ལུ་ཀཱ། 10
10
ལེའུ་བཅུ་པ།
ཡེ་ཤུས་སློབ་མ་བདུན་ཅུ་དོན་གཉིས་ཡུལ་གཞན་ལེ་བརྫངས་པ།
1ཡང་དོན་དེའི་རྗེས་ལེ། ཇོ་བོ་ཡེ་ཤུས་རང་གི་རྗེས་འབྲང་པ་ཀྱ་ནང་ནས་མི་བདུན་ཅུ་དོན་གཉིས་བདམས་ཏེ། ཁོང་རང་ཕེབས་འདོད་འོད་ཡོད་རྒྱལ་ས་དིང་ཡུལ་ཀྱ་ལེ། མི་གཉིས་གཉིས་བྱས་ཏེ་སྔོན་ལེ་རྫོངས་རྒྱ། 2ཁོང་གིས་མི་དེ་ཀྱ་ལེ། ལོ་ཏོག་མང་པོ་འོད་ནའང་། རྔ་མཁན་ཉུང་དྲགས་འདུག ཁྱེད་ཀྱ་ཀྱིས་ལོ་ཏོག་གི་བདག་པོ་ལེ། ཁྱེད་ཀྱི་མི་གླ་ཀྱ་ཞིང་ལེ་ལོ་ཏོག་རྔ་རུ་རྫོངས་རོགས་ཟིན་གསོལ་བ་སྨོན་ལམ་ཐོབ་ཅིག་ཟིན་གསུངས་པའི་རྗེས་ལེ། 3ད་ཁྱེད་ཀྱ་རྒྱུགས། ངས་ཁྱེད་ཀྱ་སྤྱང་རྐུ་ཁྱུའི་ནང་ལེ་ལུ་གུ་རྫོང་གི་ཅོག་འདྲ་རྫོང་གྱོ་འོད་བརྟན་པོ་གྱིས་ཤིག 4ཁྱེད་ཀྱ་ཀྱིས་དངུལ་ཁུག་དིང་། ལུས་ལེ་གྱོན་པའི་གོས་དིང་། ཟོམ་པ་དེ་པ་རྐྱང་མ་གཏོགས་སྤོས་རྒྱུ་ཡར་རན་མ་འཁྱེར་རི་རྒྱུགས་ཤིག ལམ་ལེ་མི་སུ་ཞིག་ཐུག་ནའང་དེའི་སྐྱེན་ལེ་ཁ་མ་ཤོད་དི་ཤར་རེ་ལམ་ཞུགས་ཏེ་རྒྱུགས་ཤིག#10.4 གེ་རིག་གི་སྐད་ལུགས་ནང་ལེ། ཁ་མ་ཤོད་མི་ཟེར་རི་འོད་དིག མི་སུ་ལེ་ཟང་འཚམས་འདྲི་མ་ཞུས་ཤིག་ཟིན་འོད་དིག 5ཁྱིམ་ཚང་ག་ན་ལེ་ཕྱིན་ནའང་། དང་པོ་ཁྱིམ་ཚང་དེ་ལེ་ཞི་བདེ་འོང་བར་ཤོག་སྨྲོས་ཤིག 6གལ་སྲིད་ཁྱིམ་དེ་རུ་ཞི་བདེ་འཐོབ་འདོད་འོད་ཡོད་མི་ཞིག་འོད་ནི། མི་དེའི་ནང་ལེ་ཞི་བདེ་འོང་གྱི་དིག གལ་སྲིད་མེད་ནི་ཞི་བདེ་དེ་ཁྱེད་ཀྱ་འོད་ས་ལེ་ལོག་འོང་གྱི་དིག 7ཁྱེད་ཀྱ་ཁྱིམ་ཚང་ག་ན་ལེ་འཛུལ་ནའང་། དེ་རང་དུ་སྡོད་དགོས་འོད་དིག ཅི་ལེ་ཟེར་ནི། ལས་བགྱིད་མཁན་ཀྱ་ལེ་གླ་ཆ་ཐོབ་འོས་པར་ཞིག་ཡིན་དིག ཁྱེད་ཀྱ་ལེ་བཟའ་བཏུང་ཅི་ཞིག་བྱིན་ནའང་། དེ་ནི་རང་གི་བྱས་པི་ལས་ཀའི་གླ་ཆ་ཡིན་བསམས་ཏེ་ཟོ་ཞིག