मती 1
1
यीसु री वंसावली
(लूका 3:23–38)
1अबराहम रै वंसज, दाऊद रै वंसज, यीसु मसीह री वंसावली इण तरैह ऊं है। 2अबराहम रौ बेटौ इसहाक, इसहाक रौ बेटौ याकूब, याकूब रौ बेटौ यहूदा अर उणरा दूजा भाई हा। 3यहूदा अर उणरी लुगाई तामार ऊं फिरिस व जोरह रौ जनम होया, फिरिस रौ बेटौ हिसतरोन, अर हिसतरोन रौ बेटौ एराम, 4एराम रौ बेटौ अम्मीनादाब, अर अम्मीनादाब रौ बेटौ नहसोन हो अर नहसोन रौ बेटौ सलमोन हो। 5सलमोन अर उणरी लुगाई राहाब ऊं बोअज रौ जनम होयौ। बोअज अर उणरी लुगाई रूत ऊं ओबेद रौ जनम होयौ। अर ओबेद रौ बेटौ यिसै हो, 6अर यिसै रौ बेटौ राजा दाऊद हो। अर दाऊद ऊं सुलैमान उण लुगाई ऊं जनमियौ जिकौ पैला उरिय्याह री लुगाई ही। 7सुलैमान रौ बेटौ रहबाम अर रहबाम रौ बेटौ अबिय्याह हो। अर अबिय्याह रौ बेटौ आसा हो। 8आसा रौ बेटौ यहोसाफात अर यहोसाफात रौ बेटौ योराम हो। अर योराम रौ बेटौ उज्जियाह हो। #1:8 कईक यूनानी हस्तलेखौ में लिख्योड़ौ है की योराम उज्जियाह रै दादे रौ दादो हो। पण मती पीढ़ी री बात करै है, इण वास्तै उठै उज्जियाह नै योराम रौ बेटौ बतायौ। 9उज्जियाह रौ बेटौ योताम हो अर योताम रौ बेटौ आहाज हो। अर आहाज रौ बेटौ हिजकिय्याह हो। 10हिजकिय्याह रौ बेटौ मनस्सिह हो अर मनस्सिह रौ बेटौ आमोन हो। अर आमोन रौ बेटौ योसिय्याह हो। 11इजरायल रै लोगां नै बन्दी बणा बेबिलोन ले जावते वेळा में योसिय्याह ऊं यकुन्याह अर उणरै भाइयो रौ जनम होयौ।#1:11 इबरानी हस्तलेखौ में यूं लिख्यौ गियौ है योसिय्याह यकुन्याह अर उणरै भाइयो रौ दादो हो।
12बेबिलोन पूगनै रै पछै यकुन्याह रौ बेटौ सालतिएल हो अर सालतिएल रौ बेटौ जरुब्बाबिल रौ जनम होयौ। 13जरुब्बाबिल रौ बेटौ अबीहूंद हो अर अबीहूंद रौ बेटौ इल्याकीम हो। अर इल्याकीम रौ बेटौ अजोर हो। 14अजोर रौ बेटौ सदोक हो अर सदोक रौ बेटौ अखीम हो। अर अखीम रौ बेटौ इलीहूंद रौ जनम होयौ। 15इलीहूंद रौ बेटौ इलियाजार हो अर इलियाजार रौ बेटौ मतान हो। अर मतान रौ बेटौ याकूब रौ जनम होयौ। 16याकूब रौ बेटौ यूसुफ हो, जिकौ मरियम रौ घरधणी हो, अर मरियम ऊं यीसु जिकौ मसीह केहलायो, पैदा होयौ।
17इण तरैह ऊं अबराहम ऊं दाऊद तांई चौदह पीढ़ियो होई, अर दाऊद ऊं बेबिलोन बन्दी होन पुगाया जावण तांई चौदह पीढ़ियो, अर बन्दी होन बेबिलोन पौछायों जावण रै वगत ऊं मसीह तांई चौदह पीढ़ियो होई।
यीसु रौ जनम
(लूका 2:1–7)
18 #
लूक 1:27
यीसु मसीह रौ जनम इण परकार ऊं होयौ, की जद उणरी मां मरियम री सगाई यूसुफ रै साथै होयुड़ी ही। पण जद वां कुंवारी इज वां पवितर आतमा री करपा ऊं जापायती होईगीं। 19उणरौ घरधणी यूसुफ धरमी हो वो उणनै बदनाम करणौ नीं चावतौ इण वास्तै छांनै ऊं उण ऊं छोड़नै रौ विचार करयौ। 20जद वो इण बातां नै सौच ही रियौ हो तो उण वैळा परभु रौ सरगदूत उणरै सपनै मे दरसण देन कैवण लागौ, “हे यूसुफ! दाऊद री औळाद, थूं मरियम नै ब्याव करनै घरै लावण ऊं मत डर। क्यूंकै उणरै पेट में है, वो पवितर आतमा री करपा ऊं है। 21#लूक 1:31वां एक बेटा नै जनम देवेला अर उणरौ नाम यीसु राखजौ। क्यूंकै वो आपरै लोगां रा उणौरै पापों ऊं उद्धार करैला।”
22ऐ सैंग बातां इण वास्तै होई की जिकौ वचन परभु भविसयदाता रै तरफ ऊं कयौ गयो हो, वो पूरौ होवै।
23“देखौ, एक कुंवारी जापायती होवैला अर एक बेटे नै जनम देवेला,
अर उण रौ नाम इम्मानुएल राखियौ जावैला।”
जिण रौ मतलब “परमेसर म्हौरै साथै।”
24जद यूसुफ ऊंग ऊं जागन परमेसर रै दूत री आग्या मानन ब्याव करनै अपणी लुगाई नै अपणै घरै लेन आयौ। 25#लूक 2:21अर जठै तांई वां बेटौ कोनीं जनमी वठै तांई वो उणरै खनै कोनीं सूतौ। अर वो उणरौ नाम यीसु राख्यौ।
Voafantina amin'izao fotoana izao:
मती 1: RWR
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© NLCI CC BY-NC-ND 4.0