Salamo 63
63
SALAMO 63 (Volgata 62)
Faniriana an’Andriamanitra
1 Salamon’i Davida. Fony izy tany an’efitr’i Jodà # 63,1 1Sam 23,13-28; 2Sam 17,22-29. .
2Andriamanitra ô, Andriamanitro Ianao,
mitady Anao aho hatramin’ny vao maraina;
mangetaheta Anao ny fanahiko, manina Anao ny nofoko,
ao amin’ny tany maina#63,2 Ao amin’ny tany maina. Tany an’efitr’i Jodà i Davida tamin’izay. mangentana tsy misy rano.
3Toy izany no nibanjinako Anao#63,3 Toy izany no nibanjinako Anao. Nivavaka tao izy toy ny nivavahany tao an-tempoly. tao amin’ny fitoerana masina,
mba hahitako ny Herinao amam-boninahitrao.
4Fa tsara lavitra noho ny aina ny fahasoavanao,
ka aoka hiventy fankalazana Anao ny molotro.
5Dia hidera Anao amin’ny andro rehetra iainako aho,
hanandra-tanana#63,5 Hanandra-tanana. Fomba fanaon’ny Jody, raha mivavaka, ny maninjitra sy manandratra ny tanany. amin’ny Anaranao.
6Toy ny voky tsoka sy ny matavy no ahavokisan’ny fanahiko,
ka midera Anao ny vavako, amin’ny molotro falifaly.
7Raha mieritreritra Anao eo am-pandriako aho,
dia any aminao ny saiko mandritra ny fiambenana alina.
8Fa Ianao no vonjiko,
ary eo ambanin’ny aloky ny elatrao no iravoravoako.
9Tafaraikitra aminao ny fanahiko;
manohana ahy ny Tananao ankavanana.
10Fa izy ireo mitady hanala ny aiko kosa
dia hidina ambanin’ny tany.
11Hatolotra ho an’ny sabatra,
ho rembin’ny amboahaolo#63,11 Ho rembin’ny amboahaolo. Rehefa maty ka nalevina ireo fahavalo ireo, dia mbola hofongarin’ny sakaly, amboahaolo, ny fatiny mba hohaniny..
12Dia hifaly amin’Andriamanitra ny mpanjaka;
ho ravoravo izay rehetra mianiana aminy,
satria hakombona ny vavan’ny mpandainga.
Voafantina amin'izao fotoana izao:
Salamo 63: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.