1Samoela 10
10
1Nalain’i Samoela ny tavoara nisy diloilo#10,1 Ny tavoara nisy diloilo: Tahaka ny nanosorana diloilo masina ny mpisorona sy ny mpaminany no nanosorana ny mpanjaka. Fa izy koa dia mba voatokana hitondra ny vahoaka, ka solontenan’Andriamanitra ihany izy amin’izany raharaha izany. Indrindra fa ao amin’ny Hebrio, izay vahoakan’Andriamanitra manokana mihitsy; ary ny mpanjakany dia nofidin’Andriamanitra. Ny mpanjaka Kristianina koa dia maro no nandray tamin’ny Eveka na tamin’ny Papa izany fanosorana amin’ny diloilo voahasina izany., naidiny tamin’ny lohan’i Saola, dia norohany izy, sady nataony hoe: «Moa tsy nohosoran’i Iaveh ho mpanapaka amin’ny lovany va ianao? 2Rehefa tafasaraka amiko ianao anio, dia hahita olona roa lahy, eo akaikin’ny fasan-dRasela amin’ny faritanin’i Benjamina, any Selsaky, hilaza aminao hoe: Ny ampondra notadiavinao efa hita ka tsy heverin-drainao intsony ny momba ny ampondravavy fa ny aminareo indray no ahiny sy ataony hoe: Inona no tsy maintsy hataoko ny amin’ity zanako ity? 3Avy eo ianao, dia hanohy ny dianao, ary ho tonga eo amin’ny aokan’i Tabôra, ka hotsenain’olona telo lahy miakatra ho any amin’Andriamanitra any Betela: ny iray mitondra zanak’osy telo, ny iray mitondra mofo telo, ny iray mitondra divay iray siny hoditra; 4rehefa avy miarahaba anao izy ireo, dia hanome anao mofo roa, ka horaisinao avy amin’ny tanany izany. 5Manaraka izany ho tonga ao Gabaàn’Andriamanitra#10,5 Gabaàn’Andriamanitra: Ny nanomezana azy izany anarana izany dia satria nisy ôtely nanaovan’ny olona fombam-pivavahana sy nanolorany sorona, sady tao koa no nivorian’ny mpaminany. ianao, izay misy miaramila Filistinina mpiambina. Rehefa miditra ao an-tanàna, hifanena amin’ny mpaminany#10,5 Mpaminany: Izany teny izany dia enti-milaza ny olona miteny sy mihira araka ny fanilovan’ny Fanahy Masina azy (jereo Fanis 11,25). maro, andiany iray, midina avy any amin’ny fitoerana avo, ialohan’ny lokanga, ampongatapaka, sodina, valiha, sady maminany. 6Hilatsaka aminao ny Fanahin’i Iaveh dia hiara-maminany amin’ireo ianao#10,6 Hiara-maminany amin’ireo ianao: Izany hoe: Hiaraka hanao hira masina amin’ireo ianao, ka hotsindrian’ny Fanahin’Andriamanitra tahaka azy koa., ka ho voaova ho olom-baovao#10,6 Voaova ho olom-baovao: Na hoe ny Fanahy Masina hanome anao hevitra sy fahalalan’ny mpanjaka, ary hahatonga anao ho mahay mitondra an’i Israely.. 7Rehefa tanteraka ho anao ireo famantarana ireo, dia ataovy araka izay sendra eo anoloanao#10,7 Ataovy izay sendra anao: Na inona na inona hitanao fa tsy maintsy ataonao amin’izay, dia aza misalasala, fa ataovy amin’ny fo matoky tsara. fa momba anao Andriamanitra. 8Ary midìna alohako any Galgalà, ary indro fa hidina aho hanatona anao, mba hanatitra sorona dorana sy fanati-panorenana. Dia miandrasa hafitoana mandra-pahatongako any aminao, dia holazaiko aminao izay tokony hataonao.»
Ny niverenan’i Saola
9Vao nihodina nisaraka tamin’i Samoela i Saola, dia nomen’Andriamanitra fo vaovao; ary tanteraka androtr’izay ihany ireo famantarana rehetra ireo. 10Nony tonga tany Gabaà, indreto ny mpaminany maro, andiany iray, nifanena taminy, dia nilatsaka taminy ny Fanahin’Andriamanitra ka naminany teo afovoan’ireo izy. 11Nony hitan’izay rehetra nahalala azy taloha fa niara-naminany tamin’ireo mpaminany koa izy, dia nifampilaza ireo olon-drehetra ireo hoe: «Fa naninona ity zanak’i Kisy? Mba isan’ny mpaminany koa va i Saola?» 12Niteny ny iray teo amin’ny vahoaka ka nanao hoe: «Ary iza moa no rain’izy ireo?» Izany no nahatonga ilay fitenenana manao hoe: «Mba isan’ny mpaminany koa va i Saola?» 13Nony efa nitsahatra tsy naminany izy, dia nankeo amin’ny fitoerana avo.