ཡང་མི་སུ་ཞིག་གིས་ཁྱེད་ཀྱ་ལེ་ཕེབས་བསུ་ཞུས་ནི། ཁོའི་ཁྱིམ་ལེ་མ་གཏོགས་ཁྱིམ་གཞན་མ་ཞིག་ལེ་སྡོད་དུ་མ་འགྲོ། 8ཁྱེད་ཀྱ་ཡུལ་ག་ན་ལེ་ཕྱིན་ནའང་། ཡུལ་དེའི་མི་ཀྱ་ཀྱིས་ཁྱེད་ལེ་ཕེབས་བསུ་ཞུས་ཏེ་ཟས་རིགས་ཅི་ཞིག་བྱིན་ནའང་དེ་རང་ཟོ་ཞིག 9ཡུལ་དེའི་ནང་ལེ་འོད་ཡོད་ནད་པ་ཀྱ་ཟང་དྲག་ཏུ་བཅུག་སྟེ། མི་ཀྱ་ལེ་དཀོན་མཆོག་གིས་རྒྱལ་ཁབ་དེ་སླེབ་རེན་འདུག་ཟིན་སྨྲོས་ཤིག 10ཡིན་ནའང་། ཁྱེད་ཀྱ་ཡུལ་ག་ན་ལེ་ཕྱིན་ནའང་། ཡུལ་དེའི་མི་ཀྱ་ཀྱིས་ཁྱེད་ལེ་གནས་ཚང་མ་གཡར་རི་ཡིན་ནི། ཡུལ་དེའི་སྲང་ལམ་ལེ་ཕྱིན་ཏེ། 11མི་དེ་ཀྱ་ལེ་ཉེས་པའི་ཆད་པ་ཕོག་རྒྱུ་འགན་དེ་ཁུར་དགོས་འོད་དིག ཉེད་ཀྱ་ལེ་འགན་འཁུར་དེ་མེད་ཟིན་དཔང་རྟགས་སྟོན་རྒྱུ་ཆེད་དུ། ཁྱེད་ཀྱ་ཀྱི་རྐང་པ་ལེ་ཡུལ་དེའི་ཐབ་པ་འགོས་པི་དེ་ཟང་སྤྲུགས་སྤྲུགས་བཏང་སྟེ། མི་ཀྱ་ལེ་དཀོན་མཆོག་གི་རྒྱལ་ཁབ་དེ་ཉེ་མོ་ལེ་སླེབས་འོད་དི་ཤེས་པར་གྱིས་སྨྲོས་ཤིག 12ང་ཁྱེད་ཀྱ་ལེ་ཟེར་རོ། ཁྲིམས་གཅོད་བགྱིད་དི་ཉིན་མོ་དེ་ལེ། གྲོང་སྡེ་འདི་ལེ་ཕོག་རྒྱུ་ཡིན་དི་ཉེས་ཆད་དེ་ནི། སྔར་སྔ་མོའི་སཱ་དོམ་གྲོང་སྡེ་ལེ་ཕོག་གི་ཉེས་ཆད་དེ་ལས་ལྷག་ཚོད་ཆེ་བ་ཞིག་འཕོག་གྱི་དིག 13གལ་སྲིད་ཁྱེད་ཀོ་ར་ཟིན་དིང་པེ་སད་དཱ་ཡུལ་འདི་གཉིས་ལེ་ཆགས་སྒོ་ཆེན་པོ་ཞིག་འོང་གྱི་དིག ཅི་ལེ་ཟེར་ནི། ཡུལ་འདི་གཉིས་ལེ་ངོ་མཚར་ཅན་གྱི་རྟགས་དེ་ནི། ཐཱ་ཨེར་དིང་ཚི་དོན་ཡུལ་དེ་གཉིས་ལེ་བྱུང་པི་ཡིན་ནི། མི་དེ་ཀྱ་ཀྱིས་སྔོན་མ་ནས་རང་གི་བྱས་པའི་སྡིག་པ་དེ་ལེ་འགྱོད་བཤགས་བྱས་ཏེ། ལུས་ལེ་རྩ་རས་གོས་གྱོན་ཏེ་མགོ་ལེ་གོ་ཐལ་གཏོར་གྱི་དིག 14ཡིན་ནའང་། ཁྲིམས་གཅོད་བགྱིད་དི་ཉིན་མོ་དེ་ལེ། ཐཱ་ཨེར་དིང་ཚི་དོན་ཡུལ་དེ་གཉིས་ལས་ལྷག་ཚོད། ཀོ་ར་ཟིན་དིང་པེ་སད་དཱ་ཡུལ་འདི་གཉིས་ལེ་ཉེས་ཆད་ཆེན་པོ་འཕོག་གྱི་དིག 