Jeremia 31
31
# 31 Fifalian’i Israely noho izy tafaverina tany Kanaana (and 1-14). Fanavaozana manokana an’i Efraima (and 15,22); an’i Jodà (and 23-26); ny fiangonan’ny vahoaka (and 27-30). Fanekena vaovao nataon’Andriamanitra tamin’ny vahoakany (and 31-32); Jerosalema vaovao (and 38-40). 1Amin’izany andro izany, - teny marin’i Iaveh, -
Izaho ho Andriamanitry
ny fianakaviana rehetra amin’i Israely,
ary izy ireo ho oloko.
2Izao no lazain’i Iaveh:
Nahita fitia tany an’efitra ny vahoaka afaka tamin’ny sabatra;
ta-hanome fitsaharana an’i Israely aho.
3Niseho tamiko tany lavitra tany#31,3 Niseho tamiko tany lavitra tany: Satria natao sesitany tany Babilôna ny vahoaka Jody; noho izany dia lavitra any amin’ny tendrombohitr’i Siôna no nisehoan’i Iaveh, mba ho fanalana alahelo sy fanantenan’izy ireo. i Iaveh.
Fitiavana mandrakizay no nitiavako anao;
izany no nampaharetako ny famindram-po aminao.
4Izaho hanorina anao indray, dia ho voaorina indray ianao,
ry virjinin’i Israely;
hiramarama amin’ny ampongatapakao indray,
ary hamindra amin’ny dihy fifaliana.
5Hamboly ny tanimboalobokao indray ianao
any an-tendrombohitr’i Samaria#31,5 Any an-tendrombohitr’i Samaria. Malaza io tendrombohitra io, noho ny voaloboka maniry ao aminy.:
izay mamboly, hamboly ka hioty.
6Fa efa avy ny andro, hiantsoan’ny mpiambina#31,6 Hiantsoan’ny mpiambina. - Ny tily napetraka teny an-tendrombohitra mba hijery tsara sy hanambara miaraka amin’izay ny fiantombohan’ny fahatsinanan’ny volana; satria niankina tamin’ny fiantsoan’izy ireo ny nandraiketana ny fiantombohan’ny volana sy ny fotoan’ny fetim-pivavahana. Ireo vahoaka tamin’ny foko folo (Efraima no enti-milaza azy: jereo Iz 7,2) hatramin’ny andron’i Jerôbôama, dia tsy mba nanana anjara intsony tamin’ny raharaha masina momba ny fivavahana izay nankalazaina tany Jerosalema; izy ireo izao anefa dia hiverina amin’izany raharaha masina fanaon’ny firenena izay.
any amin’ny tendrombohitr’i Efraima hoe:
«Mitsangana ianareo, ka andeha isika hiakatra any Siôna,
ho any amin’i Iaveh Andriamanitsika!»
7Fa izao no lazain’i Iaveh:
Mihobia an-kafaliana, ny amin’i Jakôba,
manaova firavoravoana, noho ny amin’ilay lohan’ny firenena;
ataovy re ny feonareo, mihirà hira fiderana, ka lazao hoe:
«Ry Iaveh, vonjeo ny olonao,
dia ny sisa amin’i Israely!»
8Indro Aho mamerina azy
avy any amin’ny tany avaratra;
manangana azy avy any amin’ny faran’ny tany.
Ho eo amin’izy ireo ny jamba sy ny mandringa,
ny manana anaka sy ny efa mihetsi-jaza;
hanao dia be izy ireo no hiverina atỳ.
9Hiverina amin-dranomaso izy;
ary eo amin’ny fifonany no hitondrako azy miverina;
eny amin’ny rano velona, no hitarihako azy,
amin’ny lalana marin-tampona tsy hahatafintohina azy;
satria efa ray ho an’i Israely Aho,
ary lahimatoako i Efraima#31,9 Lahy matoako i Efraima: Mitovy saranga amin’ireo rahalahiny izy, na dia amin’i Jodà aza..
10Ianareo, firenena, mihainoa ny tenin’i Iaveh,
ary torionareo izany, avy amin’ireo nosy lavitra;
ataovy hoe: «Ilay nampiely an’i Israely, dia hanangona azy indray;
ary hiandry azy toy ny fiandrin’ny mpiandry ondry ny ondriny»;
11Satria i Iaveh, efa nanavotra an’i Jakôba,
sy nanafaka azy tamin’ny tanan’ny mahery noho izy.
