Jônasy 4
4
Sosotra i Jônasy fa novalian’Andriamanitra
1Nampalahelo mafy an’i Jônasy izany ka tezitra terỳ izy. 2Nanao fivavahana tamin’i Iaveh izy hoe: «Indrisy Iaveh ô! Tsy izao indrindra va no nolazaiko, fony aho mbola tany amin’ny taniko. Koa izany no nandosirako tany Tarsisa aloha, satria fantatro fa Andriamanitra mamindra fo sy miantra, malain-kitezitra, be fitiavana Ianao, ary manenina amin’ny loza voalazanao. 3Koa ankehitriny, Iaveh ô, esory amiko ny fanahiko, fa aleoko maty toy izay velona». 4Fa hoy ny navalin’i Iaveh: «Mety va ny hatezeranao?» 5Dia nivoaka ny tanàna i Jônasy, ka nipetraka teo atsinanan-tanàna, nanao trano rantsan-kazo ho azy, sy nipetraka nialokaloka teo ambonin’io mandra-pahitany izay hanjò ny tanàna. 6Ary i Iaveh Andriamanitra, nampaniry tanantanamanga#4,6 Tanantanamanga: fahagagana angamba no nampanirian’Andriamanitra an’izany, satria vao nampaniriany, dia nisondrotra, ka azo nialokalofana. Jereo koa and 10: Naniry tamin’ny indray alina monja., izay nisondrotra teo ambonin’i Jônasy, mba hialokalofan’ny lohany mba hanafahana azy amin’ny alahelony; ka nahatsiaro faly erỳ i Jônasy tamin’ny tanantanamanga. 7Kanjo nony ampitso raha vao niposaka ny mazava atsinanana, dia nandefa fositra i Iaveh hamely ilay tanantanamanga, ka tonga maina izy. 8Nony niposaka indray ny masoandro, nandefa rivotra mahamay avy any atsinanana i Iaveh sady nasiany masoandro ny lohan’i Jônasy, ka efa ana mihitsy izy. Nangataka ny ho faty izy ka nanao hoe: «Aleoko maty toy izay ho velona». 9Fa hoy i Iaveh tamin’i Jônasy: «Mety va izao hatezeranao noho ny amin’ny tanantanamanga izao?». Ka hoy ny navaliny: «Mety ny hatezerako mandra-pahafatiko#4,9 Mety ny hatezerako mandra-pahafatiko. Nentim-po i Jônasy ka namaly matevina. ».
10Dia hoy i Iaveh: «Ianao malahelo#4,10, 11 Ianao malahelo, sns. Fanoharana tsara loatra no nataon’i Iaveh, izay mampiseho ny fahaizany mampifanaraka ny famaizana efa nokasainy hatao fa natsahany, nefa tsy mifanohitra amin’ny fahamarinany. noho ny amin’ny tanantanamanga izay tsy nisasaranao, tsy nampanirianao, izay naniry tamin’ny indray alina monja, dia maty tanatin’ny indray alina koa; 11ka Izaho va tsy mba halahelo noho ny amin’i Niniva, tanàna lehibe, izay misy olona tsy omby roa alina sy iray hetsy, tsy mahay manavaka ny havanany amin’ny haviany#4,11 Tsy mahay manavaka ny havanany amin’ny haviany: olona mbola tsy vory saina ka tsy manan-tsiny no lazaina amin’izany., ary biby be dia be!»
Voafantina amin'izao fotoana izao:
Jônasy 4: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.