Amôsy 8
8
Fahitana fahefatra: Ny Voankazo masaka iray harona
1Izao no nasehon’ny Tompo Iaveh#8,1-3 Izao no nasehon’ny Tompo. Ity fahitana fahefatra ity, dia tohin’ireo voalaza teo aloha; izay manambara fa efa antomotra ny loza hihatra amin’ny Hebrio. tamiko:
dia indreto voankazo masaka iray sobiky.
2Ary hoy izy: «Inona no hitanao, ry Amôsy?»
Dia hoy ny navaliko: «Voankazo masaka#8,2 Voankazo masaka. Ny dikan’izany amin’ny teny hebrio dia hoe qaits, izay mitovy amin’ny hoe, qets farany. Koa teny atsipin’ny manam-panahy, no nataon’i Amôsy, ka voarain’ireo Israelita tsara, fa masaka ny voankazo izany hoe efa lany haika amin’ny fananarana i Iaveh kanefa tsy nety niova izy ireo; koa dia tonga ny farany. iray sobiky.»
Ka hoy i Iaveh tamiko: «Tonga ny farany
ho an’i Israely vahoakako:
Tsy hamela azy intsony Aho, izao sisa izao.
3Amin’izany andro izany, ny hira ao an-dapa#8,3 Ao an-dapa: Trano naorina tao Betela ho voninahitry ny zanak’omby volamena.
ho zary finaonaonana
- teny marin’ny Tompo Iaveh. -
Ny faty ho betsaka,
ary hazera hatraiza hatraiza amim-panginana ireny.»
Ireo mpanambaka sy mpifetsy
(Jereo Am 2,6-8; 4,1)
4Mihainoa izao ianareo mihinana ny mahantra,
sy mitady hamongotra ny mavomavo amin’ny tany,
5manao hoe:
Rahoviana no ho tapitra ny voaloham-bolana#8,5 Voaloham-bolana na andro voalohan’ny volana: Dia fetim-pivavahana izay nohajaina sahala amin’ny sabata, ka fady ny mivarotra na mividy amin’izany andro izany (Fanis 28,11; Neh 10,32). Ka ny heviny eto dia hoe, malakia lasa ireo andro fety ireo, hilibana amin’ny fivarotana sy fividianana.;
mba hahazoantsika mivarotra vary;
ary ny sabata#8,5 Ny sabata. Ny hevitr’io teny io eto sy amin’ny teny hafa, dia angamba manambara tonon-taona sabata izay tsy ahazoana miasa tany na mamboly na inona na inona. mba hamohantsika ny tranom-bary,
ka ny efaha hohakelezina, ny sikla hampitomboina#8,5 Ny efaha hohakelezina, ny sikla hampitomboina: Izany hoe ny vata famaram-bary hamidy hohakelezina, ny vato-mizàna fandanjàna ny vola vidiny hampitomboina. Voararan’ny lalàn’i Môizy anefa izany (Deter 25,13-14); sady fahavetavetana eo imason’ny Tompo (Ohab 20,10-25).;
ny mizàna, hatao mandainga, hamitahana.
6Dia hovidintsika vola ny fadiranovana,
ary ny mahantra, noho ny amin’ny kapa iray lomisy,
sady hivarotantsika ny vary loha-kororòka?
7Efa nianiana tamin’ny reharehan’i Jakôba i Iaveh:
Raha hohadinoiko#8,7 Raha hohadinoiko, na hoe tsy hohadinoiko. Fomba fianianana fanaon’ny Hebrio izany (Sal 94,14) izay mitovy amin’ilay fiteny malagasy hoe: Tsy hadinoko mandra-pahafatiko izany. mandra-piavin’ny farany,
izay rehetra nataon’izy ireo.
8Noho izany, tsy hihorohoro va ny tany,
ary tsy hisaona va ny mponina rehetra eo aminy?
Hisondrotra tahaka an’i Nila#8,8 Hisondrotra tahaka an’i Nila. Raha tondraka ny reniranon’i Nila any Ejipta dia tafasondrotra be dia be; avy eo dia mietry indray; toy izany, hoy i Iaveh, no hahazoan’ny tany manontolo hisondrotra sy hietry, ka farany ho rava. ny tany manontolo,
hisondrotra sy hietry tahaka an’i Nilan’i Ejipta izy.
Fanambaràna famaizana mahagaga: Haizina sy fisaonana
9Amin’izany andro izany, izao no hitranga,
- teny marin’ny Tompo Iaveh. -
Ny masoandro halentiko mitatao vovonana#8,9 Ny masoandro halentiko mitatao vovonana. Ny ankamaroan’ny Rain’ny Eglizy milaza fa izany haizina antoandro izany, dia tonga tamin’ny zoma masina.;
ary ny tany hosaronako haizina amin’ny andro tony tsara.
10Ny fetinareo hampodiko ho fisaonana;
ny hira fifalianareo, ho fitomaniana;
ny andilana rehetra#8,10 Ny andilana rehetra: Hampanjariko hitafy lasàka ianareo sy hanaratra ny volon-dohanareo; ka ny hevitr’izany dia hoe, hisaona ianareo, satria ny fomba toy ireo no fanao raha misaona. hosikinako lasàka,
ny loha rehetra hataoko sola;
ny tany hataoko hoatra ny misaona zanaka lahy tokana;
ary ny farany, ho tahaka ny andro mangidy.
Hetaheta ny Tenin’Andriamanitra
11Indro tamy ny andro,
- teny marin’ny Tompo Iaveh, -
hanirahako hanoanana#8,11 Hanirahako hanoanana: Izany hoe, faniriana mafy sy alahelo mangidy sahala amin’ny hanoanana, satria amin’izany andro izany, dia halàn’Andriamanitra ny mpaminaniny; ary tsy hiteny intsony amin’izy ireo, amin’ny vavan’ny mpaminany Andriamanitra (ampitahao Fit 2,9; Ezek 7,26; Mik 3,7). amin’ny tany;
tsy mba hanoanana momba ny mofo,
na hetaheta momba ny rano,
fa ny faniriana te-handre ny tenin’i Iaveh.
12Dia hirenireny hatrany amin’ny ranomasina,
ka hatrany amin’ny ranomasina izy ireo,
hatrany amin’ny avaratra, ka hatrany amin’ny atsinanana;
hivezivezy atsỳ arỳ, hitady ny tenin’i Iaveh,
nefa tsy hahita izany izy ireo.
Fanambaràna famaizana indray
13Amin’izany andro izany, dia ho reraka ny virjiny tsara tarehy,
mbamin’ny tovolahy, azon’ny hetaheta.
14Ry zareo, mianiana amin’ny fahotan’i Samaria#8,14 Fahotan’i Samaria: milaza ny zanak’omby volamena nohajaina tao Betela (1Mpa 12,28).,
ka manao hoe: Amin’ny Andriamanitrareo, ry Dàna#8,14 Andriamanitrao, ry Dàna: Iray tamin’ireo zanak’omby volamena napetraka tao Dàna; izay tanàna teo akaikin’ireo loharanon’i Jordany izany.!
Amin’ny lalan’i#8,14 Bersabea: anisan’ny tanàna nanaovana fanajana ny zanak’omby volamena tahaka an’i Dàna. Bersabea#8,14 Ny lalana: Ny hevitr’izany amin’ny teny hebrio, dia hoe fivavahana na fanompoam-pivavahana.!
dia samy ho lavo tsy haharina intsony.
Voafantina amin'izao fotoana izao:
Amôsy 8: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.