Izaia 60
60
Hitsangana mamirapiratra i Jerosalema
1Mitsangàna, ka mamirapiràta! fa miposaka ny fahazavanao#60,1 Fahazavanao: I Iaveh no lazaina amin’izany.;
ary miposaka eo aminao, ny fahazavan’i Iaveh.
2Indro ny haizina fa manarona ny tany,
ary ny haizim-pito manarona ny firenena;
fa i Iaveh kosa no miposaka eo aminao
ary ny voninahiny miseho eo aminao.
3Mandroso ho amin’ny fahazavanao ny firenena,
ary ho eo amin’ny famirapiratan’ny fiposahanao#60,3 Fiposahanao: I Jerosalema, oharina amin’ny astra. - Izay lazaina amin’ity andininy ity dia tsy manambara afa-tsy ny hiavian’i Jesoa Kristy. ny mpanjaka.
4Atopazo manodidina ny masonao, ka jereo,
izy rehetra mivory mankatỳ aminao;
ny zanakao lahy tamy avy lavitra;
ny zanakao vavy entina an-trotroana.
5Hahita izany ianao amin’izay ka ho miramirana;
hibitaka sy hiravoravo ny fonao,
fa hivantana aminao ny haren’ny ranomasina;
ary ho tonga ao aminao ny rakitry ny firenena.
6Ho rakotry ny angamenavava zavon-tany
mbamin-drameva avy any Madiàna sy Efah#60,6-7 Madiàna, Efah, Sabà, Sedara, Nabaiôta: Ireo dia taranak’i Abrahama; ny telo voalohany dia zanany tamin’i Storà, ary ireo roa sisa tamin’i Ismaely (Jen 25,1-3, 13), ka samy nonina tany Arabia izy ireo. ianao;
ny any Sabà rehetra ho avy,
hitondra volamena sy emboka manitra,
ary hitory ny fiderana an’i Iaveh.
7Hivory ao aminao ny biby fiompy rehetra any Sedara;
hozakainao ny ondralahin’i Nabaiôta,
hiakatra ho fanatitra ankasitrahina eo ambony ôteliko ireny,
ary hataoko be voninahitra ny tranon’ny voninahitrao.
8Iza moa ireto manidina hoatra ny rahona,
sy hoatra ny voromahailala ho eo amin’ny tranony?
9Fa Izaho no antenain’ny nosy;
ary ny sambon’i Tarsisa no ho lohalalana;
hamerina hankatỳ ny zanakao avy lavitra,
mbamin’ny volafotsiny sy ny volamenany,
ho an’ny Anaran’i Iaveh Andriamanitrao,
sy ilay Masin’i Israely, satria efa nomeny voninahitra ianao.
10Ny taranaky ny firenen-kafa, no hanangana ny mandanao,
ary ny mpanjakany ho mpanomponao.
Satria nikapoka anao tamin’ny hatezerako Aho,
fa mamindra fo anao, amin’ny fitiavako kosa.
11Hivoha lalandava ny vavahadinao,
tsy hirindrina izy na andro na alina,
hampidirina ny haren’ny firenena ho ao aminao,
mbamin’ireo mpanjakany mova tsy ny manotrona ny mpandresy.
12Fa ho velona ny firenena amam-panjakana tsy hanompo anao,
hofongorana mihitsy izany firenena izany.
13Ho indray tonga ao aminao ny voninahitr’i Libàna,
ny sipresy, ny platàna, ny boîsa,
handravahana ny fitoerako masina,
dia hataoko be voninahitra ny fitoerana hipetrahan’ny tongotro.
14Ny zanak’ireo mpampahory anao
ho tonga ao aminao, sady hiondri-doha,
ary izay rehetra naniratsira anao koa hiankohoka amin’ny tongotrao;
ary ianao hantsoina hoe, ny Tanànan’i Iaveh,
ilay Siônan’ilay Masin’i Israely.
15Ianao izay efa nariana teo
sy nankahalaina ary nanirery,
dia hataoko reharehan’ny taona rehetra,
sy fifalian’ny taranaka rehetra.
16Hitsentsitra ny rononon’ny#60,16 Hitsentsitra ny rononon’ny, sns. Izany hoe, ny vahoaka sy ny mpanjaka, dia hahita fahafinaretana amin’ny fanompoana anao. firenena ianao,
sady hitsentsitra ny nonon’ny mpanjaka,
dia ho fantatrao fa Izaho Iaveh no Mpamonjy anao,
ary ilay Maherin’i Jakôba no Mpanavotra anao.
17Volamena no hampankanesiko atỳ ho solon’ny varahina;
sy volafotsy no havantako atỳ ho solon’ny vy;
sy varahina ho solon’ny hazo;
ary vy ho solon’ny vato;
ny fiadanana no hataoko mpitondra anao,
ary ny fahamarinana no ho mpifehy.
18Tsy ho re eo amin’ny taninao intsony#60,18 Tsy ho re eo amin’ny taninao intsony. Tsy misy iharan’izany teny izany afa-tsy ny Eglizin’i Jesoa Kristy izay andrin’ny fahamarinana sy fanjakan’ny fiadanana, na raha tsorina ny filaza azy, dia hoe: Jerosalema any an-danitra izay anjakan’ny fiadanana lavorary, ka tsy misy intsony izay hoe tahotra, horohoro, fandravana, tsy fahamarinana ary fampahoriana. Any, ny hira fiderana sy fisaorana dia tsy mitsahatra na oviana na oviana. izay hoe fampahoriana;
na izay hoe fandravana amam-pandringanana, eo amin’ny faritaninao;
ny mandanao antsoina hoe#60,18 Ny mandanao antsoina hoe: i Famonjena: Izany hoe, any amin’i Jerosalema any an-danitra, dia tsy mba hoe mpiambina fotsiny no hanodidina ny mandanao, mba hiaro ny famelezan’ny fahavalo, fa izany manda izany mihitsy no tena famonjena tsy azon’iza na iza hanihanihina.: i Famonjena,
ary ny vavahadinao: i Fiderana.
19Ny masoandro#60,19-20 Ny masoandro. Filazana ny voninahitra mandrakizay any amin’i Jerosalema any an-danitra izay ambaran’i Masindahy Joany ao amin’ny Apôk 21,23; 22,3. tsy ho fanazavana anao amin’ny andro intsony;
ary ny fisomambisambin’ny volana tsy hitsilo anao intsony;
fa i Iaveh no ho fahazavana mandrakizay ho anao,
ary ny Andriamanitrao no ho voninahitrao.
20Tsy hilentika intsony ny masoandronao,
ary tsy hihataka intsony ny volanao.
Satria i Iaveh no ho fahazavana mandrakizay ho anao
ary ho tapitra ny andron’ny fisaonanao.
21Tsy hisy afa-tsy olo-marina eo amin’ny vahoakanao,
ary hanana ny tany mandrakizay izy ireo;
dia izy ireo solofo namboleko,
asan’ny tanako, noarîna ho voninahitro.
22Ny vitsy indrindra ho tonga arivo;
ary ny kely indrindra ho firenena mahery.
Izaho Iaveh no hanafaingana izany samy amin’ny fotoany avy.
Voafantina amin'izao fotoana izao:
Izaia 60: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.