12Ho avy izy, omban-kobim-pifaliana ho eo amin’ny havoan’i Siôna.
Hitanjozotra ho eo amin’ny zava-tsoan’i Iaveh izy ireo,
ho amin’ny vary, ny divay vaovao, ny diloilo,
ho amin’ny ondry aman’omby;
ho toy ny saha vonton-drano ny fanahiny,
ka hitsahatra tsy halazo intsony.
13Amin’izany, hifaly amin’ny dihy ny zazavavy,
mbamin’ny zazalahy, sy ny anti-panahy koa.
Hampodiko ho fifaliana ny fisaonany,
halàko alahelo, hampifaliako izy ireo manaraka ny fijaliany.
14Hovokisako ny matavy#31,14 Hovokisako ny matavy. Izany hoe, rehefa manolotra ny fanati-pihavanana na fisaorana ny vahoaka; ny sasany amin’izany fanatitra izany dia natao ho anjaran’ny mpisorona. Jereo Lev 7,31 sy ny manaraka. ny fanahin’ny mpisorona;
ary hivoky ny zava-tsoako ny oloko;
- teny marin’i Iaveh. -
15Izao no lazain’i Iaveh:
Nisy feo re tany Ramà,
dia fidradradradràna sy fitomaniana mangidy;
fa nitomany ny zanany i Rasela#31,15 I Rasela: Izy no renin’i Josefa (koa noho izany, dia reniben’i Efraima sy Manase izay vao nolazaina teo fa tafaverina) sady renin’i Benjamina koa izy, sady tsy maty tamin’ny niterahany azy; ka i Rasela eto dia tandindon’ny reny rehetra ao amin’ny Israelita. Aseho ho mipetraka eo amin’ny havoanan’i Ramà izy, izay ahitana ny tanin’i Efraima ary midradradradra mitomany ny taranany izay vonoin’ny fahavalo ho faty. Ampitahao amin’ny Mt 2,17 sy ny manaraka.
ka mandà tsy hampiononina izy,
ny amin’ny zanany, satria tsy velona intsony ireo.
16Izao no lazain’i Iaveh:
Sakano ny feonao tsy hitaraina
ary ny masonao tsy hitomany;
fa hahazo valisoa ny asanao, - teny marin’i Iaveh. -
Hody avy any an-tanim-pahavalo izy ireo.
17Misy fanantenana ho amin’ny fara andronao,
- teny marin’i Iaveh, -
ary dia hiverina ho amin’ny faritaniny indray ny zanako.
18Reko ny fitarainan’i Efraima hoe:
«Nofaizanao aho, ka voafay,
toy ny vantotr’ombalahy tsy voafolaka;
avereno aho, dia hiverina,
satria ianao no Iaveh Andriamanitro;
19Fa nony efa nivily aho, dia nanenina;
ary nony efa nahalala aho, dia nisafo sirana
sady menatra sy nangaihay,
satria mitondra ny fahafaham-barakan’ny fahatanorako aho.»
20Moa zanaka malala#31,20 Moa zanaka malala? Tamin’ny fandrenesana ny fivavahan’i Efraima, dia nangoraka ny fon’Andriamanitra, ary na Izy aza dia gaga, fa ity zaza tsy nahavaly fitia, nanjary zanaka malala loatra indray. loatra ho ahy va i Efraima,
zanaka mahazo tombom-pitia?
fa isaky ny miteny mamely azy Aho,
dia mba mahatsiaro azy ihany indray;
ka mangotika ny atiko noho ny aminy?
Eny hamindra fo aminy Aho. - teny marin’i Iaveh. -
21Manangàna famantaran-dalana#31,21 Manangàna famantaran-dalàna. Alohan’ny hialana amin’ny tany fahababoana dia aoka haniraka mpisava lalana i Efraima hanatsoaka fàntaka amin’ny lalana, mba tsy hisy ho diso lalana na dia iray aza., manorena famolaina ho anao,
tandremo ny lalam-be,
ny lalana efa nalehanao.
Miverena, ry virjinin’i Israely,
miverena atỳ amin’ny tanànanao indray.
