Izaia 13
13
3 - TENIN’ANDRIAMANITRA MOMBA IREO VAHOAKA VAHINY
Teny famelezana an’i Babilôna
(Jereo Iz 21,1-10; 47,1-15; Jer 50; 51; Apôk 17; 18)
1Faminaniana#13,1 Faminaniana, na hoe orakla, na hoe teny fitsarana. Matetika dia famelezana no hevitra asehon’io teny io. momba an’i Babilôna#13,1 Babilôna: anarana entin’ny mpaminany hilazana ny mpanompo sampy sy ny ratsy fanahy, ny mpanohitra an’i Jesoa Kristy. I Rôma taloha dia nataon’i Masindahy Piera (1Pier 5.13) sy i Masindahy Joany (Apôk 17,5) hoe Babilôna, noho ny haratsiam-pitondràn-tenan’ny mponina tao Rôma tamin’izay. Eto kosa dia ilay tanàna malaza tany Asiria no antsoina amin’izay tena anarany. nambara#13,1 Faminaniana momba an’i Babilona: Miantomboka eto ary misesy hatrany ny faminaniana 15 momba ny firenena jentily. Efa voalazan’ny mpaminany ny famaizana hanjò ny Jody noho ny fivadihany tamin’i Iaveh, sy ny hahazoany ny famonjena any aoriana any. Izao kosa dia visavisainy indray ny loza hanjò ireo firenena mpanompo sampy rehetra ireo, ary koa ny hanekeny sy hanatonany ny Mesia ka hahazoany ny famonjena tahaka ny Jody koa. Izany no foto-kevitra voavelatra amin’ireo faminaniana 15 ireo. tamin’i Izaia, zanak’i Amôsa.
2Manangàna faneva, eo amin’ny tendrombohitra mangadihady;
antsoy amin’ny feo avo izy ireo, hofay tanana izy,
handingana ny vavahadin’ireo mpanapaka.
3Izaho kosa efa nanome didy an’ireo natokako,
ary efa niantso ireo lehilahy maheriko
hoentiko hahafa-po ahy amin’ny hatezerako,
izay miarahaba ny fiandrianako, amin’ny hobin-kafaliana.
4Injany re ny horakoraka any an-tendrombohitra,
toa hahohahom-bahoaka be;
injany re ny tabataban’ny fanjakana,
ny firenena tafavory:
i Iavehn’ny tafika izany mampanao matso
ireo miaramilany mpiantafika.
5Avy any an-tany lavitra,
avy any am-paravodilanitra izy ireo
dia i Iaveh sy ireo entiny manatanteraka ny fahatezerany
handravany ny tany rehetra.
6Aoka hinaonaona ianareo,
fa antomotra ny andron’i Iaveh:
toy ny fandravana ataon’ny Tsitoha no fiaviny.
7Noho izany ny tanana rehetra hiraviravy;
ny fon’ny olombelona rehetra ho reraka,
8hangovitra izy, ho azon’ny tebiteby amam-panaintainana;
hiolanolana toy ny vehivavy miteraka izy;
sady hifampijery samy hitanàka foana eo;
ary hivoaramena hoatra ny afo ny tarehiny!
9Indro tonga ny andron’i Iaveh,
andro fahalozàna, fahavinirana
sy firehetam-pahatezerana,
hampanjary ny tany ho efitra,
sy handringana ny mpanota eo.
10Fa ny kintan’ny lanitra, sy antokon-kintany,
tsy handefa ny fahazavany hamirapiratra,
ny masoandro hihamaizina eo amin’ny fiposahany,
ary ny volana tsy handefa ny fahazavany.#13,10 Izany fikorontanan’ny lanitra izany no nataon’i Jesoa Kristy famantarana ny fitsarana farany koa (Mt 24,29; Mk 13,24. 25)
11Hosaziko izao tontolo izao noho ny faharatsiany;
ary ny ratsy fanahy noho ny helony;
hataoko mitsahatra ny fiandranandran’ny mpirehareha;
ary haetriko ny avonavon’ireo mpanjaka manao jadona.
12Hataoko mahalana mihoatra noho ny volamena madio, ny olombelona;
mahalana mihoatra noho ny volamena avy any Ofira.
13Noho izany, ny lanitra hampangovitiko;
ary ny tany hohozongozonina hiala amin’ny fitoerany,
azon’ny haviniran’i Iavehn’ny tafika,
amin’ny andro hirehetan’ny fahatezerany.
14Amin’izany ny olona tahaka ny gazela enjehina,
tahaka ny biby fiompy tsy misy mpamory,
dia samy hitodika ny fireneny avy,
sy handositra ho any amin’ny taniny.
15Izay hita rehetra ho voagorobaka,
izay voasambotra rehetra ho lavon’ny sabatra.
16Ny zanany madinika homontsanina eo imasony,
ny tranony hobaboina ary ny vadiny hosavihina.
17Indro hatsangako hamely azy ireo ny Meda#13,17 Hamely azy ireo ny Meda: I Sirosy no nanafika sy nahafaka an’i Babilôna tamin’ny taona 538 talohan’i Jesoa Kristy.,
izay tsy mandala volafotsy, tsy maniry volamena.
18Ny tsipìkany handripaka ny zatovo;
ny naloaky ny kibo, tsy hananany antra;
ny zaza tsy hiantran’ny masony.
19Ary i Babilôna, ilay ravaky ny fanjakana maro,
haingon’ny Kaldeanina be rehareha,
dia hanahaka an’i Sôdôma sy i Gômôra
izay noravan’Andriamanitra.
Tsy hisy mponina intsony ao aminy,
20ary tsy honenana intsony amin’ny taona mifandimby izy;
ny Arabo tsy hanangan-day eo;
ary ny mpiandry biby tsy hametraka biby fiompy am-bala eo.
21Fa ny bibidia eny an’efitra no hanao ny lavany eo,
ny vorondolo no hameno ny tranony;
ny ostritsa no honina any,
ary ny satira no hifalihavanja eo#13,21 Ny satira no hifalihavanja eo: Ho tonga tanàna haolo i Babilôna: toerana mahatahotra. Ny Arabo izay mifindrafindra toerana dia handositra azy; fa ny biby dia no honina ao; ny Satira, dia ny demony, izay noheverin’ny Jody taloha ho maka endriky ny biby maloto, indrindra fa ny osy lahy ka mitoetra amin’ny tany efitra..
22Ny amboadia no hierona ao an-dapany lao;
ary ny alikadia ao an-trano firavoravoany.
Efa antomotra ny fotoany,
ary tsy hohalavaina ny androny.
Voafantina amin'izao fotoana izao:
Izaia 13: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.