संत.मत्ती 1
1
ईसु आला बंसवाईर
(संत.लुकास 3:23–38)
1+ईसु ख्रीस्त आली पुरखा दाऊद आउर दाऊद आली पुरखा अब्राहम थिनाय। आउर ईसु ख्रीस्त आलकु पुरखाकु आला नुमू नोकान एदनाआ।
2अब्राहम आली होपोन इसाहक, इसाहक आली होपोन याकुब, याकुब आली होपोन जहुदा आउर हुनी आली बोको जनमाव नेनाय।
3जहुदा आलकिन होपोन फिरिस आउर जोराह, हुंकिन आली एंगा थमार थिनाय, फिरिस आली होपोन हेस्रोन, हेस्रोन आली होपोन अराम जनमाव नेनाय। 4आउर अराम आली होपोन अम्मीनादाब, अम्मीनादाब आली होपोन नहसोन, नहसोन आली होपोन सलमोन जनमाव नेनाय, 5आउर सलमोन आउर गोमकाईन ते रहाब आली होपोन बोअज, बोअज आउर रूथ आली होपोन ओबेद, ओबेद आली होपोन यिसै जनमाव नेनाय।
6 #
2 राजा 24:14,15; 2 इति 36:10; जिर 27:20 आउर यिसै आली होपोन दाऊद राजा जनमाव नेनाय,
दाऊद आली होपोन सुलेमान जनमाव नेनाय, सुलेमान आली एंगा जे पहिल रे उरिय्याह आली लाईं ताहिनाय। 7आउर सुलेमान आली होपोन रहबाम, रहबाम आली होपोन अबियाह, अबियाह आली होपोन आसफ, 8आसफ आली होपोन योसफात, योसफात आली होपोन योराम, योराम आली होपोन ओजियस जनमाव नेनाय, 9ओजियस आली होपोन योअथाम, योअथाम आली होपोन आहाज, आहाज आली होपोन हिजकीयस जनमाव नेनाय। 10हिजकीयस आली होपोन मनस्सेस, मनस्सेस आली होपोन आमोस, आमोस आली होपोन योसियस जनमाव नेनाय।
11आउर जाहुदीकु के तोल केते, बेबीलोन सेनोः बेरा रे योसियस आली होपोन यकुन्याह, आउर हुनी आली बोकोते तिकिन जनमाव नेनाकिन।
12जेहेल केते बेबीलोन सोदोरोः तरअः तयोम, यकुन्याह आली होपोन सालतिएल, आउर सालतिएल आली होपोन जरूब्बाबिल जनमाव नेनाय। 13आउर जरूब्बाबिल आली होपोन अबीहुद, अबीहुद आली होपोन इल्याकिम, इल्याकिम आली होपोन आजोर जनमाव नेनाय। 14आउर आजोर आली होपोन सादोक, सादोक आली होपोन आखिम, आखिम आली होपोन एलियुद जनमाव नेनाय। 15एलियुद आली होपोन एलियाजार, एलियाजार आली होपोन मत्थान, मत्थान आली होपोन याकुब जनमाव नेनाय। 16याकुब आली होपोन जोसेफ जनमाव नेनाय, जे मरियम आली हेरेल थिनाय। आउर मरियम तरअः ईसु जनमाव नेनाय, जेके होड़ ख्रीस्त मेन गेआकु।
17नोःआँ लकान अब्राहम तरअः दाऊद जगुत जामा चौदा पीढ़ी हुयाव नेना। आउर दाऊद तरअः बेबीलोन रअः जेहेल सो-सोदोर जगुत चौदा पीढ़ी, आउर जेहेल रे बेबीलोन के सो-सोदोर बेरा जगुत तरअः लेई केते ख्रीस्त जगुत चौदा पीढ़ी हुयाव नेना।
ईसु ख्रीस्त आला जनम
(संत.लुकास 2:1–7)
18 #
सं.लुका 1:27
ईसु ख्रीस्त आला जनम नोःआँ लकान हुयाव नेना, हुनी आली एंगाते मरियम के, जोसेफ लःअय जोम नु थिलाअकु, बकिर नोकान हुयाव नेना, ची हुनी साँघे ताहिनोः तरअः पहिल रेगी मरियम पबितर आतमा रअः सकती तरअः भारी होड़ो रेअ नाय। 19हुनी आली होड़ते जोसेफ धरमी ताहिनाय, आउर मरियम के ब-बदनाम काय नाम केना। हिना लःअय हुनी के सिड़िःग-सिड़िःग ब-बाई नाम केनाय। 20जब हुनी नोःआँ बात रेनअः सोंच रे ताहिनाय, दो परभु आली सिरमादूत हुनी के सपना रे दिसतार केते कंहड़ी लःअय, “ए जोसेफ, राजा दाऊद आली बंसवाईर, आम आली गोमकाईन ताम मरियम के अपन दुबाःड़े आ-आगु तरअः आलुम बोर, एता लःअय ची हुनी आला होड़ो रेआ, होना पबितर आतमा पखी तरअः एदनाआ 21#सं.लुका 1:31हुनी कोड़ा चेंगा जनमाव कियाय आउर आम हुनी आला नुमू ईसु दोहोयमे, एता लःअय ची हुनी अपन होड़कु के हुंकू आला पाप तरअः बंचाव किकुआय।”
22नोःआँ जामा निआँ लःअय हुयाव नेना, ची आगमजानीकु आला आहा तरअः परभु जे कंहड़ी ताही लःअय, होना बचन पुरा योअ। 23#जसा 7:14“नेलेपे, मियांड डिंड़ा कुड़ी भारी होड़ो कोआय, आउर कोड़ा चेंगा जनमाव कियाय। आउर हुनी आला नुमू एम्मानुएल दोहो केआकु।” जेकर माने हेके, “परमेसर आबु लोः एदानिया।”
24जोसेफ निन्द तरअः बिरिःड केते, परभु आली दूत आला हुकूम रअः मोताबिक आएंग आली गोमकाईन ताय के आएंग दुबाःड़े आगु लियाय। 25#सं.लुका 2:21बकिर जब तक हुनी कोड़ा चेंगा के काय जनमाव लिया, तब तक हुनी, हुनी लोः काय गितीःग नेना। आउर जोसेफ हुनी आला नुमू ईसु दोहो लःअय।
Voafantina amin'izao fotoana izao:
संत.मत्ती 1: ASR
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 NLCI CC BY-NC-ND 4.0