Mandra-pahoviana no hiriariavanao,
ry zanaka vavy mpiodina?
22Fa nahary zava-baovao amin’ny tany i Iaveh:
vehivavy hanodidina lehilahy#31,22 Vehivavy hanodidina lehilahy. Ny fivoasana an’izany, izay iombonan’ny Katôlika maromaro, dia milaza fa io andininy io dia nokendrena mihitsy hanambara ny fahatongavan’ny Teny ho nofo, tao an-kibo virjin’i Masina Maria. Toy izao koa, araka ny filazan’ny mpivaofy ny Soratra Masina sasantsasany, no nalehan’ny hevitry ny mpaminany: Hatramin’izay, dia i Iaveh no nikatsaka an’i Israely ary nilaza tamin’i Iz 65,2 fa namelatra ny tanany tontolo andro tamin’ny vahoaka mpiodina, ary ny fitiavany masina nanenjika azy tahaka ny manao sokera azy; nefa ninia tsy namaly izany i Israely. Izao kosa, dia mivadika ny rasa, ka ny firenen’i Israely zanaka mpikomy no hisakambina an’i Iaveh ka tsy te-hisaraka aminy intsony, fa manjary hoatry ny vadiny izy. - Misy teny maromaro azo entina manamarina izany fivoasana izany, izay milaza fa ny fivadihan’i Israely amin’Andriamanitra dia antsoina hoe fijangajangana. Iz 54, 6-8; Ezek 16; Os 2; Jer 2,2, sns..
Fanarenana nampanantenaina an’i Jodà
23Izao no lazain’i Iavehn’ny tafika,
Andriamanitr’i Israely:
Izao teny izao koa no holazaina
any amin’ny tanin’i Jodà, sy amin’ny tanànany,
raha avy izay hampodiako ireo lasan-ko babo tamin’izy ireo:
Hohasoavin’i Iaveh anie ianao, ry firenen’ny fahamarinana,
ry tendrombohitry ny fahamasinana!
24Honina ao avokoa i Jodà sy ny tanànany rehetra,
ny mpiasa tany mbamin-dry zareo mitarika ny biby fiompy.
25Fa ny fanahy mangetaheta, hampisotroiko,
ary ny fanahy reraka, hovokisako.
26Tamin’izay, dia nahatsiaro aho, ka hitako
fa mamy ny torimaso azoko.
I Israely sy i Jodà
27Indro, avy ny andro, - teny marin’i Iaveh, -
hamafazako eo amin’ny taranak’i Israely aman-taranak’i Jodà,
masombolin’olombelona sy masombolim-biby.
Ka izao no hitranga: toy ny niambenako azy ireo:
hongotana, hazera, harodana,
horavana ary hampahorina,
28no hiambenako azy kosa,
haorina sy hambolena, - teny marin’i Iaveh. -
Samy mitondra ny vokatry ny nataony
29Amin’izany andro izany, tsy hisy intsony hanao hoe:
Ny ray no nihinam-boaloboka#31,29 Ny rainy no nihinana. Lohateny mitarehin’ohabolana izany, ka ny heviny dia hoe, ny ray no nanota ka ny zanany no mitondra famaizana (ampitahao Ezek 18, 2-4; Eks 20,5). Ny faharatsian’ireo ray sy zanaka samy meloka dia niafara tamin’ny fampirehetana ny hatezeran’Andriamanitra, dia ny famaizana ny firenena izany; ka ny farany tamin’izany taranaka izany, dia niharan’ny sesitany tamin’ny fahababoana tany Babilôna. Tsy ho toy izany intsony anefa amin’ny ho avy; fa ho an’ireo vahoaka izay efa namindram-po sy nohavaozina, ny fiombonana amin’ny heloka rehetra nataon’ny rainy dia tapitra hatreo. maharikivy,
ka ny zanany no madilo nify.
30Fa samy ho fatin’ny helony avy ny olon-drehetra:
izay mihinam-boaloboka maharikivy, na iza na iza,
dia izy ihany no hadilo nify koa.
