Jeremia 13
13
Ilay fehikibo tao Eofrata
1Izao no lazain’i Iaveh tamiko: «Mandehana mividy fehikibo rongony madinika#13,1 Fehikibo rongony madinika, izay fanaon’ny mpisorona (Eks 28,40; Lev 16,4); ka izany dia manambara an’i Israely, fanjakana masina sy misy mpisorona (Eks 19,6). ho anao; ka ataovy amin’ny tehezanao#13,1 Ka ataovy amin’ny tehezanao. Izany dia tandindon’ny firaisana mafy izay mampikambana an’i Iaveh sy ny vahoakany. fa aza atao anaty rano#13,1 Aza atao anaty rano Mba ho vao lava sy hihiratra tsara..» 2Dia nividy ny fehikibo araka ny tenin’i Iaveh aho, ka nataoko tamin’ny tehezako.
3Tonga tamiko fanindroany indray ny tenin’i Iaveh, nanao hoe: 4«Ento ilay fehikibo novidinao, izay efa eo amin’ny tehezanao; ka mitsangàna, mandehana mankany Eofrata, afeno any, ao an-tsefatsefaky ny vatolampy izy.» 5Dia nandeha aho, ka nafeniko tao amoron’i Eofrata izy, araka ny nandidian’i Iaveh ahy. 6Nony afaka andro maro be, dia hoy i Iaveh tamiko: «Mitsangàna ianao, mandehana mankany Eofrata, alao ilay fehikibo nasaiko nafeninao any.» 7Dia nandeha nankany Eofrata aho, ka nihady, dia naka ilay fehikibo teo amin’ny fitoerana nanafenako azy; kanjo indro, simba#13,7 Ny fehikibo simba Izany dia manambara ny haratsian-toe-pitondrantena nahavoa ny Israelita, avy amin’ny fanompoan-tsampy. tsy azo atao na inona na inona intsony, ilay fehikibo. 8Ary tonga tamiko ny tenin’i Iaveh nanao hoe:
9Izao no lazain’i Iaveh:
«Toy izany no hahafoanako ny avonavon’i Jodà,
sy ny avonavon-dehiben’i Jerosalema.
10Ity vahoaka ratsy ity, izay tsy mety mihaino ny teniko,
fa mandeha amin’ny ditran’ny fony,
sy manaraka andriamani-kafa, mba hanompo azy sy hivavaka aminy,
dia ho tahaka ity fehikibo
tsy azo atao na inona na inona intsony ity.
11Satria toy ny firaikitry ny fehikibo amin’ny tehezan’ny olona,
no nandraiketako ny taranak’i Israely rehetra
sy ny taranak’i Jodà rehetra tamiko, - teny marin’i Iaveh, -
mba ho vahoaka ho Ahy izy ireo
mba ho anarana, ho haja, ho voninahitra,
nefa tsy nihaino Ahy izy.»
Siny feno divay nifandona
12Lazao azy ireo izao teny izao:
Izao no lazain’i Iaveh Andriamanitr’i Israely:
«Rehefa mety ho siny tsy maintsy hofenoina divay.»
Fa izy ireo hamaly hanao hoe: «Moa tsy fantatray va,
fa rehefa mety ho siny tsy maintsy hofenoina divay?»
13Ary ianao kosa hanao aminy hoe: Izao no lazain’i Iaveh:
«Indro hofenoiko hamamoana#13,13 Hofenoiko hamamoana Izany hoe, ho anareo Jody mpivadivadika, dia tsara ho anareo ny hofenoina hamamoan’ny divain’ny fahatezeran’Andriamanitra., ny mponina rehetra amin’ity tany ity,
mbamin’ny mpanjaka mipetraka eo amin’ny seza fiandrianan’i Davida,
ny mpisorona ama-mpaminany,
ary ny mponina rehetra ao Jerosalema.
14Ary hampifandòniko ho vaky izy ireo,
dia ny ray mbamin’ny zanany rehetra, - teny marin’i Iaveh; -
tsy hotsitsiko, tsy hananako antra,
tsy hamindrako fo tsy haharingana azy izy.»
Sesitany atahorana ho avy
15Mihainoa, ary atongilano ny sofinareo, aza miavonavona,
fa miteny i Iaveh.
16Manomeza voninahitra an’i Iaveh Andriamanitrareo,
dieny tsy mbola tonga ny haizina,
dieny tsy mbola mipoka
amin’ny tendrombohitry ny alina ny tongotrareo,
dieny tsy mbola novany ho aloky ny fahafatesana
ny mazava andrasanareo,
ary tsy mbola nampanjariny ho haizim-pito.
17Raha tsy mihaino izany ianareo,
dia hitomany mangingina ny fanahiko
noho ny fiavonavonanareo;
hamarin-dranomaso mangidy ny masoko,
hanao ranomaso havozona aho,
satria ho lasan-ko babo ny ondrin’i Jakôba.
Fanambanana an’i Jôakima
18Lazao amin’ny mpanjaka lahy sy ny mpanjaka vavy hoe:
Mipetraha ianareo amin’ny tany,
fa nianjera avy eny an-dohanareo
ny satroboninahitrareo.
19Ny tanàna amin’ny tany atsimo#13,19 Ny tanàna amin’ny tany atsimo. Ireo tanàna ireo no nandosiran’i Jodà hialofany amin’ny fahavalo nanenjika azy, avy any avaratra., voahidy
ary tsy misy mpamoha azy;
i Jodà manontolo lasan-ko babo;
ka tanteraka indrindra ny famaboana.
Fananarana an’i Jôakima
20Atopazo ny masonao, ka jereo irerỳ avy avaratra:
Nankaiza ny andian’ondry nomena anao,
dia ireo ondry voninahitrareo?
21Hanao ahoana kosa ianareo, rehefa tendren’i Iaveh ho tomponao
ireo nampianarinao hamely anao - ireo mpifankazatra aminao!
Moa tsy hahazo anao va ny fanaintainana,
toy ny an’ny vehivavy raha miteraka?
22Raha tahiny ianao manao anakampo hoe:
Nahoana aho no dia nidiran-doza toy izao?...
Dia ny haben’ny helokao,
no antony nanaingana ny morontongotr’akanjonao,
sy nandratràna ny ombalahin-tongotrao.
23Hahova ny hodiny va ny Etiôpianina,
hahova ny sorany va ny leoparda?
Ary ianareo va hety hanao ny tsara?
24Haeliko hoatra ny mololo
indaosin’ny rivotra mifofofofo avy any an’efitra izy ireo.
25Izany no anjaranao,
anjara voalanjako, ho anao, - teny marin’i Iaveh, -
satria ianao nanadino Ahy,
sy nitoky tamin’ny lainga.
26Ary Izaho kosa dia hanainga ho eny amin’ny tavanao ny morontongotr’akanjonao,
hahitan’ny olona ny mahafa-baraka anao.
27Ny fijangajanganao, ny fanenonao,
ny fanoloranao vatana ho amin’ny asa vetaveta,
eny amin’ny havoana, eny an-tsaha eny,
ny fahavetavetanao rehetra dia hitako avokoa.
Loza ho anao, ry Jerosalema! Maloto ianao,
ka mbola haharitra mandra-pahoviana#13,27 Mandra-pahoviana? Izany hoe haharitra mandra-pahoviana no itokonanao tsy handio tena? izany?
Voafantina amin'izao fotoana izao:
Jeremia 13: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.