Eksaody 25
25
4. FEPETRA MOMBA NY FANAMBOARANA NY TABERNAKLA SY IREO MPANDRAHARAHA AZY
Ny hoenti-manana ny tabernakla
1Dia niteny tamin’i Môizy i Iaveh nanao hoe: 2«Ilazao ny zanak’i Israely mba hanokan-javatra hafoy ho Ahy, ka horaisinareo amin’izay olona rehetra mahafoy an-tsitrapo malalaka ny zavatra omeny Ahy. 3Izao no fanatitra horaisinareo avy amin’izy ireo: volamena sy volafotsy ary varahina; 4jaky volomparasy, jaky mena mangatrakatraka, lamba mena antitra, rongony madinika sy volon’osy; 5hoditr’ondrilahy voasoka mena, hodi-dogaona, hazo akasià; 6solika hatao amin’ny fanaovan-jiro, zava-manitra hatao amin’ny diloilo fanosorana sy amin’ny zava-manitra fanembohana; 7vatosoa berila sy vatosoa fandatsaka an-tranontranony, hatao amin’ny efôda sy ny saron-tratra. 8Hanao fitoerana masina ho Ahy izy ireo dia honina eo aminy Aho. 9Ary harahinareo tsara izay rehetra hasehoko anareo, ny mariky ny tabernakla sy ny mariky ny fanaka rehetra momba azy.»
Ny trano lay sy fanaka ao. Ny fiaran’ny fanekena.
10«Hanao fiara hazo akasià izy; roa akiho#25,10 Ny hakiho amin’ny Hebrio dia iray dia sy sasany. sy sasany ny lavany, ary iray akiho sy sasany ny sakany, ary iray akiho sy sasany ny haavony. 11Hasianao takela-bolamena izy ao anatiny sy ao ivelany, ary hasianao tanjo-miolaka volamena ny manodidina azy. 12Handrendrika masom-bolamena efatra hatao aminy ianao, hapetaka amin’ny tongony efatra; ny masom-bolamena roa amin’ny lafiny iray, ny masom-bolamena roa amin’ny lafiny iray. 13Hanao bao hazo akasià ianao ka hasianao takela-bolamena, 14dia hampiditra ny bao amin’ny masom-bolamena eo an-danin’ny fiara avy, hitondrana azy. 15Havela hijanona eo amin’ny masom-bolamena ny bao fa tsy hesorina eo. 16Ary hataonao ao amin’ny fiara, ny vavolombelona izay homeko anao#25,16 Ny vavolombelona izay homeko anao, dia ny takela-bato roa izay hanoratan’Andriamanitra ny didy folo sy homeny an’i Môizy. Ireo no toy ny vavolombelon’ny fanekem-pihavanana nataon’Andriamanitra tamin’ny vahoakany, ka omena anarana hoe koa: Takelaky ny vavolombelona na Takelaky ny fanekena.. 17Hanao fanaovam-panavotana#25,17 Fanaovam-panavotana. Tsy inona io fa takela-bolamena nipetraka ao ambonin’ny fiara, ary amin’ny andro fanaovana ny fanoneram-panavotana dia nofafazanan’ny mpisorona ra avy amin’ny sorona natolotra ho an’ny vahoaka. amin’ny volamena madio ianao, roa hakiho sy sasany ny lavany, iray hakiho sy sasany ny sakany. 18Ary hanao kerobima volamena roa ianao hataonao an-tefiny, dia iray avy no ho eo an-daniny roa amin’ny fanaovam-panavotana; 19ny kerobima iray hatao amin’ny laniny iray, ary ny kerobima iray hatao amin’ny laniny iray koa; ny kerobima dia hatao tafahoatra ny fanaovam-panavotana amin’ny laniny roa. 20Hatao mivelatra#25,20 Hatao mivelatra. Ny elatry ny kerobima no natao ho fipetrahan’i Iaveh izay noheverina ho nipetraka tao ary ny tongony nipetraka ao ambonin’ny fiara. Ao no ahatongavany hamoaka ny didiny, hanasazy, hamela ny hadisoana... miaraka ny elatry ny kerobima, hanarona ny fanaovam-panavotana amin’ny elany, ary hifanatrika ny tavany, hitodika manatrika ny fanaovam-panavotana, ny tavan’ny kerobima. 21Dia hapetrakao eo ambonin’ny fiara ny fanaovam-panavotana; ary hapetrakao ao anatin’ny fiara ny vavolombelona izay homeko anao. 22Fa eo no hihaonako aminao; ary eo ambonin’ny fanaovam-panavotana, anelanelan’ny kerobima roa, izay ao ambonin’ny fiaran’ny vavolombelona, no hampandrenesako anao ny didy rehetra homeko anao ho an’ny zanak’i Israely.»
