Salamo 53
53
SALAMO 53#53 Ity Salamo ity, dia mitovy indrindra amin’ny Sal 14. (Volgata 52)
Ny olona tsy misy an’Andriamanitra
1 Ho an’ny mpampianatra hira. Amin’ny feo mitaraina # 53,1 Amin’ny feo mitaraina, na angamba hoe: amin’ny sodina. . Hiran’i Davida.
2Ny adala manao anakampo hoe: «Tsy misy Andriamanitra!»
Efa simba izy ireo, nanao heloka vetaveta;
tsy misy manao ny tsara na dia iray aza.
3Mijery ny zanak’olombelona eny an-tampon’ny lanitra, Andriamanitra.
Mba hahita raha misy olona manan-tsaina eny;
na misy olona mitady an’Andriamanitra.
4Efa nania, efa tonga ratsy avokoa izy,
tsy misy iray akory manao ny tsara,
na dia iray monja ihany aza.
5Moa tsy manana fahalalana va ry zareo mpanao ratsy?
fa ny vahoakako haniny toy ny fihinan-kanina;
izy ireo tsy miantso an’Andriamanitra akory.
6Ho tera-kovitry ny tahotra tampoka izy ireo,
tsy misy anefa izay tokony hatahorany,
fa naelin’Andriamanitra ny taolan’izay nitoby hamely anao;
nampahamenatra azy ianao satria efa narian’Andriamanitra izy.
7Enga anie ka hivoaka avy ao Siôna ny famonjena an’i Israely!
Amin’ny fampodian’Andriamanitra ireo lasan-ko babo amin’ny vahoakany,
dia hifaly i Jakôba, ary hiravoravo i Israely.
Voafantina amin'izao fotoana izao:
Salamo 53: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.