Fanekem-pihavanana vaovao
31Indro avy ny andro, - teny marin’i Iaveh, -
hanaovako fanekena vaovao
amin’ny taranak’i Israely sy ny taranak’i Jodà:
32ka tsy fanekena toy ny nataoko tamin’ny razany,
tamin’ny andro nitantanako azy,
nitondrako azy nivoaka avy any amin’ny tany Ejipta,
fanekena nivadihan’izy ireo,
na dia vadiny aza Aho.
33Fa izao no fanekena
hataoko amin’ny taranak’i Israely,
rehefa afaka izany andro izany, - teny marin’i Iaveh: -
Hataoko ao anatiny ny lalàko,
dia sady hosoratako ao am-pony#31,33 Ny lalàko... hosoratako ao am-pony. Ny lalàna dia tsy hiseho intsony ho toy ny voaterin’ny sitrapon’ny olon-kafa, na ho tahaka ny didy avy eo ivelany fotsiny; fa hoeken’ny mpino ao am-pony tsara ka hanjary sitraka sy mamin’ny olo-marina.;
ka ho Andriamanitr’izy ireo Aho,
ary izy ireo ho oloko.
34Tsy hisy olona hampianatra ny namany intsony#31,34 Tsy hisy olona hampianatra ny namany intsony. Amin’ny fanekena vaovao, ny fahalalana an’Andriamanitra dia ho lavorary sy ho fantatry ny be sy ny maro ary ho tiany kokoa (Iz 54,13; Jn 6,45; 2Kôr 3 sy ny manaraka; 1Jn 2,30 sy ny manaraka).,
na olona hampianatra ny rahalahiny,
hanao hoe: «Mahalalà an’i Iaveh!»
Fa hahalala Ahy avokoa izy rehetra, na ny kely na ny lehibe, - teny marin’i Iaveh.
Satria havelako ny haratsian’izy ireo
ary tsy hotsarovako intsony ny fahotany.
Haharitra i Israely
35Izao no lazain’i Iaveh#31,35-36 Izao no lazain’i Iaveh. Ny ambaran’ireo andininy ireo dia hoe: Raha mitsahatra ny fanekena vaovao, dia hitsahatra koa na dia ny lalàn’ny zava-boaary aza.,
izay manome ny masoandro, hanazava amin’ny antoandro;
sy mametra lalàna harahin’ny volana aman-kintana
hanazava amin’ny alina;
mampanonja ny ranomasina, ka mirohondrohona ny onjany;
- i Iavehn’ny tafika no Anarany: -
36Raha mitsahatra izany lalàna izany, na oviana na oviana,
eo anatrehako, - teny marin’i Iaveh, -
dia hitsahatra amin’izany koa ny taranak’i Israely,
tsy ho firenena mandrakizay eo anatrehako.
37Izao no lazain’i Iaveh:
Raha azo refesina ny lanitra ambony,
ka azo takarina ny fanorenan’ny tany ambany,
dia hakìfiko koa ny taranak’i Israely rehetra,
noho izay rehetra efa nataony, - teny marin’i Iaveh. -
38Indro avy ny andro#31,38-40 Indro avy ny andro. Raha araka ireo teny ireo, i Jerosalema vaovao, dia tsy maintsy ho eo akaikin’ny nitoerany fahiny tamin’ny andron’ny mpaminany ihany; izany hoe, ao andrefana sy ao atsimo ihany no hitarany. Ny ambaran’i Jeremia eto indrindra tsy dia ny hoe, hitatra hakadiribe ny tanàna, fa hoe, ho masina ho an’i Iaveh daholo ny tanàna manontolo, toy ny mahamasina ny Tempoly sy ny fitoerana masin’i Iaveh, teo aloha., - teny marin’i Iaveh, -
hanorenana indray ity tanàna ity, ho an’i Iaveh,
hatramin’ny tilikambon’i Hananeela ka hatramin’ny vavahadin’ny Zorony.
39Ny tady famolaina hohenjanina mahitsy,
eo amin’ny havoan’i Gareba,
ka hasangodina ho any Gôà.
40Ny lohasaham-paty aman-davenona rehetra,
mbamin’ny saha rehetra hatramin’ny lohasahan-driaka Sedrôna,
ka hatramin’ny zorom-bavahadin-tSoavaly mitodika atsinanana
dia ho fitoerana masina ho an’i Iaveh,
ary tsy hongotana na horavana intsony izy mandrakizay.
Voafantina amin'izao fotoana izao:
Jeremia 31: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.
