Filemôna 1
1
Fiarahabana
1I Paoly mpifatotra noho ny amin’i Kristy Jesoa sy i Timote namana iray finoana, mamangy an’i Filemôna malala sady mpiara-miasa aminay, 2sy i Apia anabavy malala#1,2 Apia anabavy. Vadin’i Filemôna angamba., sy i Arkipo mpiara-miady aminay, ary ny Eglizy izay ao an-tranonao: 3ho ao aminareo anie ny fahasoavana sy ny fiadanana avy amin’Andriamanitra Raintsika sy i Jesoa Kristy Tompo.
Be fitiava-namana i Filemôna.
Fisaorana an’Andriamanitra sy vavaka
4Mahatsiaro anao mandrakariva amin’ny fivavahako aho ka misaotra an’Andriamanitra, 5satria reko ny finoanao an’i Jesoa Tompo sy ny fitiavanao ny olona masina rehetra#1,5 Ny olo-masina rehetra. Ny kristianina.. 6Enga anie ny hazavam-ponao avy amin’ny finoana ka hanan-kery tokoa hampiharihary fatratra ny soa rehetra ananantsika amin’ny alalan’i Kristy! 7Fa mameno hafaliana amam-panalana alahelo ahy ny fitiavanao, noho ianao efa namelombelona ny fon’ny olona masina, ry rahavana.
Fiangaviana handraisana an’i Onesimo
8Koa amin’izany, na dia azoko atao aza ny mandidy anao ao amin’i Kristy amin’izay tokony hataonao, 9dia aleoko miangavy aminao noho ny fitiavana. Hitanao izaho Paoly efa antitra sady mpifatotr’i Jesoa Kristy koa ankehitriny, 10dia mifona aminao ho an’i Onesimo zanako naterako teto am-patorana, 11izay tsy nahasoa anao#1,11 Tsy nahasoa anao: tsy nandia ny anarany, fa «Onesimo» dia mahasoa no heviny. loatra fahiny, fa mahasoa antsika tokoa ankehitriny, dia ianao sy izaho. 12Ampodiko atỳ aminao izy, ilay sombin’ny aiko. 13Nikasa hihazona azy tatỳ amiko aho, mba hanompo ahy ho solonao, eto amin’ny fifatorako noho ny amin’ny Evanjely; 14saingy naleoko tsy nanao na inona na inona raha tsy teny ierana aminao, mba tsy ho an-tery setra ny asa soanao, fa ho an-tsitrapo tokoa. 15Angamba koa i Onesimo no niala vetivety teto aminao, dia ny mba hanananao azy mandrakizay, 16tsy toy ny mpanompo intsony, fa mihoatra noho ny mpanompo, dia tahaka ny rahalahy malala, ho ahy indrindra ary mainka fa ho anao, na araka ny nofo, na araka ny Tompo. 17Koa raha ataonao ho namanao tokoa aho, dia raiso tahaka ny tenako izy; 18ary raha nanao ny tsy marina taminao izy, na nitrosa taminao, dia ataovy ho trosako aminao izany.
19Izaho Paoly no manoratra ity amin’ny tanako, izaho no hanefa izany, mba tsy hilazako aminao fa mpitrosako ianao#1,19 Mpitrosako, sns., satria izy no nahatonga an’i Filemôna ho mpino sy ho an’ny famonjena., ary ahy mbamin’ny tenanao aza. 20Eny, rahavako, aoka hifaliako ao amin’ny Tompo ianao, ka velombelomy ao amin’i Kristy ny foko. 21Izaho no nanoratra ity taminao, dia matoky marina fa hoekenao ary hanao mihoatra noho izay angatahiko aza ianao.
Torohevitra sy fanaovam-beloma
22Dia mba anomano trano hitoerako koa aho, fa noho ny vavaka ataonareo dia manantena aho fa haverina aminareo. 23Manao veloma anao i Epafrasy, mpiara-mifatotra amiko ao amin’i Kristy Jesoa, 24sy i Marka, sy i Aristarka sy i Demasy, ary i Lioka, izay mpiara-miasa amiko. 25Ho ao amin’ny fanahinareo anie ny fahasoavan’i Jesoa Kristy Tompontsika.
Voafantina amin'izao fotoana izao:
Filemôna 1: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.