Ny latabatra hasiana ny mofo atolotra
23«Hanao latabatra hazo akasià ianao; ho roa hakiho ny lavany, iray hakiho ny sakany, ary iray hakiho sy sasany ny haavony. 24Petaho volamena madio izy, ary asio tanjo-miolaka volamena ny manodidina azy. 25Hasiana sisiny vody voampelatanana ny manodidina azy, ka asianao tanjo-miolaka volamena manodidina izay. 26Hanao masom-bolamena efatra ianao ka hapetrakao amin’ny zoron’ny latabatra efatra ireo masom-bolamena ireo, dia amin’ny tongony efatra. 27Hataonao eo akaikin’ny sisiny ny masom-bolamena, fa hampidirana ny bao hilanjana ny latabatra. 28Hazo akasià no hanaovanao ny bao ary hasianao takela-bolamena; dia hitondrana ny latabatra ireo. 29Dia hataonao ny loviany, ny vata kely fitoeran-java-manitra, ny kôpy aman-tasiny hanaovana ny fanatitra araraka; ka volamena madio no hanaovanao izany. 30Hasianao ny mofo alahatra,#25,30 Mofo alahatra: izany hoe: aseho mandrakariva eo ambony latabatra anatrehan’ny Tompo. izay ho eo anatrehako mandrakariva eo ambony latabatra.»
Ny fanaovan-jiro
31«Hanao fanaovan-jiro amin’ny volamena madio ianao; hataonao an-tefiny avokoa izy mbamin’ny faladiany sy ny tahony, ary fonjany iray ihany ny ravim-boninkazo, ny bokony ary ny voniny, 32ka hasianao rantsany enina maniry amin’ny laniny; ny rantsany telo, avy amin’ny laniny iray, ary ny rantsany telo, avy amin’ny laniny iray. 33Ny rantsany voalohany dia hisy ravim-boninkazo telo miendrika vonin’amandia bokony sy voniny; ny rantsany faharoa dia hisy ravim-boninkazo telo miendrika vonin’amandia, bokony sy voniny; dia ho toy izany avokoa ny rantsany enina avy, amin’ny fanaovan-jiro. 34Ny tahon’ny fanaovan-jiro hisy ravim-boninkazo efatra miendrika vonin’amandia, bokony sy voniny. 35Hisy bokony iray eo ambanin’ny rantsana roa voalohany, avy amin’ny tahom-panaovan-jiro, bokony iray koa eo ambanin’ny rantsany roa manarakaraka, avy amin’ny tahom-panaovan-jiro, ary bokony iray koa eo ambanin’ny rantsany roa farany, avy amin’ny tahom-panaovan-jiro, araka ny rantsany enina, avy amin’ny tahom-panaovan-jiro. 36Ho fonjany iray ihany amin’ny fanaovan-jiro ireo bokony sy rantsany ireo, ary ho fonjam-bolamena an-tefiny iray ihany avokoa izy manontolo, sady volamena madio. 37Manaova lalampy hatao aminy, ataovy fito ny isany, dia hitaingina eny amin’ny rantsany ireo lalampiny ireo hanazava ny eo anoloany. 38Ataovy volamena madio ny hetin-jirony sy ny fitoeran-davenon-jirony. 39Volamena madio talenta iray#25,39 Volamena talenta iray: Ny talenta volamena iray dia tokony ho 45 Kilog no lanjany. Io fanaovan-jiro mirehitra eo anatrehan’i Iaveh io dia fomba fanajan’ny vahoaka an’Andriamanitra, fa fiekena ampahibemaso ny fahamasinany sy ny fahamarinany izay ambaran’ny fahazavan’ny jiro. Ny lalampy fito milaza fa fahazavana feno mihitsy izany, araka ny hevitra ambaran’io isa fito io ao amin’ny Soratra masina. no hanaovana ny fanaovan-jiro sy ny fanaka rehetra momba azy. 40Jereo ka ataovy araka ny marika aseho anao ao an-tendrombohitra.»
Voafantina amin'izao fotoana izao:
Eksaody 25: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.