15ཡང་ཁྱེད་ཀ་ཕར་ན་ཧུམ་པ་ཀྱ་ནི། ནམ་མཁའ་ལེ་འདྲེན་གྱོ་འོད་དིག་བསམ་གྱི་གས། མི་འདྲེན་འོད་དིག ཁྱེད་ཀྱ་དམྱལ་བའི་གཏིང་ལེ་གཡུག་གྱི་དིག 16ཡང་ཁྱེད་ཀྱ་ལེ་ཉན་མཁན་དེས་ང་ལེ་ཟང་ཉན་གྱི་དིག ཡང་མི་སུ་ཞིག་གིས་ཁྱེད་ཀྱ་ལེ་ཁས་ལེན་མ་བྱས་ནི། ང་ལེ་ཟང་ཁས་ལེན་མ་བྱས་པི་དིག མི་སུ་ཞིག་གིས་ང་ལེ་ཁས་ལེན་བྱས་ནི། ང་རྫོངས་མཁན་དཀོན་མཆོག་ཁོང་ལེ་ཟང་། ཁས་ལེན་བྱས་པི་དིག་ཟིན་སློབ་མ་ཀྱ་ལེ་གསུངས་པི་དིག
སློབ་མ་བདུན་ཅུ་དོན་གཉིས་ཀྱ་ལོག་འོངས་པ།
17དེ་ནས་དེའི་རྗེས་ལེ་ཡེ་ཤུས་བརྫངས་པའི་སློབ་མ་བདུན་ཅུ་དོན་གཉིས་དེ་ཀྱ་དགའ་སྤྲོའི་ངང་ནས་ཚུར་ཁོང་གི་དྲུང་དུ་ལོག་འོངས་པི་དིག དེ་ནས་སློབ་མ་དེ་ཀྱ་ཀྱིས་ཡེ་ཤུ་ལེ། ཇོ་བོ། ཁྱེད་ཀྱི་མཚན་ནང་ལེ་གདོན་འདྲེས་ཟང་ཉེད་ཀྱ་ཀྱི་ཁ་ལེ་ཉན་གྱི་འདུག་ཟིན་ཞུས་པི་དིག 18ཁོང་གིས་སློབ་མ་དེ་ཀྱ་ལེ། བདུད་པོ་སཱ་ཏན་དེ་གློག་འཁྱུག་གི་ཅོག་འདྲ་ནམ་མཁའི་ཞིང་ཁམས་ནས་ས་ལེ་འཛར་འགྲོ་བ་ངས་ཟང་མཐོང་བྱུང་། 19ལྟོས་དང་། ངས་ཁྱེད་ཀྱ་ལེ་དུག་སྦྲུལ་དིང་སྡིག་པ་རྭ་ཙ་ཟང་རྐང་པའི་འོག་ཏུ་གནོན་རྒྱུ་དིང་། དགྲ་བོའི་ནུས་མཐུ་ཡེ་རེ་འཇོམས་རྒྱུ་དབང་ཆ་དེ་ཁྱེད་ཀྱ་ལེ་སྟེར་གྱི་ཡིན། ད་མི་སུ་ཞིག་གིས་ཟང་ཁྱེད་ཀྱ་ལེ་གནོད་འཚེ་བགྱིད་ཐུབ་ཀྱི་མ་དིག 20ཡིན་ནའང་། གདོན་འདྲེ་དེས་ཁྱེད་ཀྱ་ཀྱི་བཀའ་ལེ་ཉན་པི་དེ་ལེ་དགའ་སྣང་མ་བགྱིད། ཁྱེད་ཀྱ་ཀྱི་མིང་དེ་དཀོན་མཆོག་གི་ནམ་མཁའི་ཞིང་ཁམས་ལེ་བཀོད་པི་དེ་ལེ་དགའ་སྣང་གྱིས་དང་ཟིན་གསུངས་པི་དིག 21དུས་དེ་རྒྱ་དམ་པའི་ཐུགས་ཉིད་ངང་ནས་ཡེ་ཤུའི་ཐུགས་དགྱེས་པོ་འཇུ་གུ་བྱུང་སྟེ། ངའི་ཨ་ཀྱེ། གནམ་ས་གཉིས་ཀྱི་བདག་པོ། ཁྱེད་ཀྱིས་དོན་དེ་ཀྱ་ནི་མི་མཁས་པ་དིང་བློ་ཤེས་རབ་ཆེན་པོ་འོད་ཡོད་ཀྱ་ལེ་སྦས་ཏེ། ཕྲུ་གུ་ཅོག་འདྲ་མི་འདི་ཀྱ་ལེ་བསྟན་གནང་པི་དེ་ལེ། ངས་ཁྱེད་ལེ་བསྟོད་པ་འབུལ་ལོ། ཨ་ཀྱེ། དེ་ནི་ཁྱེད་ཀྱི་ཐུགས་དགྱེས་པའི་ཆེད་དུ་ཡིན་དིག་ཟིན་གསུངས་པི་དིག 