14Ary hoy ny rahalahin-drain’i Saola taminy sy tamin’ity mpanompony: «Nankaiza ianareo?» Dia hoy ny navalin’i Saola: «Nitady ny ampondra izahay, fa nony tsy nahita azy hatraiza hatraiza dia nankany amin’i Samoela.» 15Ary hoy ny rahalahin-drain’i Saola: «Tantarao amiko izay nambaran’i Samoela taminareo.» 16Dia hoy i Saola tamin’ity rahalahin-drainy: «Nambarany taminay fa efa hita ny ampondra.» Fa tsy nolazainy taminy ny momba ny fanjakana nambaran’i Samoela azy.
Voatendry ho mpanjaka i Saola
17Novorin’i Samoela ho eo anatrehan’i Iaveh any Masfà ny vahoaka, 18dia hoy izy tamin’ny zanak’i Israely: «Izao no lazain’i Iaveh Andriamanitr’i Israely: Izaho no nampiakatra an’i Israely avy any Ejipta; Izaho no nanafaka anareo tamin’ny tanan’ny Ejiptianina, sy tamin’ny tanan’ireo fanjakana nampahory anareo. 19Fa ianareo kosa izao manary ny Andriamanitrareo#10,19 Ianareo kosa izao manary ny Andriamanitrareo: Ny antony nitenenan’i Samoela an’izany, dia satria nangataka hanangana mpanjaka hita maso, toy ny mpanompo sampy izy ireo, mba hisolo an’Andriamanitra tsy hita maso (jereo 7.6)., izay nanafaka anareo tamin’ny loza amam-pijalianareo rehetra, ary milaza aminy hoe: Manangàna mpanjaka aminay! Koa ankehitriny misehoa ianareo isam-poko sy isam-pianakaviana, eo anatrehan’i Iaveh.»
20Dia nasain’i Samoela nanatona ny fokon’i Israely rehetra, ka ny fokon’i Benjamina no voafidy. 21Nampanatoniny isam-pianakaviana indray ny fokon’i Benjamina, ka ny fianakavian’i Metry no voafidy, ary i Saola zanak’i Kisy no voatendry. Dia notadiavina izy nefa tsy hita. 22Amin’izany dia nanontany an’i Iaveh indray ny olona hoe: «Moa mbola misy olona tonga eto va?» Hoy ny navalin’i Iaveh: «Indro izy miery eo amin’ny entana#10,22 Indro izy miery ao amin’ny entana. Niara-nitoby ny vahoaka tamin’izay, ary ny entana dia natokan-toerana ny nametrahana azy voahodidin’ny sarety, ka tao anatin’izany no nieren’i Saola..» 23Dia nihazakazaka naka azy tao ny olona, ary nitsangana teo afovoan’ny vahoaka izy, dia nanan-tombo noho ny olona rehetra hatramin’ny sorony no ho miakatra. 24Ary hoy i Samoela tamin’ny vahoaka rehetra: «Hitanareo va ilay voafidin’i Iaveh, fa tsy misy toa azy eo amin’ny vahoaka rehetra!» Dia nihoby ny vahoaka rehetra, ka nanao hoe: «Ho ela velona anie ny mpanjaka!» 25Tamin’izay nasehon’i Samoela ny vahoaka ny fahefana#10,25 Ny fahefana na lalàna. Ny lazaina amin’izany dia ny lalàm-panjakana mandamina ny adidy sy ny andraikitry ny mpanjaka momba an’Andriamanitra sy ny vahoaka. Jereo ny lahateny farany fanaovam-beloma nataon’i Samoela ao amin’ny toko 12,1-17; fa nataony niankina sy voafetry ny lalàn’i Môizy sy ny teny ambaran’i Iaveh amin’ny mpaminany ny fahefan’ny mpanjaka. hampiasain’ny fanjakana, sady nosoratany tamin’ny boky#10,25 Nosoratany tamin’ny boky: Tsy maintsy efa very izany boky izany, fa tsy hita sy tsy fantatra akory intsony., izay napetrany teo anatrehan’i Iaveh#10,25 Teo anatrehan’i Iaveh: Ao anatin’ny tabernakla, na ao akaikin’ny Fiara.. Izay vao nampodiny ny vahoaka, samy ho any an-tranony avy. 26I Saola koa nandeha nody ho any an-tranony, any Gabaà, notronin’olona mahery fo, izay nohetsehin’i Iaveh ny fony. Fa ny olon’i Beliala kosa dia nanao hoe: «Dia iny ve no hamonjy antsika?» sady naneso azy izy no nitondra fanatitra ho azy, nefa tsy nasian’i Saola raharaha akory izany.
Voafantina amin'izao fotoana izao:
1Samoela 10: MBC
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.