2Samoela 8
8
Ireo ady nataon’i Davida
(Jereo 1Tan 18,1-13)
1Taorian’izany dia nandresy ny Filistinina i Davida ka nampietry azy ireo, sy nanesotra ny fitondrana ny renivohitr’izy ireo teo an-tanany.#8,1 Jereo 1Tan 18.1-17.
2Nandresy ny Moabita koa izy, ary nampandriny tamin’ny tany ireo, dia norefesiny tamin’ny kofehy#8,2 Norefesiny tamin’ny kofehy sns. Araka ny satan’ny tany rehetra tamin’izay, azon’ny mpandresy vonoina ny olon-drehetra ao amin’ny tany resy. Ny antsasany ihany no novonoin’i Davida: norefesiny tamin’ny kofehy, ka ny eran’ny kofehy novonoiny, ny eran’ny kofehy novelominy., ka nandrefy indroan’ny kofehy izy, novonoiny ny eran’ny kofehy, novelominy ny eran’ny kofehy. Dia tonga mpanompon’i Davida ny Moabita, ka nanatitra hetra ho azy.
3Teny an-dalana, fony izy ndeha hampody ny fanjakany eo amoron’ny ony Eofrata, dia resin’i Davida koa i Hadadezera#8,3 Hadadezera: Ny hevitry ny anarana dia izao: Izay mahita vonjy ao amin’i Hadada, sampi-masoandro nohajain’ny Sirianina fatratra. Hadadezera koa no fanoratana azy. zana-dRohoba, mpanjakan’i Sobà. 4Ary miaramila an-tsoavaly 1.700#8,4 1 700: Ry zareo mpandika ny Baiboly amin’izao andro izao dia milaza hoe: Kalesy arivo ary mpitaingin-tsoavaly fito arivo., miaramila an-tongotra roa alina, no nosamborin’i Davida taminy; ny soavalin-kalesy notraingoin’i Davida avokoa, fa ny mpitarika kalesy zato sisa no notanany. 5Tonga namonjy an’i Hadadezera mpanjakan’i Sobà koa ny Sirianina avy any Damasa, ka noresen’i Davida ny roa alina tamin’ny Sirianina. 6Nametrahan’i Davida miaramila mponina i Sirian’i Damasa, ka tonga mpanompon’i Davida nanatitra hetra ny Sirianina. Nomen’i Iaveh an’i Davida ny fandresena, tany amin’izay rehetra nalehany. 7Nalain’i Davida ny ampinga volamena tao amin’ny mpanompon’i Hadadezera ka nentiny nankany Jerosalema; 8varahina be dia be koa no azon’i Davida mpanjaka, tao Bete sy i Berôta, tanànan’i Hadadezera.
9Nony ren’i Taohò mpanjakan’i Hamata, fa hoe resin’i Davida avokoa ny miaramilan’i Hadadezera, 10dia nirahin’i Taohò ho any amin’i Davida mpanjaka, i Jôrama zanany, hamangy sy hiarahaba azy, noho ny niadiany sy nandreseny an’i Hadadezera, fa niady lava tamin’i Hadadezera i Taohò. Kapoaka volamena sy kapoaka volafotsy ary kapoaka varahina no teo an-tanan’i Jôrama. 11Natokan’i Davida mpanjaka ho an’i Iaveh koa izany, toraky ny nanokanany ny volafotsy sy volamena azony tamin’ny firenena rehetra nohitsahin’ny tongony, 12dia i Siria#8,12 I Siria, dia tany any Azia andrefana; ny Hebrio dia manao izany tany izany hoe: Arama. I Edôma angamba no tondroina eto (jereo 1Tan 17,11)., i Moaba, ny taranak’i Amôna, ny Filistinina, i Amaleka; ary ny avy tamin’ny babo azony tamin’i Hadadezera zanak’i Rohoba, mpanjakan’i Sobà.
13Nahazo laza i Davida fony izy niverina avy nandresy ny Sirianina#8,13 Sirianina. Toa ny Edômita angaha no voatondro amin’ny anarana hoe Sirianina eto. 18.000, teo amin’ny Lohasahan-tSira. 14Nametrahany miaramila mponina tao Edôma, nametrahany miaramila avokoa i Edôma tontolo, ka dia mpanompon’i Davida avokoa i Edôma rehetra. Nomen’i Iaveh an’i Davida ny fandresena, tany amin’izay rehetra nalehany.
Fitondrana ny fanjakana
(Jereo 1Tan 18,14-17)
15Nanjaka tamin’i Israely rehetra i Davida, ary nitondra ny vahoakany rehetra araka ny rariny sy ny fahamarinana. 16I Jôaba, zanak’i Sarvià, no nifehy ny miaramila; i Jôsafata zanak’i Ahiloda, no mpitahiry ny bokim-panjakana; 17I Sadôka zanak’i Akitoba sy i Akimeleka, zanak’i Abiatara#8,17 Akimeleka zanak’i Abiatara: Raha araka ny hita amin’ny teny hafa dia tokony atao hoe: Abiatara zanak’i Akimeleka (jereo 1Sam 15,24,25; 17,15)., no mpisorona; i Saraiasa no mpanoratra; 18i Baniasa zanak’i Jôiadà, no lehiben’ny#8,18 Lehibe, izany hoe mpanolo-tsaina na mpifehy. Keretianina sy ny Feletianina; ary ny zanak’i Davida no mpanolo-tsaina manolotra azy indrindra.
Voafantina amin'izao fotoana izao:
2Samoela 8: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.