22ཡང་ཁོང་གིས་མི་དེ་ཀྱ་ལེ། ངའི་ཨ་ཀྱིའི་ཤེས་རབ་དིང་དབང་ཆ་ཡེ་རེ་ང་ལེ་གནང་འོད་ཕེན། བི་ས་སུ་ཡིན་མིན་དེ་ནི་ཨ་ཀྱིས་པ་རྐྱང་མ་གཏོགས་མི་སུ་ཞིག་གིས་ཟང་ཧ་མི་གོ་འོད་དི་མ་ཟད། ཨ་ཀྱི་སུ་ཡིན་མིན་དེ་ཟང་བི་ས་ཁོས་པ་རྐྱང་མ་གཏོགས་མི་སུ་ཞིག་གིས་ཟང་ཧ་མི་གོ་འོད་དིག ངས་སུ་ལེ་སྟོན་འདོད་འོད་ནི། མི་དེ་ཀྱ་ཀྱིས་མ་གཏོགས། ཨ་ཀྱི་སུ་ཡིན་དི་ཧ་མི་གོ་འོད་དིག་ཟིན་གསུངས་པི་དིག 23ཡང་ཡེ་ཤུས་སློབ་མ་ཀྱ་ཀྱི་ཕྱོགས་ལེ་ཞལ་འཁོར་ཏེ། ཁྱེད་ཀྱ་ཀྱིས་དོན་ཅི་མཐོང་པི་དེ་ལེ་ཁྱེད་ཀྱ་བདེ་བ་ཆེའོ་ཟིན་ཁོང་གིས་སློབ་མ་ཀྱ་ལེ་ཟུར་དུ་གསུངས་པི་དིག 24ང་ཁྱེད་ཀྱ་ལེ་ཟེར་རོ། སྔར་སྔ་མོའི་ལུང་སྟོན་པ་དིང་། རྒྱལ་པོ་མང་པོ་ཞིག་གིས་ཟང་། ཁྱེད་ཀྱ་ཀྱིས་ཅི་མཐོང་པི་དེ་ལེ། མཐོང་འདོད་འོད་ནའང་མ་མཐོང་པི་དིག ཁྱེད་ཀྱ་ཀྱིས་ཅི་ཐོས་པི་དེ་ལེ་ཟང་། ཐོས་འདོད་བྱས་ནའང་མ་ཐོས་པི་དིག་ཟིན་གསུངས་པི་དིག
སཱ་མར་ཡཱ་ལུང་པའི་མི་བཟང་པོ་ཞིག་གི་དཔེ་སྐོར།
25དེ་ནས་ཆོས་ཁྲིམས་མཁས་པ་འོད་ཡོད་མི་ཞིག་གིས་ཡེ་ཤུ་ལེ་ཉམས་ཚོད་ལེན་རྒྱུ་ཆེད་དུ། ཡར་ལངས་ཏེ་ཡེ་ཤུ་ལེ། སློབ་དཔོན། ང་ལེ་མཐའ་མེད་པའི་ཚེ་སྲོག་འཐོབ་རྒྱུ་ཆེད་དུ། ངས་ཅི་བགྱིད་དགོས་འོད་དི་གོ་ཟིན་ཞུས་ཕེན། 26ཁོང་གིས་མི་དེ་ལེ། ཆོས་ཁྲིམས་ནང་ལེ་ཅི་བྲིས་འདུག་གོ། ཁྱོད་ཀྱིས་ཅི་གི་བྱས་ཏེ་བསྒྲོགས་པི་ཡིན་དོ་ཟིན་དྲིས་ཏེ། 27མི་ཁོས་ཆོས་ཁྲིམས་ནང་ལེ། རང་གི་ཇོ་བོ་དཀོན་མཆོག་ལེ་ལུས་ངག་ཡིད་གསུམ་གྱིས་བྱམས་བརྩི་བཀུར་བགྱིད་དགོས་འོད་དིག