satria voa mafy tokoa izahay!
9Andriamanitra mpamonjinay ô,
vonjeo izahay noho ny voninahitrao;
mba avelao re ny fahotanay,
ka afaho izahay noho ny lazanao.
10Nahoana ny firenen-kafa no hanontany hoe:
«Aiza àry izay Andriamanitrareo#79.10 Jereo Sal 42.4,11; Mi 7.10; Mal 2.17.?»
Aoka ho fantany sy hohitanay
fa valianao ny ran’ireo mpanomponao
izay novonoin’izy ireny ho faty!
11Aoka ho tonga eo anatrehanao
ny fitarainan’ireo voafonja!
Araka ny haben’ny herinao
no iarovy ny ain’ireo voaheloka ho faty.
12Tompo ô, mba valio impito heny
amin’ireo firenena mifanila aminay
ny fanalàm-baràka nataony Anao.
13Fa izahay vahoakanao,
andian’ondry fiandrinao,
dia hanolotra fisaorana Anao mandrakizay,
hanambara ny fiderana Anao hatrany hatrany.
Voafantina amin'izao fotoana izao:
Salamo 79: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.