Jeremia 31
31
# 31 Fifalian’i Israely noho izy tafaverina tany Kanaana (and 1-14). Fanavaozana manokana an’i Efraima (and 15,22); an’i Jodà (and 23-26); ny fiangonan’ny vahoaka (and 27-30). Fanekena vaovao nataon’Andriamanitra tamin’ny vahoakany (and 31-32); Jerosalema vaovao (and 38-40). 1Amin’izany andro izany, - teny marin’i Iaveh, -
Izaho ho Andriamanitry
ny fianakaviana rehetra amin’i Israely,
ary izy ireo ho oloko.
2Izao no lazain’i Iaveh:
Nahita fitia tany an’efitra ny vahoaka afaka tamin’ny sabatra;
ta-hanome fitsaharana an’i Israely aho.
3Niseho tamiko tany lavitra tany#31,3 Niseho tamiko tany lavitra tany: Satria natao sesitany tany Babilôna ny vahoaka Jody; noho izany dia lavitra any amin’ny tendrombohitr’i Siôna no nisehoan’i Iaveh, mba ho fanalana alahelo sy fanantenan’izy ireo. i Iaveh.
Fitiavana mandrakizay no nitiavako anao;
izany no nampaharetako ny famindram-po aminao.
4Izaho hanorina anao indray, dia ho voaorina indray ianao,
ry virjinin’i Israely;
hiramarama amin’ny ampongatapakao indray,
ary hamindra amin’ny dihy fifaliana.
5Hamboly ny tanimboalobokao indray ianao
any an-tendrombohitr’i Samaria#31,5 Any an-tendrombohitr’i Samaria. Malaza io tendrombohitra io, noho ny voaloboka maniry ao aminy.:
izay mamboly, hamboly ka hioty.
6Fa efa avy ny andro, hiantsoan’ny mpiambina#31,6 Hiantsoan’ny mpiambina. - Ny tily napetraka teny an-tendrombohitra mba hijery tsara sy hanambara miaraka amin’izay ny fiantombohan’ny fahatsinanan’ny volana; satria niankina tamin’ny fiantsoan’izy ireo ny nandraiketana ny fiantombohan’ny volana sy ny fotoan’ny fetim-pivavahana. Ireo vahoaka tamin’ny foko folo (Efraima no enti-milaza azy: jereo Iz 7,2) hatramin’ny andron’i Jerôbôama, dia tsy mba nanana anjara intsony tamin’ny raharaha masina momba ny fivavahana izay nankalazaina tany Jerosalema; izy ireo izao anefa dia hiverina amin’izany raharaha masina fanaon’ny firenena izay.
any amin’ny tendrombohitr’i Efraima hoe:
«Mitsangana ianareo, ka andeha isika hiakatra any Siôna,
ho any amin’i Iaveh Andriamanitsika!»
7Fa izao no lazain’i Iaveh:
Mihobia an-kafaliana, ny amin’i Jakôba,
manaova firavoravoana, noho ny amin’ilay lohan’ny firenena;
ataovy re ny feonareo, mihirà hira fiderana, ka lazao hoe:
«Ry Iaveh, vonjeo ny olonao,
dia ny sisa amin’i Israely!»
8Indro Aho mamerina azy
avy any amin’ny tany avaratra;
manangana azy avy any amin’ny faran’ny tany.
Ho eo amin’izy ireo ny jamba sy ny mandringa,
ny manana anaka sy ny efa mihetsi-jaza;
hanao dia be izy ireo no hiverina atỳ.
9Hiverina amin-dranomaso izy;
ary eo amin’ny fifonany no hitondrako azy miverina;
eny amin’ny rano velona, no hitarihako azy,
amin’ny lalana marin-tampona tsy hahatafintohina azy;
satria efa ray ho an’i Israely Aho,
ary lahimatoako i Efraima#31,9 Lahy matoako i Efraima: Mitovy saranga amin’ireo rahalahiny izy, na dia amin’i Jodà aza..
10Ianareo, firenena, mihainoa ny tenin’i Iaveh,
ary torionareo izany, avy amin’ireo nosy lavitra;
ataovy hoe: «Ilay nampiely an’i Israely, dia hanangona azy indray;
ary hiandry azy toy ny fiandrin’ny mpiandry ondry ny ondriny»;
11Satria i Iaveh, efa nanavotra an’i Jakôba,
sy nanafaka azy tamin’ny tanan’ny mahery noho izy.