ཁྱོད་ཀྱིས་རང་ལེ་གཅེས་པོ་བགྱིད་དི་ཅོག་འདྲ། རང་གི་ཁྱིམ་མཚེས་ལེ་ཟང་གཅེས་པོ་གྱིས་ཤིག་ཟིན་བྲིས་འདུག་ཟིན་ཞུས་པི་དིག 28ཡང་ཡེ་ཤུས་མི་ཁོ་ལེ། ཁྱོད་ཀྱིས་སྨྲས་པི་དེ་བདེན་པ་ཡིན་དིག འོ་དེ་ཅོག་འདྲ་བྱས་ནི། ཁྱོད་ལེ་མཐའ་མེད་པའི་ཚེ་སྲོག་དེ་འཐོབ་ཀྱི་དིག་ཟིན་གསུངས་པི་དིག 29ཡིན་ནའང་། མི་དེས་རང་གི་ལབ་ལེ་རྒྱུ་མཚན་འོད་དི་གསལ་པོར་སྟོན་འདོད་འོད་ཕེན། ཁོས་ཡེ་ཤུ་ལེ། འོ་ནེ། ངའི་ཁྱིམ་མཚེས་དེ་སུ་ཡིན་གོ་ཟིན་དྲིས་ཕེན། 30ཡེ་ཤུས་མི་ཁོ་ལེ། མི་ཞིག་ཡེ་རུ་ས་གླིང་རྒྱལ་ས་ནས་ཡེ་རུ་ཀོ་རྒྱལ་ས་ལེ་འགྲོ་རྒྱ། ཇག་པ་ཐུག་སྟེ་ཁོའི་གོས་ཕྲོགས་ཏེ་དམར་ཧྲང་བཟོས་པི་མ་ཟད། ཤི་མེད་རོ་མེད་ཤི་བརྡུངས་པི་རྗེས་ལེ་ཇག་པ་ཀྱ་བུད་དི་དིག 31དུས་དེ་རྒྱ་ཡ་ཧུ་དཱ་པའི་མཆོད་པ་འབུལ་མཁན་མི་ཞིག་ལམ་དེ་བརྒྱུད་ནས་འགྲོ་རྒྱ། ཁོས་རྨ་སྐྱོན་བཟོས་པའི་མི་དེ་མཐོང་ནའང་། མ་མཐོང་མདོག་མདོག་བྱས་ཏེ་བུད་དི་དིག 32ཡང་དེ་ཅོག་འདྲ། ལེ་ཝི་པའི་མི་ཞིག་ཟང་ལམ་དེའི་བརྒྱུད་ནས་འགྲོ་རྒྱ། ཁོས་ཟང་མི་དེ་མཐོང་ནའང་། ཁ་ཡ་མ་བྱས་ཏེ་བསྐོར་ཏེ་བུད་དི་དིག 33ཡིན་ནའང་། སཱ་མར་ཡཱའི་མི་ཞིག་ལམ་དེའི་བརྒྱུད་ནས་འགྲོ་རྒྱ། ཁོས་རྨ་སྐྱོན་བཟོས་པའི་མི་དེ་མཐོང་ལོང་མེད་སྙིང་རྗེ་སྐྱེས་ཏེ། 34མི་དེའི་འགྲམ་ལེ་ཕྱིན་ཏེ། རྨ་ལེ་སྣུམ་དིང་རྒུན་ཆང་བྱུགས་པི་རྗེས་ལེ་རས་ཞིག་གིས་བཏུམས་ཏེ། ཁོ་རང་བཞོན་སའི་བོང་གུ་དེའི་ལྟག་ག་ལེ་བསྐྱོན་ཏེ་མགྲོན་ཁང་ཞིག་ལེ་འཁྱེར་ཏེ་བྱམས་སྐྱོང་བྱས་པི་དིག 35དེའི་སྔ་དྲོ་ཁོས་དངུལ་གྱི་ཊང་ཀ་གཉིས་མགྲོན་ཁང་གི་བདག་པོ་ལེ་གཏད་དེ། མི་འདི་ལེ་ལྟ་རྟོགས་དགའ་མོ་བགྱིད་རོགས་གྱིས། གལ་སྲིད་དངུལ་འདི་མ་འདང་ནི། ང་རང་ཚུར་འོང་རྒྱ། ཁྱེད་ལེ་སྐྱིན་པ་འཇལ་གྱི་ཡིན་སྨྲས་པི་དིག 