Salamo 7
7
SALAMO 7
Vavaky ny olo-marina enjehina
1 Hira firehetan’i # 7,1 Hira firehetana. Sigaiona amin’ny teny Hebrio; tsy fantatra mazava izay tena heviny fa karazam-poezia ihany io. Davida nohirainy tamin’i Iaveh, noho ny tenin’i Kosa Benjamita#7,1 I Kosa Benjamita. Tsy fantatra io Kosa io na iza na iza..
2Iaveh Andriamanitra ô, Ianao no itokiako;
vonjeo amin’izay rehetra manenjika ahy aho, ka afaho;
3fandrao aho dia viravirainy toy ny fanaon’ny liona,
fandrao arapany ny remby, tsy misy hanafaka.
4Iaveh Andriamanitra ô, raha nanao izany aho#7,4 Raha nanao izany aho: Izany hoe: raha nanao izay iampangan’ny fahavaloko ahy aho.,
raha misy heloka eto an-tanako,
5raha mamaly ratsy izay tsara fihavanana tamiko aho;
raha nandroba izay nampahory ahy tsy ahoan-tsy ahoana aho,
6dia aoka hanenjika ahy ny fahavaloko, ka hahatratra ahy;
aoka hohitsahiny amin’ny tany ny aiko;
aoka hohoseny amin’ny vovoka ny voninahitro;
7Iaveh ô, mitsangàna amin’ny fahatezeranao;
mirohota hamely ny fisamontotry ny fahavaloko;
mifohaza hamonjy ahy, fa Ianao no mamoaka fitsarana marina.
8Aoka hanodidina Anao ny fivorian’ny firenena!
dia misandratra eo amboniny Ianao amin’izay,
ka miakara indray any amin’ny avo.
9Iaveh no mitsara ny firenena:
tsarao aho, ry Iaveh,
araka ny fahamarinako sy ny tsy fananako tsiny.
10Farano ny ratsy ataon’ny ratsy fanahy,
ary hamafiso kosa ny marina,
Ianao izay mamantatra ny fo sy ny kibo, ry Andriamanitra marina ô!
11Ny ampingako dia ao amin’Andriamanitra,
izay mamonjy ny olona mahitsy fo.
12Mpitsara marina Andriamanitra;
mampandre ny fandrahonany isan’andro ny Tsitoha.
13Tokoa fa manasa ny sabany indray Izy,
manenjana ny tsipîkany, dia mikendry.
14Alefany amin’ireo ny longiny mahafaty,
ataony mahamay ny zana-tsipîkany.
15Indro ny ratsy fanahy mihetsi-jaza hiteraka faharatsiana,
fampahoriana no torontoronina ao aminy, ary lainga no aterany.
16Mandoaka lavaka izy#7,16 Mandoaka lavaka izy. Fomba fihazàna ny biby dia, ny mandoaka lavaka, sy manototra bozaka azy hianjeran’ny biby dia ao. Toy izany koa no ataon’ny olon-dratsy: Mihady lavaka izy hahavoafandrika ny olo-marina; kanjo ny tenany no mianjera ao., mihady azy
ary izy no latsaka amin’ny hantsana nomaniny.
17Mitsingerina eo an-dohany ny haratsiany,
ary miverina eo an-tampon-kandriny ny fanaovany an-keriny.
18Hidera an’i Iaveh noho ny fahamarinany aho,
sy hihira ny Anaran’i Iaveh, ilay Avo indrindra.
Voafantina amin'izao fotoana izao:
Salamo 7: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.