12Ho avy izy, omban-kobim-pifaliana ho eo amin’ny havoan’i Siôna.
Hitanjozotra ho eo amin’ny zava-tsoan’i Iaveh izy ireo,
ho amin’ny vary, ny divay vaovao, ny diloilo,
ho amin’ny ondry aman’omby;
ho toy ny saha vonton-drano ny fanahiny,
ka hitsahatra tsy halazo intsony.
13Amin’izany, hifaly amin’ny dihy ny zazavavy,
mbamin’ny zazalahy, sy ny anti-panahy koa.
Hampodiko ho fifaliana ny fisaonany,
halàko alahelo, hampifaliako izy ireo manaraka ny fijaliany.
14Hovokisako ny matavy#31,14 Hovokisako ny matavy. Izany hoe, rehefa manolotra ny fanati-pihavanana na fisaorana ny vahoaka; ny sasany amin’izany fanatitra izany dia natao ho anjaran’ny mpisorona. Jereo Lev 7,31 sy ny manaraka. ny fanahin’ny mpisorona;
ary hivoky ny zava-tsoako ny oloko;
- teny marin’i Iaveh. -
15Izao no lazain’i Iaveh:
Nisy feo re tany Ramà,
dia fidradradradràna sy fitomaniana mangidy;
fa nitomany ny zanany i Rasela#31,15 I Rasela: Izy no renin’i Josefa (koa noho izany, dia reniben’i Efraima sy Manase izay vao nolazaina teo fa tafaverina) sady renin’i Benjamina koa izy, sady tsy maty tamin’ny niterahany azy; ka i Rasela eto dia tandindon’ny reny rehetra ao amin’ny Israelita. Aseho ho mipetraka eo amin’ny havoanan’i Ramà izy, izay ahitana ny tanin’i Efraima ary midradradradra mitomany ny taranany izay vonoin’ny fahavalo ho faty. Ampitahao amin’ny Mt 2,17 sy ny manaraka.
ka mandà tsy hampiononina izy,
ny amin’ny zanany, satria tsy velona intsony ireo.
16Izao no lazain’i Iaveh:
Sakano ny feonao tsy hitaraina
ary ny masonao tsy hitomany;
fa hahazo valisoa ny asanao, - teny marin’i Iaveh. -
Hody avy any an-tanim-pahavalo izy ireo.
17Misy fanantenana ho amin’ny fara andronao,
- teny marin’i Iaveh, -
ary dia hiverina ho amin’ny faritaniny indray ny zanako.
18Reko ny fitarainan’i Efraima hoe:
«Nofaizanao aho, ka voafay,
toy ny vantotr’ombalahy tsy voafolaka;
avereno aho, dia hiverina,
satria ianao no Iaveh Andriamanitro;
19Fa nony efa nivily aho, dia nanenina;
ary nony efa nahalala aho, dia nisafo sirana
sady menatra sy nangaihay,
satria mitondra ny fahafaham-barakan’ny fahatanorako aho.»
20Moa zanaka malala#31,20 Moa zanaka malala? Tamin’ny fandrenesana ny fivavahan’i Efraima, dia nangoraka ny fon’Andriamanitra, ary na Izy aza dia gaga, fa ity zaza tsy nahavaly fitia, nanjary zanaka malala loatra indray. loatra ho ahy va i Efraima,
zanaka mahazo tombom-pitia?
fa isaky ny miteny mamely azy Aho,
dia mba mahatsiaro azy ihany indray;
ka mangotika ny atiko noho ny aminy?
Eny hamindra fo aminy Aho. - teny marin’i Iaveh. -
21Manangàna famantaran-dalana#31,21 Manangàna famantaran-dalàna. Alohan’ny hialana amin’ny tany fahababoana dia aoka haniraka mpisava lalana i Efraima hanatsoaka fàntaka amin’ny lalana, mba tsy hisy ho diso lalana na dia iray aza., manorena famolaina ho anao,
tandremo ny lalam-be,
ny lalana efa nalehanao.
Miverena, ry virjinin’i Israely,
miverena atỳ amin’ny tanànanao indray.