36ད་ཁྱོད་ཀྱི་བསམ་པ་ལེ་མི་གསུམ་པོ་དེ་ཀྱ་ནང་ནས་ཇག་པས་བརྡུངས་པའི་མི་དེའི་ཁྱིམ་མཚེས་དེ་སུ་ཡིན་གོ་ཟིན་དྲིས་ཏེ། 37ཆོས་ཁྲིམས་མཁས་པ་ཁོས། ཁོ་ལེ་སྙིང་རྗེ་བགྱིད་མཁན་མི་དེ་ཡིན་དིག་ཟིན་ཞུས་ཕེན། ཡེ་ཤུས་ཆོས་ཁྲིམས་པ་ཁོ་ལེ། ད་ཁྱོད་རང་རྒྱུགས། ཁྱོད་ཀྱིས་ཟང་འོ་དེ་ཅོག་འདྲ་གྱིས་ཤིག་ཟིན་གསུངས་པི་དིག
ཡེ་ཤུ་མར་ཐཱ་དིང་མིར་ཡམ་གྱི་ཁྱིམ་ལེ་ཕེབས་པ།
38ཡང་ཡེ་ཤུ་དིང་སློབ་མ་ཀྱ་ཡེ་རུ་ས་གླིང་རྒྱལ་སའི་ལམ་བརྒྱུད་ནས་ཕེབས་རྒྱ། གྲོང་གསེབ་ཞིག་ལེ་ཕེབས་གནང་པི་དིག གྲོང་གསེབ་དེའི་ནང་ལེ་སྡོད་མཁན་མིང་ལེ་མར་ཐཱ་ཟེར་མཁན་བུ་མའ་ཞིག་གིས་རང་གི་ཁྱིམ་ལེ་ཡེ་ཤུ་ཕེབས་བསུ་ཞུས་པི་དིག 39བུ་མའ་དེ་ལེ་སྤུན་མིར་ཡམ་ཟེར་མཁན་ནུ་མོ་གཅིག་ཟང་འོད་དིག མིར་ཡམ་མོ་རང་ནི་ཇོ་བོའི་དྲུང་དུ་འོངས་ཏེ། ཁོང་གིས་ཅི་གསུང་ལེ་ཉན་བསྡད་དི་དིག 40ཡིན་ནའང་། མར་ཐཱ་མོ་རང་ནི་ཞབས་ཕྱི་ཞུ་རྒྱུ་དོན་ལེ་བྲེལ་ལ་ཆེན་པོ་འོད་ཕེན། མོ་རང་ཇོ་བོའི་དྲུང་དུ་འོངས་ཏེ། སློབ་དཔོན། ངའི་ནུ་མོས་ང་པ་རྐྱང་ལེ་ལས་འདི་ཡེ་རེ་བགྱིད་དུ་འཇུག་གྱོ་འོད་དི་ཁྱེད་ཀྱིས་གཟིགས་མི་གནང་འདུག་གས། ཁྱེད་ཀྱིས་མོ་ལེ་ང་ལེ་རོགས་རམ་གྱིས་ཟིན་བཀའ་གསུངས་དང་ཟིན་ཞུས་ཕེན། 41ཇོ་བོས་མོ་ལེ། མར་ཐཱ། མར་ཐཱ། ཁྱོད་ཀྱི་སེམས་ལེ་དོན་མང་པོ་ཞིག་གི་ཆེད་དུ་སེམས་འཚབ་ཆེན་པོ་འོད་ཕེན་སེམས་ཁྲལ་སྐྱེས་པི་དིག 42ཡིན་ནའང་། ཁྱོད་ཀྱི་ནུ་མོ་མིར་ཡམ་གྱིས་དོན་བཟང་པོ་ཞིག་བདམས་པི་དིག མི་སུ་ཞིག་གིས་ཟང་མོ་ལེ་ཐོབ་པའི་དོན་བཟང་པོ་འདི་འཕྲོག་མི་ཆོག་འོད་དིག་ཟིན་གསུངས་པི་དིག །
Voafantina amin'izao fotoana izao:
ལུ་ཀཱ། 10: DLPO
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 Wycliffe Bible Translators, Inc. All rights reserved.