Salamo 36
36
SALAMO 36 (Volgata 35)
Haratsian’ny mpanota sy hatsaram-pon’Andriamanitra
1 Ho an’ny mpampianatra hira. Nataon’i Davida mpanompon’i Iaveh.
2Ny tsy fahamarinanao miteny amin’ny ratsy fanahy ao am-pony#36,2 Ny tsy fahamarinana miteny amin’ny ratsy fanahy ao am-pony. Izany hoe: entin’ny haratsiany ny mpanota dia mieritreritra ao am-pony.;
ny fahatahorana an’Andriamanitra tsy mba eo imasony.
3Fa mandoka tena izy#36,3 Mandoka tena izy: na hoe manafina ny toe-dratsiny tsy ho hitan’Andriamanitra, mihatsaravelatsihy mba tsy ho fantatr’i Iaveh ny fahotany., eo imason’Andriamanitra.
Mihevitra fa hoe angamba tsy ho hitan’Andriamanitra na oviana na oviana
sy tsy hankahalainy ny helony.
4Tsy fahamarinana sy fitaka no tenenin’ny vavany;
efa natsahany ny mahalala sy manao soa.
5Tsy fahamarinana no saintsaininy eo am-pandriany;
lalana tsy marina no ifikirany;
tsy ariany ny ratsy.
6Ry Iaveh ô, mipaka amin’ny lanitra ny hatsaram-ponao,
mihatra amin’ny rahona ny fahamarinanao.
7Tahaka ny tendrombohitr’Andriamanitra#36,7 Ny tendrombohitr’Andriamanitra dia ny tendrombohitra avo indrindra tsy azo hozongozonina. ny hatsaram-ponao,
toy ny hantsana lehibe indrindra ny fitsarànao.
Ry Iaveh, samy tandremanao ny olona sy ny biby.
8Akory ity hasarobidin’ny hatsaram-ponao, Andriamanitra ô.
Ny aloky ny elatrao no itadiavan’ny zanak’olombelona fialofana.
9Boboky ny menaky ny tranonao#36,9 Boboky ny menaky ny tranonao. Ny menaky ny sorona atolotra ao an-tempoly no tondroin’izany teny izany; ny mpisorona sy ny Levita no nihinana azy. izy;
ary onim-pifaliana no ampisotroanao azy.
10Fa ao aminao no misy ny loharanon’aina;
ary amin’ny fahazavanao no ahitanay fahazavana.
11Tohizo ny hatsaram-ponao amin’izay matahotra Anao,
sy ny fahamarinanao amin’izay mahitsy fo#36,11 Tohizo ny fahamarinanao amin’izay mahitsy fo. Izany hoe: omeo ny rariny izy eo imason’ny fahavalony, izay mampahory tsy ahoan-tsy ahoana..
12Aoka ny tongotry ny mpiavonavona tsy hahatratra ahy,
ary ny tanan’ny ratsy fanahy tsy hampandositra ahy!
13Indro fa lavo ny mpanao ratsy!
Voaongana izy sady tsy afa-miarina.
Voafantina amin'izao fotoana izao:
Salamo 36: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.