Mandra-pahoviana no hiriariavanao,
ry zanaka vavy mpiodina?
22Fa nahary zava-baovao amin’ny tany i Iaveh:
vehivavy hanodidina lehilahy#31,22 Vehivavy hanodidina lehilahy. Ny fivoasana an’izany, izay iombonan’ny Katôlika maromaro, dia milaza fa io andininy io dia nokendrena mihitsy hanambara ny fahatongavan’ny Teny ho nofo, tao an-kibo virjin’i Masina Maria. Toy izao koa, araka ny filazan’ny mpivaofy ny Soratra Masina sasantsasany, no nalehan’ny hevitry ny mpaminany: Hatramin’izay, dia i Iaveh no nikatsaka an’i Israely ary nilaza tamin’i Iz 65,2 fa namelatra ny tanany tontolo andro tamin’ny vahoaka mpiodina, ary ny fitiavany masina nanenjika azy tahaka ny manao sokera azy; nefa ninia tsy namaly izany i Israely. Izao kosa, dia mivadika ny rasa, ka ny firenen’i Israely zanaka mpikomy no hisakambina an’i Iaveh ka tsy te-hisaraka aminy intsony, fa manjary hoatry ny vadiny izy. - Misy teny maromaro azo entina manamarina izany fivoasana izany, izay milaza fa ny fivadihan’i Israely amin’Andriamanitra dia antsoina hoe fijangajangana. Iz 54, 6-8; Ezek 16; Os 2; Jer 2,2, sns..
Fanarenana nampanantenaina an’i Jodà
23Izao no lazain’i Iavehn’ny tafika,
Andriamanitr’i Israely:
Izao teny izao koa no holazaina
any amin’ny tanin’i Jodà, sy amin’ny tanànany,
raha avy izay hampodiako ireo lasan-ko babo tamin’izy ireo:
Hohasoavin’i Iaveh anie ianao, ry firenen’ny fahamarinana,
ry tendrombohitry ny fahamasinana!
24Honina ao avokoa i Jodà sy ny tanànany rehetra,
ny mpiasa tany mbamin-dry zareo mitarika ny biby fiompy.
25Fa ny fanahy mangetaheta, hampisotroiko,
ary ny fanahy reraka, hovokisako.
26Tamin’izay, dia nahatsiaro aho, ka hitako
fa mamy ny torimaso azoko.
I Israely sy i Jodà
27Indro, avy ny andro, - teny marin’i Iaveh, -
hamafazako eo amin’ny taranak’i Israely aman-taranak’i Jodà,
masombolin’olombelona sy masombolim-biby.
Ka izao no hitranga: toy ny niambenako azy ireo:
hongotana, hazera, harodana,
horavana ary hampahorina,
28no hiambenako azy kosa,
haorina sy hambolena, - teny marin’i Iaveh. -
Samy mitondra ny vokatry ny nataony
29Amin’izany andro izany, tsy hisy intsony hanao hoe:
Ny ray no nihinam-boaloboka#31,29 Ny rainy no nihinana. Lohateny mitarehin’ohabolana izany, ka ny heviny dia hoe, ny ray no nanota ka ny zanany no mitondra famaizana (ampitahao Ezek 18, 2-4; Eks 20,5). Ny faharatsian’ireo ray sy zanaka samy meloka dia niafara tamin’ny fampirehetana ny hatezeran’Andriamanitra, dia ny famaizana ny firenena izany; ka ny farany tamin’izany taranaka izany, dia niharan’ny sesitany tamin’ny fahababoana tany Babilôna. Tsy ho toy izany intsony anefa amin’ny ho avy; fa ho an’ireo vahoaka izay efa namindram-po sy nohavaozina, ny fiombonana amin’ny heloka rehetra nataon’ny rainy dia tapitra hatreo. maharikivy,
ka ny zanany no madilo nify.
30Fa samy ho fatin’ny helony avy ny olon-drehetra:
izay mihinam-boaloboka maharikivy, na iza na iza,
dia izy ihany no hadilo nify koa.
