संत.जोहन 2
2
काना सहर रे ईसु आला पहिला छकरित काम
1तीसरा हिला गलील रेनअः काना सहर रे बिहा ताही नेना, तेकर ईसु आली आयाते होः होनाःड़े ताही नेनाय। 2ईसु आउर हुनी आलकु चेलाते होः होना बिहा रे नेवताव थिनाकु। 3जब अंगुर रअः रस घटाव ना, दो ईसु आली आयाते हुनी के बेता लियाय “हुंकू दुबाःड़े अंगुर रस घटाव ना।” 4ईसु कंहड़ी रूवाड़ोअ लियाय “हे आउराईत आम तरअः ईङ के एतान काम? नहाअः जगुत ईङ आला बेरा का हीःग ताना।” 5हुनी आली आयाते धाँगड़कु के बेता लिकुआय “जे लकान आपे के कंहड़ीयाय, हेंकानेपे।” 6होनाःड़े जाहुदीकु आला नेग-दसतुर मोताबिक सुधोअ लःअय, टुकू रेनअः छाव गोड़ घाईला दोहो लअः ताही नेना। जेकर रे ब-बार पे-पे भार सहाबोअ केना। 7ईसु से-सेवाकु के बेता लिकुआय “जामा घाईला रे दाअः पेरे:ग गोअ तापे” से-सेवाकु होना के छाक-छाक पेरे:ग केदाकु। 8फिन ईसु हुंकू के बेता लिकुआय, “नहाअः दो उडुंग केते कोटवार दुबाःड़े इदीपे” तेकर हुंकू हेंकान लअकु। 9जब हुनी कोटवार होना के चखाव लःअय, जे अंगुर रस बनाव ताहिना आउर हुनी ओका तरअः हीःग ताना सेके काय पाड़ी केना, बकिर जे से-सेवाकु दाअः उडुंग थिलाअकु हुंकू पाड़ी केनाकु, हिना लःअय कोटवार बार-बाबु के राअः केते हुनी के बेता लियाय 10“जामा होड़ पहिल रे बढ़ियाँ अंगुर रस एमेआकु तेकर जब होड़ नु केते उमठाव जुनोआकु हिमीन रे सोड़-सोड़ो एमेआकु, बकिर आम दो बढ़ियाँ अंगुर रस नहाअः जगुत दोहो तदाम।”
11ईसु अपन नोःआँ पहिला चिनहा-छकरीत काम गलील रअः काना सहर रे उदूः केते, अपन महिमा दिसतार लःअय तेकर हुनी आलकु चेला हुनी रे बिसवास लअकु।
12 #
सं.मत्ती 4:13
नोःआँ तयोम ईसु आली आयाते, तेकर बोकोते-तिकु आउर अपन चेलातय लोः कफरनहुम सेन नेनाकु, तेकर थोड़ेक दिन होनाःड़े ताही नेनाकु।
ईसु बड़े विनती ओड़ाअ रे
(संत.मत्ती 21:12,13; संत.मरकुस 11:15–17; संत.लुकास 19:45,46)
13 #
उइठ 12:1–27
जाहुदीकु आला पासका परब सोदोरोअ बेरा ईसु परब मनाव जिरोसलेम सेन नेनाय। 14हुनी बड़े बिनती ओड़ाअ रे उरीःग, भेंड़ा तेकर पेरवाँ#2:14 उरीःग, भेंड़ा तेकर पेरवाँ नुकू जनवरकु के किरिंग केते पुजा रकाःब कु केनाकु। आअखरीङकु के आउर ढिबुवा कारबार कु के चौकी रे दुड़ूः उनकु नेल लिकुआय। 15हुनी बायोर रेनअः कोड़रा बनाव केते, जामा भेंड़ा तेकर उरीःग संहित जामा के बड़े बिनती ओड़ाअ तरअः बाहरी उडुंग किदकुआय, तेकर ढिबुवा कारबार कु आला ढिबुवा के छितराव केदाय, आउर हुंकू आला टिबुल के उलटाव केदाय, 16तेकर पेरवाँ आअखरीङकु के बेता लिकुआय, “नुकू के नोआँड़े तरअः इदी कुपे! बाबा तिंग आला ओड़ाअ के कारबार ओड़ाअ आलपे बनाय।”
17 #
सिरिंग 69:9
हुनी आलकु चेला के धरम पुथी रे नोःआँ लिखा लअः उईहार हीःग नेना “आम आला ओड़ाअ रेनअः जुरजुट ईङ के जोम किङाय।”
18हिना लःअय जाहुदीकु ईसु के बेता लियाकु “आम आले के एतान चिनहा-छकरीत काम देखाव दड़ीआम, जेकर से आले नोःआँ पाड़ी सकायाले ची आम के नो-नोकान लःअय हाक एदनाआ।” 19#सं.मत्ती 26:61; 27:40; सं.मर 14:58; 15:29ईसु हुंकू के कंहड़ी रूवाड़ोअ लिकुआय “नोःआँ बड़े बिनती ओड़ाअ के धसायपे तेकर ईङ नोःआँ के पे रोज भीतर रे तिंगुयिङ।” 20जाहुदीकु बेता लियाकु “नोःआँ बड़े बिनती ओड़ाअ के बा-बनाव रे छियालिस बरीस लगाव ताना”, तेकर “आम नोःआँ के पे रोज भीतीर रे तिंगु केआम?”
21बकिर ईसु दो अपन होड़ो रअः बारे कंहड़ी थिलाआय, बड़े बिनती ओड़ाअ रअः बारे काय कंहड़ी केना। 22जब हुनी मुरदा तरअः जिवीःड बिरिःड नाय, दो हुनी आलकु चेलाकु के उईहार हीःग नेना, ची हुनी नोःआँ कंहड़ी ताही लःअय हिना लःअय हुंकू धरम पुथी तेकर ईसु आला नोःआँ कंहड़ी रे बिसवास लअकु।
ईसु होड़कु आला मन के पड़ीआय
23जब ईसु पासका परब दिन बेरा जिरोसलेम रे ताही नेनाय, दो ढेर होड़कु हुनी आला चिनहा-छकरीत काम नेल केते हुनी आला नुमू रे बिसवास लअकु। 24बकिर ईसु के हुंकू तेंग रे मियांड-मिन बिसवास का ताही नेना, एता लःअय ची हुनी जामाकु के पाड़ी केनाय। 25जाहें हुनी के मनवा रेनअः बारे गोवाही एमेकु नोःआँ रेनअः दरकार का ताही नेना! हुनी दो खुदे मनवा आला विचार के पाड़ी केनाय।
Voafantina amin'izao fotoana izao:
संत.जोहन 2: ASR
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI CC BY-NC-ND 4.0