Izaia 53
53
1«Iza no nino#53,1 Iza no nino, sns. I Masindahy Joany (toko 12,38) sy i Masindahy Paoly (Rm 10,16) dia mahatsiaro eto, ny faminaniana ny tsy finoan’ny Jody an’i Jesoa Kristy., izay renay,
ary iza no nanehoana ny sandrin’i Iaveh?»
2Fa nisondrotra teo anatrehany Izy, tahaka ny hazo madinika marefo,
tahaka ny solofon-kazo mitsiry amin’ny tany karankaina;
tsy nanana endrika na hatsaran-tarehy nanaitra ny masontsika;
na bika namelona ny fitiavantsika.
3Noesorina sy nilaozan’ny olona Izy,
olona ory sady zatra ny fijaliana;
hoatra ny zavatra hisaronan’ny olona tava;
natao faneso sy tsy nahoantsika velively.
4Marina tokoa fa ny aretintsika#53,4 Marina tokoa fa ny arentintsika, sns. I Masindahy Matio (toko 8,17) dia mampihatra izany teny izany amin’i Jesoa Kristy izay nanasitrana ny marary nentina teo aminy. Fa ny ambara eto indrindra dia ny fahoriana sy fijaliana, tambin’ny ota, izay noraisin’i Jesoa Kristy ao amin’ny Tenany. no nentiny,
ary ny fahoriantsika no nivesarany;
ary isika anefa nijery Azy ho olom-boasazy,
nokapohin’Andriamanitra sy naetry.
5Kanefa Izy nolefonina noho ny fahotantsika,
notorotoroina noho ny helotsika;
nasiana ny famaizana nahazoantsika fihavanana;
ary ny ratra taminy no nahasitrana antsika.
6Efa mpaniasia toy ny ondry avokoa isika,
samy nanaraka ny lalany avy isika;
ary nazeran’i Iaveh taminy avokoa
ny helotsika rehetra.
7Vonoina Izy, ary mandefitra,
tsy niloa-bava akory Izy;
tahaka ny zanak’ondry entina hovonoina,
tahaka ny ondry vavy eo anatrehan’izay manety azy;
tsy miloa-bava akory.
8Nesorina izy noho ny fampahoriana sy ny fitsaràna#53,8 Noesorina Izy noho ny fampahoriana sy ny fitsaràna: Fanamelohana tsy marina no nanesorana na namonoana Azy.;
ary iza moa tamin’ireo niara-belona taminy, no mba nihevitra,
fa nofongorana eo amin’ny tanin’ny velona Izy,
ary nozoin-doza noho ny fahotan’ny vahoakako?
9Natao iray fasana tamin’ny ratsy fanahy Izy;
ary eo amin’ny mpanan-karena nony efa maty,
nefa tsy mba nanao ny tsy marina#53,9 Tsy mba nanao ny tsy marina, sns. Araka ny filazan’ny Apôstôly maro, dia mihatra amin’i Jesoa Kristy ireo teny ireo (1Pier 2,22; 1Jn 3,5).,
ary tsy mba nisy fitaka teo am-bavany.
10Sitrak’i Iaveh ny nanorotoro Azy tamin’ny fijaliana,
nefa rehefa voaatitry ny fanahiny#53,10 Rehefa voaatitry ny fanahiny: Mampiasa izany tenin’ny mpaminany izany i Masindahy Paoly (2Kôr 5,21). ny sorom-panonerana,
dia hahita taranaka Izy, ho lava andro hiainana,
ary hambinina eo an-tanany ny hevitra nokasain’i Iaveh#53,10 Ny hevitra nokasain’i Iaveh: Dia ny fibebahan’ny firenena rehetra sy ny fanorenana ny fanjakan’Andriamanitra..
11Noho ny fijalian’ny fanahiny,
dia hahita Izy, ka ho afa-po.
Ilay marina, mpanompoko, noho ny fijaliany,
hanamarina olona betsaka,
ary ny Tenany hivesatra ny helok’ireo.
12Noho izany#53,12 Noho izany omeko anjara, sns. I Jesoa Kristy dia nanambara tamin’ny Apôstôly fa izany faminaniana izany dia tsy maintsy ho tanteraka aminy (Lk 23,37; ary Mk 15,28) dia mampahafantatra antsika ny fahatanterahan’izany. homeko anjara eo amin’ny lehibe#53,12 Homeko anjara eo amin’ny lehibe: Ny olo-malaza amin’ny tany hanome voninahitra ny Mpanompon’i Iaveh. Izy,
ary hiara-mizara babo amin’ny mahery;
satria nanolotra ny ainy ho faty izy,
sady natao ho isan’ny mpanao ratsy:
ary ny Tenany no nitondra ny fahotan’ny maro,
sady hanao fifonana ho an’ny mpanota.
Voafantina amin'izao fotoana izao:
Izaia 53: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.