Nehemia 10
10
Tatitry ny fanekena nataon’ny vahoaka manontolo
1«Noho izany rehetra izany, dia manao fanekena masina izahay ka nalatsakay an-tsoratra, ary ny lehibenay, ny Levitanay sy ny mpisoronay nanisy ny tombokaseny eo avy.»
2Ireto izy no nanisy ny tombokaseny avy: i Nehemia, governora zanak’i Helkiasa, 3i Sedekiasa, i Saraiasa, i Azariasa, i Jeremia, 4i Fasora, i Amariasa, i Melkiasa, 5i Hatosa, i Sebeniasa, i Melòka, 6i Harema, i Merimota, i Abdiasa, i Daniela, 7i Gentona, i Baròka, i Mosolama, i Abiasa, 8i Miamina, i Maaziasa, 9i Belgay, i Semeiàsa, samy mpisorona ireo. 10Ary ny Levita: Josoe zanak’i Azaniasa, Benay, isan-janak’i Henadada, 11Kedmiela, mbamin’ireo rahalahiny, Sebeniasa, Odaiasa, Kelità, Falaiasa, 12Hanàna, Mikà, Rohoba, Hasebiasa, 13Zakora, Serebiasa, Sabaniasa, 14Odaiasa, Banỳ, Baninò. 15Filohan’ny vahoaka: Farosa, Fahat-Moaba, Elama, Zetò, Banỳ, 16Bonỳ, Azgada, Bebay, 17Adoniasa, Begoai, Adìna, 18Atera, Ezekiasa, Azôra, 19Odaiasa, Hasoma, Besay, 20Harefa, Anatota, Nebay, 21Megfiasa, Mosolama, Hazira, 22Mesezabela, Sadôka, Jedoà, 23Feltiasa, Hanàna, Anaisa, 24Osea, Anania, Hasoba, 25Alohesa, Faleà, Sobeka, 26Rehoma, Hasebnà, 27Maasiasa, Ekiasa, Hanàna, 28Anana, Melòka, Harima, Baanà.
29Ny vahoaka sisa, ny mpisorona, ny levita, ny mpiandry varavarana, ny mpihira, ny Natineanina, ary izay rehetra nisaraka tamin’ny vahoakan’ny tany, hanaraka ny lalàn’Andriamanitra, mbamin’ny vadin’ireo, ny zanany lahy aman-janany vavy, 30izay afa-nahalala sy manan-tsaina rehetra, dia samy nikambana tamin’ireo rahalahiny, dia ny andriandahiny, avokoa, nanome toky tamim-piozonana amam-pianianana fa hanaraka ny lalàn’Andriamanitra, izay nomena tamin’ny alalan’i Môizy, mpanompon’Andriamanitra, hitandrina sy hankatò ny didin’i Iaveh Tompontsika, mbamin’ny fitsipiny aman-dalàny. 31Indrindra fa nanome toky izahay fa tsy hanome ny zanakay vavy ho vadin’ny vahoakan’ny tany, na haka ny zanany vavy ho vadin’ny zanakay lahy; 32tsy hividy na inona na inona amin’ny andro sabata sy ny andro fety#10,32 Andro fety: Andro voatokana hankalazana an’Andriamanitra. amin’ny entam-barotra na zava-pihinana, na inona na inona, raha sendra misy entin’ny vahoakan’ny tany hamidy amin’ny andro sabata; hamela ny tany hijanona#10,32 Hamela ny tany hijanona: Jereo Lev 25,4. tsy ambolena amin’ny taona fahafito, sady hamoy ny trosa#10,32 Hamoy ny trosa: Jereo Deter 15,2. rehetra.
33Nataonay didy ho anay ny handoa ampahatelon-tsikla isan-taona, amin’ny momba ny fanompoana ao an-tranon’ny Andriamanitra, 34ny mofo alahatra, ny fanatitra tsy tapaka, ny sorona dorana tsy tapaka, ny sorona amin’ny sabata, ny voaloham-bolana ary ny fety, ny zavatra masina#10,34 Ny zavatra masina, na voahasina: Ny diloilo, ny emboka, sns., ny sorona noho ny ota, hanaovana ny fanonerana ho an’ny zanak’i Israely, mbamin’izay rehetra fanao ao an-tranon’ny Andriamanitsika.
35Nanao filokana izahay mpisorona, Levita, vahoaka, ny amin’ny hanaterana ny kitay hazo, mba samy hitondra izany ao an-tranon’ny Andriamanitsika, isam-pianakaviana araka ny anjara fotoany avy, amin’ny fotoana voaraikitra, isan-taona, mba harehitra eo ambonin’ny ôtelin’i Iaveh Andriamanitsika, araka ny voasoratra ao amin’ny lalàna. 36Nametra-teny izahay fa hanatitra ao an-tranon’i Iaveh isan-taona ny voaloham-bokatry ny taninay#10,36 Ny voaloham-bokatry ny tany sns. Didy ho an’ny Jody ny manolotra izany isan-taona. sy ny santatry ny voankazo rehetra avy amin’ny hazo mamoa rehetra, 37hitondra ho ao an-tranon’ny Andriamanitsika, amin’ny mpisorona manao ny fanompoana ao an-tranon’ny Andriamanitsika, ny lahy matoanay sy ny voalohan-teraky ny biby fiompinay, araka ny voasoratra ao amin’ny lalàna, ary ny voalohan-teraky ny omby aman’ondrinay. 38Toraka izany koa hanatitra ho an’ny mpisorona ao amin’ny efitrano, ao an-tranon’ny Andriamanitsika, ny santatry ny kobanay amam-panatitray voaavaka mbamin’ny voankazo avy amin’ny hazo rehetra, ny divay vaovao ary ny diloilo, ary hanolotra amin’ny Levita ny ampahafolon’ny vokatry ny taninay; ary ny tenan’ny Levita no haka ny ampahafolony any amin’ny tanàna rehetra fambolenay. 39Ny mpisorona taranak’i Aarôna#10,39 Ny mpisorona taranak’i Aarôna. Izany hoe tsy maintsy mpisorona miaraka amin’ny Levita mandeha mandray ny ampahafolony, mba hitandrina ny fandoavan’ny olona izany sy ny fanateran’ny levita ho an’ny mpisorona izay anjarany amin’izany, dia ny ampahafon’ny fahafolony, araka ny lalàn’i Môizy (Fanis 18,26-27)., hiaraka amin’ny Levita, rehefa mandray ny fahafolony ny Levita, ary ny ampahafolon’ny fahafolony dia haterin’ny Levita ao an-tranon’Andriamanitra ao amin’ny efitrano fitahirizan-drakitra#10,39 Fitahirizan-drakitra, fitoerana toy ny magazày na sompitra fitahirizana ny zavatra rehetra voatolotra sy voatokana ho an’ny fanompoana masina ao amin’ny tempoly.. 40Fa ao amin’ny efitrano no hanateran’ny zanak’i Israely sy ny taranak’i Levì ny fanatitra avy amin’ny vary sy ny divay aman-diloilo; ao no misy ny fanaky ny fitoerana masina, sy itoeran’ny mpisorona manao ny fanompoana, mbamin’ny mpiandry varavarana sy ny mpihira, ka amin’izany tsy hataonay mosalahy ny amin’ny tranon’Andriamanitra.
Voafantina amin'izao fotoana izao:
Nehemia 10: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.