Izaia 21
21
Hirodana i Babilôna
(Jereo Iz 13,14; 47,1-15; Jer 50–51; Apôk 17–18)
1Faminaniana ny amin’ny efitry ny ranomasina#21,1 Ny efitry ny ranomasina: dia i Babilônia, fa akaikikaikin’ny helo-drano Persika izy..
Tahaka ny firimorimon’ny tadio mihazo any amin’ny atsimo#21,1 Ny tadio mihazo avy amin’ny atsimo: Any Arabia no fiavian’ireo tadio ireo.,
avy any an’efitra izany,
amin’ny tany mahatahotra.
2Misy fahitana#21,2 Misy fahitana: zavatra naseho tamin’ny mpaminany ka hitany marina tao an-tsainy. mahatsiravina naseho tamiko:
ny mpandroba, mandroba;
ny mpandrava, mandrava.
«Iakaro, ry Elama#21,2 Elama: I Persa, tany onenan’ny Elamita, taranak’i Elama, zanak’i Sema. I Sirosa, ilay Persa, no tondroin’ny mpaminany eto.! Hodidino, ry Meda#21,2 Ry Meda, Dariosa, mpanjakan’i Media!
Hatsahatro ny fisentoana#21,2 Hatsahatro ny fisentoana: dia ny fisentoana na ny fahorian’ny Israelita voababo sy ny firenena hafa nampahorin’i Babilôna. rehetra.»
3Izany no nahafeno tebiteby ny valahako;
voan’ny fanaintainana aho,
toy ny vehivavy miteraka.
Miolanolana aho, mahare izany; tsiravina aho mahita izany;
4mivadika ny foko,
raiki-tahotra aho;
ny alina niriko,
natao fotoan’ny horohoro ho ahy.
5Ny latabatra atsangana, ny tily miambina,
ny olona mihinana sy misotro. -
Mitsangàna, ianareo kapiteny!
Hosory ny ampinga!#21,5 Filazana ny nahafahana an’i Babilôna tamin’ny andron’i Baltasara mpanjaka. Rehefa voatendry ny mpitily, dia samy variana mihinana sy misotro ny olona. Kanjo notairin’ny antso tampoka hoe: Mitsangàna! Mitsangàna! ka inona fa efa lasana ho eo am-pelatanan’ny fahavalo ny tanàna! (Jereo Dan 5)
6Fa izao no nolazain’ny Tompo tamiko:
«Mandehana mametraka tily,
ka aoka holazainy izay hitany.
7Ary ny ho hitany dia mpitaingin-tsoavaly
mpitaingin-tsoavaly mitaingina ampondra,
mpitaingin-tsoavaly mitaingin-drameva.
Dia hijery amim-pitandremana izy, amim-pitandremana fatratra#21,7-9 Tamy sady mandeha milahatra tsara ny miaramila mpitaingin-tsoavaly avy any Babilôna..»
8Dia niantso toy ny liona izy hoe:
«Eto amin’ny tilikambo fitiliana no ipetrahako, ry Tompo,
tsy an-kijanona tontolo andro
mitsangana eto amin’ny fiambenana aho, isan’alina.
9Indreo tamy ny olona mitaingin-tsoavaly,
ny mpitaingin-tsoavaly, milahatra tsiroaroa.»
Dia niteny indray izy ka nanao hoe:
«Potraka re! Potraka re i Babilôna!
ary ny sarin’ireo andriamaniny rehetra
nazerany novakiny tamin’ny tany.»
10Ry variko velezina ô#21,10 Ry variko velezina ô! Teny fangoraham-po ataon’Andriamanitra amin’ny vahoakany, izay toy ny vary velezina; fa rehefa voavely tao am-pamoloan’i Babilôna izy, dia ho madio tsara, satria voakororòka tafasaraka tamin’ny akofa sy ny mololo., voam-barin’ny famoloako,
izay reko tamin’i Iavehn’ny tafika,
Andriamanitr’i Israely,
no ambarako aminareo.
Valy omena ny Edômita
11Faminaniana ny amin’i Domà#21,11 I Domà; Idomea..
Misy miantso ahy avy any Seira manao hoe:
«Ry tily ô, toy inona alina moa izao#21,11 Ry tily ô, toy inona alina moa izao? Ny Idomeanina izany no manontany ny mpaminany, tily, ny amin’ny haharetan’ny alina, na ny fahoriana manjò azy ireo; nefa ho alina ihany: izany hoe: efa hisava ny fahoriana, nefa mbola hiverina.?
Ry tily ô, toy inona alina moa izao?»
12Dia namaly ny tily nanao hoe:
«Tonga ny maraina, ary ny alina koa.
Raha te-hanontany ahy ianareo#21,12 Raha te hanontany ianareo, sns. Izany hoe: Maharenina., manontania;
tongava indray amin’ny fotoana hafa.»
Tenin’Andriamanitra momba ny Arabo
13Faminaniana any Arabia.
Any an-tanilemaka foana any Arabia ianareo no handry,
ry andian’i Dedana#21,13-16 Filazana ny loza hanjò an’i Arabia. Nasian’i Sargona sy i Senakeriba mafy tokoa io tany io. Dedana, Temà, Sedara: tanàna any Arabia..
14Mitondrà rano hitsenàna an’izay mangetaheta!
Ny mponina amin’ny tanin’i Temà,
manatitra mofo ho an’ny mpandositra.
15Fa izy nandositra teo anatrehan’ny sabatra,
teo anatrehan’ny sabatra voatsoaka,
teo anatrehan’ny tsipìka voahenjana,
teo anatrehan’ny ady mahatsiravina.
Teny famelezana an’i Sedara
16Satria izao no nolazain’ny Tompo tamiko:
«Herintaona, araka ny fanisana ny taonan’ny mpikarama, sisa
dia ho levona avokoa ny voninahitr’i Sedara;
ary amin’ireo tsipìka maro an’ny lehilahy mahery, zanak’i Sedara,
dia kely foana no sisa tavela,
fa i Iaveh Andriamanitr’i Israely no efa niteny.»
Voafantina amin'izao fotoana izao:
Izaia 21: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.