Salamo 58
58
SALAMO 58 (Volgata 57)
Ilay hitsara ny mpitsara eto an-tany
1 Ho an’ny mpampianatra hira. Aza mandrava. Hiran’i Davida.
2Ny tsy fitenenana va no amoahanareo fitsarana?
Araka ny rariny va no itsaranareo, ry zanak’olombelona?
3Tsia, mamorona hevi-dratsy ao am-ponareo ianareo,
amidinareo an-danjany#58,3 Amidinareo an-danjany. Noho ny vola lanjaina omena anareo ho kolikoly no tsy itsaranareo araka ny rariny; ka ny tsy manan-tsiny avelanareo hanaovan’ny ratsy an-keriny. eo amin’ny tany ny fanaovan’ny tananareo an-keriny.
4Simba hatrany am-bohoka ny ratsy fanahy,
mania hatramin’ny fony vao teraka ny fandainga.
5Manahaka ny poizin’ny menarana ny poizina aminy,
dia ny an’ny menarana marenina, izay manentsin-tadìny,
6ka tsy mihaino izay feon’ny mpahavariana azy#58,5-6 Mpahavariana ny menarana. Nisy nahay mahavariana ny bibilava ratsy indrindra, mahafaty amin’ny poizina; ka rehefa ataony izay mahasondriana azy dia tsy manaikitra izy. Ny ratsy fanahy lazaina eto kosa dia tsy mba azo sondrianina; izany hoe tsy azo sakanana tsy hanatanteraka ny heviny mamohehatra.,
ny feon’ny mpanasondriana izay kinga amin’ny fahaiza-manasondriana.
7Andriamanitra ô, torotoroy ny nifiny ao am-bavany;
ry Iaveh ô, omboty ny valanoranon’ireo liona tanora!
8Aoka ho tonga foana toy ny riaka mandalo!
Raha mametraka zana-tsipìka, dia aoka ho dombo, izy ireo!
9Aoka hanahaka ny lelosy izay miempo eo am-pandehanana!
Aoka tsy hahita masoandro toa zaza vaky manta ireo!
10Raha mbola tsy maimbo tsilo akory ny vilaninareo,
dia hindaosin’ny oram-baratra ireny, na ny lena na ny maina.
11Hifaly amin’ny fahitana ny famaliana, ny marina;
handro tongotra amin’ny ran’ny ratsy fanahy#58,11 Handro tongotra amin’ny ran’ny ratsy fanahy. Izany hoe: ny olo-marina hahita ny fandringanan’Andriamanitra ny ratsy fanahy, dia ny sazy mafy indrindra hamelezany azy. izy.
12Ka dia hiteny hoe ny olona: «Eny misy valiny tokoa ho an’ny marina,
misy tokoa Andriamanitra izay mitsara etỳ ambonin’ny tany.»
Voafantina amin'izao fotoana izao:
Salamo 58: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.