Jôba 24
24
1Nahoana no tsy misy fotoana natokan’ny Tsitoha,
ary ireo manompo Azy tsy mba mahita ny androny?#24,1 Tsy mahita ny androny: Ny mpanompon’Andriamanitra aza tsy mahalala na tsy mahita ny fotoana sy ny andro natokany, izay hitsarany sy hamaliany ny olona rehetra.
2Misy olona mamindra orim-bato#24,2 Mamindra orim-bato: Vato mamaritra ny tanin’ny olona no afindrany. Nataon’ny olona taloha ho heloka ratsy tokoa izany, satria ny orim-bato noheverina ho zavatra masina, tsy azo kasihina, fa hoatra ny ambenan’Andriamanitra. Na teto amintsika Malagasy koa aza dia anisan’ny zava-dratsy koa ny mamindra orim-bato.,
miandry biby fiompy nangalariny,
3mandroaka ny ampondran’ny kamboty,
mitana ny ombin’ny mananotena ho tsatòka,
4manosika ny mahantra hivily lalana,
ka voatery hiery avokoa ny madinika amin’ny tany#24,2-4 Famisavisàna ny asa ratsin’ny olona ratsy fanahy izay mivelona amin’ny fandrobana sy fifetsena ary filokàna..
5Mova tsy ny ampondra dia any an’efitra izy:
dia nivoaka izy hanao ny asany,
mitady ny rembiny hatramin’ny vao maraina.
Ny tany efitra no ahazoany hanina ho an-janany;
6ny salohim-bary eny an-tsaha no tsongoiny,
ary ao an-tanimboaloboky ny mpampahory azy izy no mifetsy.
7Mihanjaka izy ireo, ary mandritra ny alina, noho ny fitafiana tsy misy,
mandry tsy amim-pirakofana aro hatsiaka.
8Kotsan’ny ranonorana eny an-tendrombohitra,
mitampisaka eny amin’ny vatolampy fa tsy manan-kialofana#24,5-8 Filazana ny fahoriana mahazo ny olona ampahorian’ny ratsy fanahy.
9Misarika ny kamboty eo am-pinonoana,
maka tsatòka amin’ny olona ory;
10ka dia miboridana tsy manan-kitafy ireo,
noana mivesatra ny amboaram-barin’ny tompo;
11mamia ny diloilo ao an-trano fitahirizana divay;
mangetaheta eo am-pamiazana voaloboka.
12Misondrotra avy eny an-tanàna eny ny feon’ny olona mitoloko,
velon-taraina ny ain’ny voaratra,
nefa tsy ahoan’Andriamanitra izany heloka bevava izany!
13Misy mitoetra ao amin’ny fahavalon’ny fahazavana,
tsy mahalala ny lalany akory,
na maharitra mizotra amin’ny sakeli-dalany.
14Ny mpamono olona mifoha vao mangiran-dratsy,
mamono ny ory aman-tsy manana,
misodisody alina toa jiolahy.
15Ny mason’ny mpaka vadin’olona mikendry izay iavian’ny maizimaizina;
tsy misy mahita any, hoy izy,
dia manao very maso izy.
16Ny sasany manamy trano amin’ny alina,
miery nony antoandro;
tsy mahalala ny fahazavana izy.
17Toy ny aloky ny fahafatesana ho azy ireo ny maraina#24,17 Toy ny aloky ny fahafatesana ho azy ny maraina: Satria ao amin’ny maizina no ahavitany ny helony; ka mampiharihary ny haratsiany ny mazava; ka izany no ahatahorany azy.,
satria ny alina mahatahotra no efa mahazatra azy.
18Ah, mitsinkafona ambonin’ny rano,
toy ny zava-maivana, ny tsy mivavaka,
tsy manana afa-tsy anjara voaozona izy eto an-tany,
tsy mba manitsy lalana mankany amin’ny tanimboaloboka izy.
19Toy ny ifohan’ny maina sy ny hafanana ny ranom-panala,
no iteleman’ny Seoly ny mpanota.
20Ah, ny kibo nitoerany manadino azy,
ny olitra mihinana azy amam-pankafizana,
ny olona tsy mahatsiaro azy intsony;
tapaka toy ny hazo ny haratsiana.
21Nandroba ny momba tsy niteraka izy,
ary tsy nanisy soa ny mananotena.
22Ny olo-mahery kosa anefa hozongozonin’ny herin’Andriamanitra;
mitsangana izy, dia tsy manampò izay ho velona intsony ireo;
23ataony mahatoky tsy manana ahiahy ihany ireo,
fa ataony andry maso eny amin’izay alehany.
24Mba misandratra izy, nefa vetivety, dia tsy eo intsony indray;
mianjera sy jinjaina toy ny olon-drehetra,
tangosana toy ny salohim-bary.
25Raha tsy izany no izy, dia iza kosa no hamaky lainga ahy?
Iza no hampiseho ny teniko ho tsinontsinona?»
Voafantina amin'izao fotoana izao:
Jôba 24: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.