Izaia 4
4
1Amin’izany andro izany, hisy vehivavy fito#4,1 Vehivavy fito, na maro tsy voafetra ny isany, araka ny fampiasan’ny Hebrio ny teny hoe fito.
hihazona lehilahy iray, hanao hoe:
«Ny mofonay no hohaninay,
ary ny fitafianay no hitafianay,
fa aoka mba hitondra ny anaranao izahay,
ka halànao tondromaso#4,1 Ka halànao tondromaso: Ireo teny amin’ity andininy ity dia mampiseho miharihary ny loza manjò ny tany, sy ny fahavitsian’ny lehilahy tafajanona, fa tsy maty na lasan-ko babo..»
Ireo sisa tsy simba ao Jerosalema
2«Amin’izany andro izany,
ny solofon’i Iaveh#4,2 Ny solofon’i Iaveh: izany hoe, ny Mesia (jereo Jer 23.1; Zak 3.8) ho haingo amam-boninahitra,
ary ny vokatry ny tany ho rehareha amam-piravaka,
ho an’ireo sisan’i Israely afaka#4,2 Ny sisan’i Israely afaka: afaka tamin’ny loza, na tamin’ny fahababoana..
3Ka izay ho tafajanona ao Siôna,
sy izay ho voatsimbina ao Jerosalema
hantsoina hoe masina;
dia izay rehetra voasoratra ao Jerosalema mba ho an’ny fiainana#4,3 Voasoratra ho an’ny fiainana: I Iaveh toa aseho toy ny mpanjaka manoratra ny vahoakany; vonoiny ao amin’ny boky ny maty; izay sisa velona amin’ny fiainana mandrakizay ihany no voatana ny anarany ao amin’ny boky..»
Fiarenana ho avy
4Rehefa voasasan’i Iaveh, ny loton’ny zanaka vavin’i Siôna,
ka voadiony i Jerosalema amin’ny ra izay eo afovoany,
amin’ny fanahin’ny fitsarana#4,4 Fanahin’ny fitsarana: Izay ataon’i Iaveh dia ny Fanahiny no ahavitany izany (jereo Jôb 33.4; Sal 104.30) amam-panahin’ny fandringanana,
5amin’izay dia hoforonin’i Iaveh eran’ny tendrombohitra Siôna manontolo,
sy eo ambonin’ny fivoriany,
ny rahona aman-tsetroka#4,5 Rahona aman-tsetroka: Fahatsiarovana ny andry rahona nitari-dalana ny Israelita tany an’efitra, fony izy nivoaka tany Ejipta (Eks 13.21) anankiray mandritra ny andro,
ary fahazavan’ny afo midedadeda amin’ny alina.
Eo ambonin’ny voninahiny rehetra dia hisy elo;
6fa hisy lay mba hanalokaloka,
amin’ny fidaindainan’ny andro,
ary ho fandosirana sy fialofana,
amin’ny ranonoram-baratra sy ny ranonorana.
Voafantina amin'izao fotoana izao:
Izaia 4: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.