Fanekem-pihavanana vaovao
31Indro avy ny andro, - teny marin’i Iaveh, -
hanaovako fanekena vaovao
amin’ny taranak’i Israely sy ny taranak’i Jodà:
32ka tsy fanekena toy ny nataoko tamin’ny razany,
tamin’ny andro nitantanako azy,
nitondrako azy nivoaka avy any amin’ny tany Ejipta,
fanekena nivadihan’izy ireo,
na dia vadiny aza Aho.
33Fa izao no fanekena
hataoko amin’ny taranak’i Israely,
rehefa afaka izany andro izany, - teny marin’i Iaveh: -
Hataoko ao anatiny ny lalàko,
dia sady hosoratako ao am-pony#31,33 Ny lalàko... hosoratako ao am-pony. Ny lalàna dia tsy hiseho intsony ho toy ny voaterin’ny sitrapon’ny olon-kafa, na ho tahaka ny didy avy eo ivelany fotsiny; fa hoeken’ny mpino ao am-pony tsara ka hanjary sitraka sy mamin’ny olo-marina.;
ka ho Andriamanitr’izy ireo Aho,
ary izy ireo ho oloko.
34Tsy hisy olona hampianatra ny namany intsony#31,34 Tsy hisy olona hampianatra ny namany intsony. Amin’ny fanekena vaovao, ny fahalalana an’Andriamanitra dia ho lavorary sy ho fantatry ny be sy ny maro ary ho tiany kokoa (Iz 54,13; Jn 6,45; 2Kôr 3 sy ny manaraka; 1Jn 2,30 sy ny manaraka).,
na olona hampianatra ny rahalahiny,
hanao hoe: «Mahalalà an’i Iaveh!»
Fa hahalala Ahy avokoa izy rehetra, na ny kely na ny lehibe, - teny marin’i Iaveh.
Satria havelako ny haratsian’izy ireo
ary tsy hotsarovako intsony ny fahotany.
Haharitra i Israely
35Izao no lazain’i Iaveh#31,35-36 Izao no lazain’i Iaveh. Ny ambaran’ireo andininy ireo dia hoe: Raha mitsahatra ny fanekena vaovao, dia hitsahatra koa na dia ny lalàn’ny zava-boaary aza.,
izay manome ny masoandro, hanazava amin’ny antoandro;
sy mametra lalàna harahin’ny volana aman-kintana
hanazava amin’ny alina;
mampanonja ny ranomasina, ka mirohondrohona ny onjany;
- i Iavehn’ny tafika no Anarany: -
36Raha mitsahatra izany lalàna izany, na oviana na oviana,
eo anatrehako, - teny marin’i Iaveh, -
dia hitsahatra amin’izany koa ny taranak’i Israely,
tsy ho firenena mandrakizay eo anatrehako.
37Izao no lazain’i Iaveh:
Raha azo refesina ny lanitra ambony,
ka azo takarina ny fanorenan’ny tany ambany,
dia hakìfiko koa ny taranak’i Israely rehetra,
noho izay rehetra efa nataony, - teny marin’i Iaveh. -
38Indro avy ny andro#31,38-40 Indro avy ny andro. Raha araka ireo teny ireo, i Jerosalema vaovao, dia tsy maintsy ho eo akaikin’ny nitoerany fahiny tamin’ny andron’ny mpaminany ihany; izany hoe, ao andrefana sy ao atsimo ihany no hitarany. Ny ambaran’i Jeremia eto indrindra tsy dia ny hoe, hitatra hakadiribe ny tanàna, fa hoe, ho masina ho an’i Iaveh daholo ny tanàna manontolo, toy ny mahamasina ny Tempoly sy ny fitoerana masin’i Iaveh, teo aloha., - teny marin’i Iaveh, -
hanorenana indray ity tanàna ity, ho an’i Iaveh,
hatramin’ny tilikambon’i Hananeela ka hatramin’ny vavahadin’ny Zorony.
39Ny tady famolaina hohenjanina mahitsy,
eo amin’ny havoan’i Gareba,
ka hasangodina ho any Gôà.
40Ny lohasaham-paty aman-davenona rehetra,
mbamin’ny saha rehetra hatramin’ny lohasahan-driaka Sedrôna,
ka hatramin’ny zorom-bavahadin-tSoavaly mitodika atsinanana
dia ho fitoerana masina ho an’i Iaveh,
ary tsy hongotana na horavana intsony izy mandrakizay.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.